السيفون >>>>> الحذر نصيحه

[ابوحماد]

السلام عليكم ورحمة الله وبركاته

أنا عندي سيارة جيب انفنتي ودوم ينقص زيت نصف علبه او أكثر

وهذا المشكله موجوده عند الكثير من أصحاب الباثفندر والمواضيع في هذا القسم

كثيرة تصب بهذي المشكله

وكتب ربي وأخذ شور واحد من الجماعه وقال لا تركب سيفون الزيت من عند المشاحم

تراها مغشوشه وماهي اصلي او قد أستخدم من قبل وتم تجديدها من ناس مايخافون الله

رح وأشتر سيفون من الوكاله من عند الحمراني وشف الفرق

وشريت واحد بسعر 25 ريال مختوم برقم من الوكيل

ياجماعة الخير والله فيه فرق شاسع يكفي بس الجلبه في السيفون عريضه ومكبوسه صح

وعند المشاحم سخيفه وماهي عريضه

وركبت السيفون وبشركم الزيت مثل العسل ماتغير ولا نقص

والسالفه ماتتعب الواحد تغير السيفون في السنه ثلاث مرات او اربع مرات حسب ممشاك

كل ثلاث مرات تغير الزين غير السيفون

[ابوعبدالله9999]

الله يعطيك العافية على هذا التنبيه .

[هويدي]

يعطيك العافيه على التنبيه

ومثل ما تفضلت السيفون من عند الوكاله ارخص واضمن

[ابوحماد]

ياهلا بالجميع

صحيح سعر السيفون عند المشاحم 25 ريال

وعند الوكيل 25 ريال

ويوجد فرق بالرقم التسلسلي

[عجيب]

جزاك الله خير

[سعد777]

الحقيقه نصيحه تشكر عليها

[ابوحماد]

ياهلا بالجميع

[alkongrs]

الله يعطيك العافيه بس اذا جيت تغير الزيت والسبفون انشب بحلقوه تراهم ما يربطون صرة الزيت والا السيفون زين وذا خبطت المكينه يقولك ما غيرت الزيت ولا السيفون عندنا تراهم ما يخافون الله

[هداج7]

جزاك الله خير
مثل هذه القطع الواحد مايشري إلا الأصلي

[ابوحماد]

الله يعطيك العافيه بس اذا جيت تغير الزيت والسبفون انشب بحلقوه تراهم ما يربطون صرة الزيت والا السيفون زين وذا خبطت المكينه يقولك ما غيرت الزيت ولا السيفون عندنا تراهم ما يخافون الله

افاااااااعليك لا توصي حريص منحشر معه في الحفره :p :p

[ابوحماد]

جزاك الله خير
مثل هذه القطع الواحد مايشري إلا الأصلي

صحيح وبحكم لا يوجد في هذي البلاد شي أسمه حماية المستهلك

[ابوحماد]

ثلاث أسابيع مر على تغيير الزيت وكتابت الموضوع تقريبا

والزيت ماتغير (بنقص)

[DRAKOLA]

كلامك سليم اخوي ابو حماد كل اللي بالبناشر تقليد والعماله تقول متواصين بالنذاله والخيانه بقدر المستطاع على هالسعوي الطيب لكن من ناحية تغيير السيفون انا افضل ان الواحد يغيره مع كل تغييرة زيت عشان يحافظ على المكينه صح لان ترسبات الاحتراق تتجمع بالسيفون واذا زادت يصير عمل السيفون من حيث تجميع الرواسب ضعيف وبكذا تبقى داخل المكينه ومع الوقت تنتهي بسرعه

[عصيقيل]

بارك الله فيك جزاك الله خير

[أبو محمد2010]

أنا أغير السيفون حق المطلق الي في شارع علي بن أبي طالب وقيمة السيفون الواحد خمسة ريال و الحقيقة إنه ممتاز ولي أكثر من ثلاث سنوات ولله الحمد....

[winchester]

الله يعطيك العافيـه على هالنصيحه

لكن عندي ملاحظه أنت تقول ( كل ثلاث مرات تغير الزيت غير السيفون) الحين وش الفايده من تغيير الزيت أذا كان السيفون القديـم يحمل

زيت محروق وشوائب ورائش بنسبة (20%) من زيـت المكينه! أصب زيت جديد على قديـم!

الماء الصافي مثل العكر!

بنسبـه لي أغير السيفون مع الزيـت

وتسلم مجدداً

دمـت بود

[ابوحماد]

الله يحيكم على الردود و المشاركه

والهدف من طرح الموضوع النصيحه

والكل ومشاويره داخل البلاد او خارج المدينه

[روثان]

بارك الله فيك أخي الكريم

ماقصرت ولا عدمناك

لك التحية..

[راع الصمان]

وازيدكم من الشعر بيت ..ترى سيفونات بعض السيارات يكون الرقم التسلسلي واحد. وهذا حصل معي..لقيته عند محلات الجمله الى تبيع على المشاحم (تجاري)ب10 والموزع يبيع الاصلي ب25ونفس الرقم التسلسلي للسياره(باثفاندر).
حسبي الله عليهم غش في غش.

[ff1fm2fs3]

مشكور على النصيحة

[ابوحماد]

ياهلا ويا مرحبا بالجميع