ممكن يا اهل القنص طلب بسيط؟

[مقناص بن شوزن]

ابيكم تدوني فكره عن بنادة الشووزن لاني جديد بهذا العالم وبادل عالم القص وباشتري عده
من الى وانا مجهز للحين 10 الاف ريال كمتوسط ميزانيه تكفي ولالا؟



المهم ابي نبذه عن الشوزنات واسعاها تقريبا
ابي الاسعار اهم شي



تحياتي لكم مقناص بن شووزن

[عليان الليل]

حياك الله اخوي بين اخوانك
في منتدى مكشات ..
اخي الكريم لو تبحث في جنبات هذه الخيمة
تجد كل شي عن البنادق ..
لكن ذكر الاسعار ممنوع ..
تحياتي..

[قيال]

الاخ : مقناص بن شوزن
السلام عليكم ورحمه الله وبركاته وبعد

بخصوص سؤلك عنا الشوازن ؟
اعتقد ان افضل شوزن ام خمس هي ( سوبر بنللي ) .

تحياتي .

[أكشت سعة صدر]

السلام عليكم
والله من رايي ان كانك توك ما تولعت من يومك صغير سافر بدراهمك احسن لاهنا صيد ولا هنا ربيع

[جرناس]

والله ان كلام اخوي أكشت سعة صدر
عدل القنص راح وراحت ايامه سافر ولا تفكر بالاسلحه والقنص

[امير الرفيعه]

اخوي مقناص بن شوزن

السلام عليكم .........

بالنسبه للشوازن احسن شوزن ام خمس (براونج) عادي ماهيب شت قن ...
وعلى فكره تلقى صور لها في الخيمه .....

وتقبل تحياتي ............

[راعي سدحه]

خذهامن اخوك انااشتريت ام خمس روسيه ومن روعتهاسميتها (سدحه) رميهاقرار وخرابهانادروصوتهاعادي وخفيفه الإرتداد عندالرمي وسعرهايابلاش ومن كثراعجابي فيهاتركت السوبروالبلجيكي الاول علشانها مع العلم اني ركبت لها توصيله مقاس 17 لان توصيلاتها 18 وفوق وكل ماصغرالرقم كان الرصاص مجتمع أكثر يعني مايتفرق الامن بعيد .وعذرامن التفصيل الي مايخفى عليكم بس حبيت اعطي معلومات مختصره ( وجبات سريعه) لخوينا وسلامتكم

[نجمة سهيل]

اخوي مقناص بن شوزن:heart:

حياك الله بين اخوانك وربعك ،،

في الحقيقه كلمه صغيره حبيت اقولها لك :

تبي نصيحة اخو لاخوه ، طع شوري ولاتتولع بالصيد ترى والله ان يشغلك ويخسرك الصيد يبي وقت ويبي فشق ويبي موتر وكل هذولي يبيلها فلوس يعني الي على قد حاله وش يسوي مسكين:mad:

خاصة عندنا بالسعوديه سعر الفشق مدبول دبل الدبل وكذلك الاسلحه ممنوعه وغاليه:mad:

فنصيحه مني لك لاتتولع فيه ، والصيد اصلا كل سنه ويقل بكثره وخاصة القميري

الله يرحم ايام اول الي كنا نصيد بال50 وال80 ونقول مانزل ،،

اما الحين لو يصيد الواحد 10 قال القميري اليوم نزل:eek:

لكن كانم جازم ابشر بالي يسرك افضل البنادق مذكورة بالمنتدى واذا حبيت تستفيد اكثر


اضغط هنا (http://www.mekshat.com/vb/showthread.php?s=&threadid=10096)
احلى تحيه..