يا أهل القصيم ..

[بالرمله قناص]

السلام عليكم ورحمه الله ..


ناوي أن شاء الله أني أروح للمدينه ومكه براسي ومع رفيق شرواكم .. وأبي أمر القصيم .. وأبي لاهنتو أسماء المواقع الطيبه في القصيم .. وأحداثياتها أن وجدت (النفود - الفياض الي حولها - المواقع الأثريه - الأسواق والخ الخ ).. ولاهنتو على كل حال

[الهواوي726]

يا هلا بك وشرواااك الطيب

فيه يابعدي على طريقك (القصيم المدينة) فيه قرية الهلالية لاطلعت من بريدة تقريبا 45 كيلو يجيك مخرج البكيرية لف يمين وامش كيلو تلقا القرية على اليسار

اسال اي واحد عن مسجد الطين ... صراحة شي يستاهل تمره وهو على الطريق يعني ماهنا كلافة

واي استفسار انا حاضر

[عروق الدهنا]

اخوي بالرمله قناص
حياك الله تبي تنور الديره بوجودك
فيه اماكن كثيره منها
الخبراء القديمه ,مقصورة الراجحي بالبكيريه (قصر طين)
الغضا بين البدايع وعنيزه نفود يشرح الصدر
وعلى العموم اي خدمه او وصف انا ابرسلك رقمي على الخاص ولا يردك الا لسانك