معرض اليحيا عيا يعطيني ضمان [الأرشيف]

مشاهدة النسخة كاملة : معرض اليحيا عيا يعطيني ضمان

الجوهر2

04/07/2007, 12:12 PM

السلاااام عليكم ورحمة الله وبركاته
حيا الله الشباب كيفكم وش أخباركم إن شاء إنكم بخير
ياأخوان أنا لي شهر بشتري لاند كروزر vxr 2007
رحت للبازعي غالي
رحت لليحيا قال ماأعطيك ضمان = ليه أو لماذ ؟؟؟ وهو يقول وارد خليجي
السؤال اللي ودي أسدحه بين أيديكم
مَن مِن معارض النسيم يجيب وارد البريمي 100% ويعطي ضمان ويكون داخل صيانة عبد اللطيف جميل
وسؤال آخر يتسدح بين يديكم
من اللي شرا من اليحي (( اليحيا )) وكيف خذ بدون ضمان وش بيسوي عند التشييك عند ال 1000 وين بيروح - وكيف سيارات اليحي (( اليحيا )) ياللي جربته

لا تقولون رح للبريمي لـ (( سعود بهوان )) نفسه )) ماعندي شدة سفر وترحال ههههههههههه

هههههههههههههههههه والله ماصار سؤال صارت أسئلة
والمعذرة على كثر الأسئلة

أخوكم
أبو محمد (( التميمي ))

برق تميم

04/07/2007, 12:21 PM

عليكم السلام ورحمة الله وبركاته

اخوي الجوهر اليحيى ما يعطي ضمان من تطلع من المعرض وهو مخلي المسؤوليه من السياره
فيه البازعي يجيب خليجي ويظمنه لك وضمانه افضل من عبداللطيف جميل

وفقك الله لكل خير

شاص&نص

04/07/2007, 01:00 PM

السلام عليكم و رحمة الله و بركاته

أخوي الجوهر إستخر و توكل على الله و خذ من اليحيى و بالنسبه للضمان ف ((جميع سيارات تويوتا 2007 مضمونة لمدة 5 سنوات أو 100ألف من المصنع أيا كان مصدر مصدر شرائها و الضمان لدى جميع الوكلاء و من ضمنهم عبداللطيف جميل - لكن يبيله عين حمراء-))

أخوك أبو عبدالكريم

حطاااااب

04/07/2007, 01:06 PM

السلام عليكم ورحمة الله وبركاته

وين حمايه المستهلك بس كلام
من غير تفعيل وين المسؤلين عن الكلام هذا الى متى الى متى
وصلنا مرحله النهب عيني عينك
؟ ؟ ؟

بنزرت

04/07/2007, 01:13 PM

فيه جمعيه اهليه وطنيه لحمايه المستهلك تمت الموافقه من الحكومه جزاهم الله خير على انشائها بعد فشل اللجنه المشكله السابقه .... بس انا خايف يصير اعضائها من التجار او من ذوي الدخل العالي ثم ما نستفيد منها شئ

الضمان :حسب الانضمه المرعيه مادام انك مشتري سياره تنطبق عليها مواصفات منطقتـك فان الوكيل( اي وكيل) ملزم بضمانها لان الوكيل ما يمثل نفسه بل يمثل الشركه وهذا المعمول به بالنسبه للسيارات الامريكيه

اقول لكم من الاخر.................... الله يعجل لنا بالعولمه ويفكنا من احتكار ها الوكلاء

الجوهر2

04/07/2007, 02:49 PM

...........
برق تميم
شكرا لك وجزاك الله خير على المداخلة الطيبة
أنا رحت للبازعي بس غالي وفرق شاسع بينه وبين اليحي

طيب ليه مايعطي ضمان يعني إذن سياراته يعني مش ولابد غير واثق فيها
================
أخي العزيز // شاص&نص
بارك الله فيك وجزاك اله خير على المداخلة الكريمة
يعني رايك آخذ منهم وبس بعد التوكل على الله - تراني على جرف أني آطب فيهم بس رادني عدم إعطائي ضمان وخوفني
طيب تخبر أحد خذ منهم إذا نعم وش ناوي يسوي عند التشييك عليها بعد ال 1000
طيب ياخوي ابو عبد الكريم المشكلة ماعندي عين حمراء ماعندي إلا عين بيضاء وفي وسطها سواد (( أجل بيعيون علي في الكشف )) طيب ماخبرت لي عين حمراء - وإذا عندك عين حمراء ماشاء الله ممكن نروح أنا وإياك تولعها فيهم
وشكرا لك يالطيب
أخوك ابو محمد
=======================
حطاب
شكرا لك أخي الكريم على المداخلة الحلوة فعلا كلامك صحيح 100% لكن الله المستعان - أخاف إن حماية المستهلك هم اللي يبون نحميهم خخخخخخخخ - الله المستعان
فعلا نهب عيني عينك
والشرط أربعون لكم عشرون ولنا عشرون <<==== لعلك سمعت بهذا
=============
أخي الفاضل بنزرت
شكرا لك وجزاك الله خير على المداخلة المفيدة والله يعطيك العافية
بس هذي (( جمعيه اهليه وطنيه لحمايه المستهلك )) لأين أجدها - يعني أروح لها قبل أروح لليحيا وأقول أحموني من معرض اليحيا رافضين يعطوني ضمان أو كرت للوكيل
كلاكم صحيح ملزم وكيل تويوتا بالضمان والفحص المجاني حتى لو شريتها من أي معرض كااااان

