Canon g7

[canda]

مرحبا


عندي استفسار عن كاميرا canon g7

توني شاريتها الاسبوع اللي فات بعد ما شفت بعض المواضيع اللي هنا اتوقع للاخ طارق.. وكانت الصور حلوه ماشالله وواضحه وتحمست وشريتها


بس المشكله اني توهقت معها :rolleyes:
او يمكن انا اللي ماعرفت استخدمها صح


تطلع اللي الصوره فيها اضاءه بيضا عاليه مع ان النور يكون اصفر
اتوقع من الفلاش وحاولت اتعامل مع هالفلاش بس ماعرفت.. :(


اللي عنده طريقه سهله عن كيف اتعامل مع الفلاش
او كيف اتعامل مع هالكاميرا بكبرها وعن احسن وضع للكاميرا
ياليت تساعدوني .. لان وراي سفر هالاسبوع واحتاج الكاميرا معي :(

[فتى الدهناء]

شف أحسن وضعيّة مبدئيا .. الأوتو ..

ولا تنس تصمّ الكتالوج .. وتطبّق معه .. كل معلومة طبقها .. خلك بالأساسي .. بس

وان شاء الله يفيدونك أهل الجي 7 .. وفقك الله

[canda]

هلا اخوي مشكور ع التجاوب

طيب انا اول شي حطيته على الأوتو بس يطلع لي فلاش ويخرب الصوره :(

كيف اشيل الفلاش

[أبو رداد]

السلام عليكم ورحمة الله وبركاته

المفروض شركة كانون كل سنه تعطي طارق كامرا ببلاش
ههههههههههههههه
انا بعد اشتريت G7 بعد ماشراها طارق
والمفروض يشرح لنا طارق وشلون يطلع هالصور الزينه فيها
هههههههههه
وبخصوص الفلاش في علامه للفلاش على الشكل الدائري
لما تضغطها يطلعلك خيار تقدر تلغي الفلاش فيه
والسلام

[canda]

لا انا بخليه يعوض لي فلوسي :(

للحين ماقدرت اصور منها صوره مثل الناس :(


وأي علامه تقصد ؟

اللي على اليسار ومرموز عليها حرف S ضغطتها بس ماراح الفلاش :(

[الرجم العالي]

السلام عليكم

أخوي لعلي أفيدك

بالنسبه للفلاش شف فيه زر على يمين الشاشه على شكل برق أو 4 >>> مدري وشلون أوصفه :p

المهم أضغط عليه بعدين حرك المربع يمين على نفس الشكل الي عليه دائره ويطفي

ماعليش ترى الشرح لك عليه

ولعل الأخوان يفيدونك أكثر

[canda]

مشكوريـن والله توني استوعب انه هذا تبع الفلااش

الحين الصوره بدت تطلع حلوه

خلاص موب مرجعه فلووسي :)


.



ممم اذا مافي مانع عندي سؤال ثاني

العزل كيف اسويه ؟ :rolleyes:


استحملوني شوي :D

[ربيع عنيزة]

الاخت العزيزه كندا ,,,,

السلام عليكم ....

اولا مرحبا بك عضوة فى هذا المنتدى ....

ثانيا الجميع فى هذا المنتدى يتسابقون للخدمه والتضحيه ( رجال بمعنى الكلمه ) فلا تترددى بالطلب ,

من خبرتى البسيطه بهذه الكاميره ومن استفادتى من نصائح الاخوه ممن سبقونى اليها هنا او فى غير محل انصح بأن يكون الاستعمال الأولى لها على وضع الأوتو مع الاهتمام والتركيز على جميع التفاصيل المعطاه على الشاشه من مقدار فتحه العدسه وسرعه الغالق وخلافهما ولأوضاع تصويريه مختلفه حتى تتمكنى من معرفه الفروقات لتتمكنى مستقبلا من ضبطها فى الاوضاع التشغيليه الاخرى ,

اما بالنسبه للعزل فهذا راجع فيها للزوم والفوكس فكلما قربتى الزوم وحددتى الفوكس لوسط الشىء المراد تصويره كلما حصلتى على عزل اكبر .

مره اخرى اكثرى المحاوله والخطأ فكل خطأ درس لعدم تكراره .

أخيرا هنا وفى هذه الخيمه نملك مشرفين رائعين واخوان لهم بصمات احترافيه نتمنى جميعا الوصول الى مستواهم مع الثقه ان حب المساعدة فيهم امر لاجدال فيه فلا تترددى بالطلب .

[OBAID]

تسجيل حضور;)

[canda]

مشكور اخوي ..

والله جد ماعرف كيف اشكركم

الله يجزاكم خير يارب :)



اما بالنسبه للعزل فهذا راجع فيها للزوم والفوكس فكلما قربتى الزوم وحددتى الفوكس لوسط الشىء المراد تصويره كلما حصلتى على عزل اكبر .

مع اني ماستوعبت مره لاني ماعرف الفوكس وين احصله

بس ان شالله مثل ماقلت بجرب بجرب لين مااتعلم .. :)



آلوهـا

[ibnalhaithem]

مبروك عليك الكاميرا



وبالنسبة لإعدادات الكاميرا


ما أنصحك تستعجل كثير




وأنصحك مبدئيا تضع الكاميرا على الوضع الأوتوماتيكي وبس




وبالنسبة لباقي الإعدادات
راجع لك إن شاء الله
وافيدك باللي تبي




واختيار موفق




....
..
.

[canda]

^

يبارك فيك ..

وانا انتظرك :)


ومشكوور ..


وراجعتلكم بعد السفر ان شالله مع صور من تصوير الكاميرا واكيد

احتاج نقدكم عليها :)