عندي ديزل وابغى مساعدة

[مسوي راعي بر]

السلام عليكم
هذه اول مشاركة لي بس انا عندي هايلكس ديزل 2002 بس مليت منه ماينفع بالخط ولا بالطعوس يعني يفك ازمه بالطعوس بس ودي اشتري دفرنسين ديزل في هايلكس ديزل تفرنسين مادري وشريكم وش ازين تفرنسين ديزل

[كاتم اللهب]

اخوي راعي بر

الهايلوكس الدفرنسين مهوب راسي في الخط بشكل عام واذا صار ديزل عاد الله يعينك ازعاج وبدون سرعة تستاهل


اما في البر فالديزل ماعندك احد

ارجع لهذا الرابط وان شاء الله يفيدك
http://www.mekshat.com/vb/showthread.php?s=&threadid=9180

[Bader-M]

فيه
ايسوزو ديزل (دفرنسيين )
مثل ما يقلون
كويس ورخيص
تقبل تحياتي

[مسوي راعي بر]

مشكور كاتم اللهب وطاير بالعجه
في سيارات دفرنسين الأسوزو الهايلكس مستبيشي طبع اتكلم عن الديزل لان البنزين يهد الظهر لو كان تيرسل اييهم الأفضل وهل في ددسن دفرنسين ديزل

2/بالنسبة للتوانك طبعن انا عندي ديزل هايلكس الاقى فيبرجلاس تفصيل وسمعت ان التانكي مفيد للطعوس يثقل الصحن

[الدبل الثقيل]

السلام عليكم ورحمة الله وبركاته....
انا اخوك اشور عليك (وهذا مجرد رأي) انك تستخير الله ثم تبيع الديزل في بريدة لأنه مرغوب جدا عندهم ويجيب سعر وتشتري هايلكس بنزين دفرنس واحد لأنه افضل واخف وارسى من الدفرنسين ... وانا ادري انك شارد من صرفية البنزين لكن لو تطالع لبعيد ترى البنزين افضل من جميع النواحي بدون مقارنةاما صرفيته تحملها لأن كل شيء له ظريبه.. وترى الديزل يبغاله محافظه شديدة لأنه لو خرب يخرب عليك التوفير اللي وفرته في الصرفيه...انا سألت عن طرمبة الديزل بعد الخصم 4000الاف وصراحة الديزل شيء ماتعرف عن صيانته وتخاف يبهذلك هذا شوري وجزاك الله خير...والسلام عليكم ورحمة الله وبركاته.....

[أيمن]

أولا : أنا أبرد علشان أضحك على اسمك :D
ثانيا : علشان أرحب بكم بالانضمام إلى مكشات، وحصول الشرف لنا بذلك، وتصير راعي بر بحق وحقيق :)
ثالثا: الديزل حلو، وأجمل ما فيه إذا وقفت عند محطة البنزين .. أقصد محطة الديزل:) ..
وكانك معزم على الهايلوكس الديزل فلا تاخذ إلا غمارة والا ابعد عنه مرة، يعني لا تفكر تشتري ديزل غمارتين وخصوصا دفرنسين ..
نزل الآن إيسوزو مديل أربعة بمكينة تيربوا سعة 3.0 بدلا من 2.8، وهي موجودة في المعارض للعرض، وتنزل للبيع مع تسعيرتها بعد شهر أو شهرين، وهي قمة في الجمال والمتانة ..
أرجو أن يفيدك البقية ..

تحيتي

[algarmeen]

الايسوزو ازين من الهايلكس دفرنسين
اذا كنت تبي ترا اليسزو ازين من الهايلكس؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[مسوي راعي بر]

مشكور algarmeen وأيمن ويا الدبل الثقيل
شفت الأسوززو شكلها رائع بس وش رايكم اذا كانت تماتيك :D

[mohamad1121]

مسوي راعي بر
بع السياره وتوكل على الله واشتر سياره تعمل على البنزين سواءا هايلكس والا نيسان والا اسوزو ومن ناحية التماتيك مريح فجربته في اللاندكروزر vxr وماشاء الله مريح وزين بالرمل ونفسه خفيفه .

اخوك ابوكاسر