س سؤال
هل معرض الفلاح - ومعرض الصقر = عندهم وارد البريمي ويعطون ضمان أو كرت للوكيل سواء بازعي أو عبد اللطيف

أخوكم
أبو محمد التميمي

بواسامه

04/07/2007, 04:29 PM

اشتر من اليحياوافتح له ملف عند عبداللطيف جميل 150 ريال

الجوهر2

04/07/2007, 04:42 PM

هلا أخوي بو أسامة
مشكووووووووووور وجزاك الله الف خير
والله يعطيك الف صحة وعافية على هذه الفائدة النيرة

يعني 150 يفتحون ملف ويقبلون أنها تكون عندهم التشييك والصيانة

يعني مجرب هذا - وفتح ناس عندهم -- مو مشكلة لو ندفع 200

شكرا لك - وبيض الله وجهك دنيا وآخرة
توكلنا على الله في الشراء من اليحيا

أمجد

04/07/2007, 05:07 PM

السلام عليكم
بما اني قد خضت هذه المرحلة التي يتحدث عنها الجوهر 2 فعندي بعض المعلومات التي اتمنى اضافتها لكم
1/ أنا لي 3شهور شاري جيب في اكس ار بريمي 2007عن طريق معرض الفلاح بالرياض ولا عطوني ضمان ورحت لعبداللطيف جميل بعنيزة ولا سأل من اللي مورد السيارة فقط فتحت ملف ب163 وفحصوها بعد ال1000 كيلو وقالوا علشان يمشي الضمان لازم تفحص المرات الجاية عند الوكالة وصارو يتصلون كل5000 كيلو ويقولون تعال افحص وامحط دراهم انا فحصت الخمسة الاولى ب100 ريال والله يعين على الجايات
الزبدة:
طع شوري وناظر المواصفات اللي تعجبك وخذها
لأن الضمان يسري على الجميع

الجوهر2

04/07/2007, 06:18 PM

شاص&نص

04/07/2007, 06:53 PM

أخوي بالنسبه للصيانه الدوريه فلا تتجاوز الإطلاع على السيارة ((إن لم تسرق الوكالة منها قطع )) حسب ما هو مكتوب في الكتلوج المرفق مع السيارة فإن كل شئ فحص فقط أما الذي يتغير فهو البواجي كل 40ألف فقط بالاضافه للتشحيم كل 10 آلاف و كل هذه لاتستاهل الذهاب للوكاله
-----
بالنسبة لليحيا :
لدي صديق أخرجت أنا و إياه موتره 2006 هدد من اليحيى و لله الحمد إنتهت فترة الضمان ((عدا ال 65ألف)) و لم يشتك أي شي.

أخوك أبو عبدالكريم

الجوهر2

04/07/2007, 08:03 PM

أخوي الكريم أخوي الفاضل /// ابو عبد الكريم

جزاك الله الف خير والله يعطيك الف صحة وعافية - ورزقك الله الفردوس الأعلى من الجنة
على هذه المعلومات القيمة
فعلا وهذا اللي كان في هاجسي وعدسي إني خايف بعد منهم أروح أشيك عندهم وش يدريني إنهم ياخون منه قطعه ويبدلونها بقطعة أقل جودة
كلامك صحيح ومتوقع -- والله أعلم

بيض الله وجهك دنيا وآخرة - ساعمل بنصيحتك

لكن قال لي واحد إن معرض الوجد عنده vxr مواصفات حلوة وعنده ضمان

شاص&نص

04/07/2007, 11:47 PM

الله يجزاك خير على الدعا و الله يكتب لنا ولك كل خير

أخوك أبو عبدالكريم

أمجد

05/07/2007, 10:08 AM

شكرا أخوي الكريم // أمجد
الله يعطيك الف صحة وعافية
إيه كذا نحن نريد من خاض التجربة

بس ياخوي ليه تمحط 100 وأنت فاتح ماف 163
اللي أخبره إن الصيانة كل 1000 وكل 5000 مجانا

إذا أنا أبا أدفع فلوس أدوري لي أفضل ورشة ويمكن تكون بعد قريبة مني
كل مرة بمحط فلوس
المهم تشكر أخوي على هذه الإضافة الجديدة - فعلا أنا أتصلت من شوي على الفلاح وقالوا لا مانعطي ضمان - واتصلت على المسند وقالوا نعطي ضمان بس ماعندهم المواصفات اللي أنا ابي يقولون اتصل بعد اسبوع

