وش شعورك إذا تعلى طيرك الحبارى؟؟؟؟

[ولد شقراء]

السلام عليكم
وش شعور الواحد إذا هد طيره على الحبارى
وش تسوي؟
تروح لها بسرعه؟ ولا على هونك؟:D :D :D



تحيات ولد شقراء

[elshamri]

شعور طيب لمن الطير تعلى الحبارى

لكن الريق ينشف والشوف يختلف

ودايم أنقول لا أمر الله من سعه و ....... لكن الصحيح والله أعلم أن راعي الطير مرفوع عنه القلم هاذيك الحزّه

وش يقولون الصقاقير؟!!!!
:D

الشامري

[سعودي]

مرفوع القلم ذيك الساعه بس؟

الا ياخذ له اسبوع وهو بدون قلم من الفرحة

ههههههههههه

[النـادر]

تنشد عن شعوري ليا من تعلى "="طيري على برقا الجناحين يافلان
احس دلو(ن) فالمحاني تدلى "="وحبال ذاك الدلو في كف ورعان
وياقف شعر راسي ليا خر وادلى"="ويثور في دمي من الفخر بركان
واسوق في ساقته والعقل ولى"="سكران هد الطير والله سكران
والي معي ان كان ماهو تحلى"="بالصبرضاقت به وسيعات الاردان
ان صاد طيري خاطري مسفهلا"="وان كانه افلس امسي الليل نكدان


تحياتي،،،،النـــــــادر

[الباهي]

صح لسانك ياالنادر
ماشاء الله
اما انا شعوري شعور اي مواطن سعودي:D :D

[سعودي]

صح لسانك على هذه الابيات الجميله

وانشاء الله تاكل من صيد فواز

[elshamri]

صح لسانك يا راعي فوّاز على هالابيات الزينه

أييييييه توني عرفتك يالنادر أسم على مسمّى

عسى فواز يطلعها قبل الطيور ويونسك اتشاء الله مادام أنه طير طيب من طيب وعلومه مسنعه وتستاهله




واسوق في ساقته والعقـل ولـى" "سكران هد الطيـر والله سكـران



على فكره بعد هذا البيت بحط بيني وبينك زباره لهدّيت الطير

أخوك الشامري

[المري]

ذيك الساعة على ماقالو االاخوان ينشف الريق


ويكثر قول (( يالــلـــــه انــــــــــك تـــــعـــيـنـــــــــــــه ))


واشكر اخي النادر على هذه الابيات الرائعه وصح السانه ......

[ابو عبدالعزيز]

السؤال ما ينطبق علي لكن لقافه
اول مره اشوف حبارى في حياتي شفت المنظر هذا وكنت راكب مع راعي الطير
اول ما لقى الجره قام يبولع بريقه ولا يلقى شي
بعد شوي قال خوي لنا الحبارى هريب قلت وش معناها قال بعدين
ابيضت براطمه قلت جاه السكر
قال واحد يا بو براهيم الحبارى طارت هد
قال وينها وينها والريشه عند الرجلين
المهم شفنا الحبارى يوم ارتفعت شوي
الطير يبيها ومربوط
ويقول فك سبوقه وانا ما اواطن مخاليبه
المهم سهل الله ولا ادري من اللي فكه انا والا هو





نرجع لسؤالك
من يوم تعلاها الطير قلت انتهت المعركه
والتفت على راعيه والاه زاين وجهه


يا هو قعد يشرح لي عن المسميات الخاصه بالحبارى لين اوجع راسي عقب ما صاد طيره


:mad: :(

[النـادر]

سعــــــــودي
البــاهي
المـــــــري
اشكر لطفكم في الثناء الذي هو اكثر مماقلت





اما انت يابو فيصل
مالك ومال الزباير من قلك ان عيني على القاع اصلا
خلك معي ووسع صدرك وقول يالله السلامه

تحياتي ،،،،،،النـــــــــــــادر

[حر اجأ وسلمى]

السلام عليكم ورحمه اله وبركاته
انا العضو الجديد حر اجأ وسلمى اهديكم هذه الابيات من شعري
لاهد طيري كنه انا الهاد ماهو بالطير ودي اعلق خرب الحباري و انىالحرالاشقر
ودي يصيده ويبيظ وجهي عندالرجال المناعير وترى الطير الي مايصيد الحباري مهوطير
ولى تعلى طيري خرب الحباري وكسر كنه انكسر ضهري بس ترى ذاك من الربشه

هذى وصف الصقار عند الهدد وماتخلى حالته عقب الهدد من حالتين

حالتي عقب الهدد يا هي حاله / ان ماصد تها سهرت اليل ون صدتها مانمت الليل
ان ماصدتهاسهرت اليل من التمني / اقول ليتني هديت يوم قال فلان وانشهد ان قوله حقي
ون صدتهامانمت من الوصف والكيف /

[سعودي]

كلها 45 يوم وانشاء الله نشوف ردة فعلكم مع اول حبارى تشوفوها