السلام عليكم
اسف على التاأخير
1/ 163 ريال (لفتح الملف كما يقولون) ولا تقول سرق وغرابيل تراني خابر هالشيأنا
2/ بالنسبة لل100 اللي أخذوها يقولون قيمة تغيير الزيت والفلتر
3/بالنسبة إنك تغير الزيت بورشة قريبة فأنا أقول كويس لكن........ قالوا عشان يمشي الضمان لازم تلتزم بالصيانة الدورية عندنا

سعيد بن فيحان

05/07/2007, 02:03 PM

توكل على الله وخذ من اليحيى ويضمنه عبداللطيف ولا تدفع ولا ريال لانه هو وكيل تويوتا في المملكه لو تجيب جيب من المريخ يضمنه غصب من ورا خشمه لاكن رح انت ويا واحد ملسون يعني راعي هواش وحنا مجربين Vxr2007وgx2007وشيكنا بلاش

هولوكس2005

05/07/2007, 02:06 PM

السلام عليكم ورحمة الله وبركاته

وين حمايه المستهلك بس كلام
من غير تفعيل وين المسؤلين عن الكلام هذا الى متى الى متى
وصلنا مرحله النهب عيني عينك
؟ ؟ ؟

اخوي كد سمعة عن حماية المستهلك وشي ذي توكل ولا تشرب

قال حماية مستهلك ماعدك أحد لا حياه لمن تنادي

هولوكس2005

05/07/2007, 02:18 PM

يا أبن آخي ابومحمد

كان الفرق مو واجد فأشر لك برمي أفضل حتى بعدين لابغيت تبيعه

وبعدين اخوي معه بريمي عياء يستقبله عبداللطيف قبيح يقول عطنى 3ألاف ونخليه تبع صيانة عبداللطيف قال اخوي قول لا يكثر بس ووداه لسلمي وغير زيته يوم مشى 1000 ولا يومك الموتر ماشكى وموديله 2000

الجوهر2

06/07/2007, 12:25 AM

شكرا أخوي العزيز //هولوكس2005
وجزاك الله خير وبارك الله فيك

عيا يستقبله عبد اللطيف لأنكم ماوريتوه العين الحمراااااء
اللي ولعوا فيه العين الحمراء فحص لهم مجانا -- لأنه نطام عالمي كما يقولون

== وأنا أبشركم رسيت على اليحيا مواصفات حلوة - وإذا بغيت أفحص عند جميل باستعير لي عين حمراااء خخخخخخخخخخ

أبونواف42

07/07/2007, 12:15 AM

أخوي بكم لقيته عند اليحيا وهل الفرق كبير بينه وبين البازعي وللمعلوميه أخوي المسند الظاهر يجيب بريمي ويعطيك شهادة منشأ حسب كلام أحد الأعضاء في موضوع سابق وشكرآ

البيـرق

07/07/2007, 11:06 AM

اخوي خذ من اليحيى لان قد شريت لي جكس ار 2006 من اليحيى واحتاج للصيانة بسبب رجة في الدركسون

دخلته الوكالة واعرف واحد هناك وفحصوه لي وسووله وزنية...ولما طلعت السيارة تشكرته...قال لا ماعليك

غصب عن الوكالة يصلحونه لك ان كان داخل الضمان لان له ضمان من المصنع...................

ابوعزيزm

07/07/2007, 03:41 PM

أتوقع أن مسأله الصيانه ما تحتاج لأن ولله الحمد التايوتا ما عليه مشاكل أبد بإذن الله

أما إذا كنت ودك تشيك لكي يطمأن قلب والخوف تطلع لك مشكلة بالمستقبل

وكالة عبد اللطيف جميل تستقبلك بدون أي مشاكل . .

تفتح ملف وتسوي له صيانه دورية عادي لأن التعب والتكلفة على الشركة الأم تويوتا اليابانية مو على أبو جميل

بالنسبة لي أشتريت GX 2007 من عبد الوهاب وله خمس شهور ما وديتة لا وكالة ولا حاجة أفحص الزيت وفقط والحمد لله ما فيش مشاكل

وقبله أشتريت من عبد الوهاب سيارة وأربع سنوات من الخدمة ولا زالت تحت الخدمة ولا عمري وديتها للوكالة لأن التايوتا ولله الحمد ما فيه مشاااااااكل

أخوك ابوعزيزm

الجوهر2

07/07/2007, 06:49 PM

اخوي الكريم /// أبونواف42
بنفس المواصفات اللي طلبتها
لقيته عند اليحيى بـ 180000 بدون فتحة بالفتحة 185000
عند البازعي بـ 200200

عند المسند بريمي بـ 220000 أو 218000 نسيت هي في هالحدود

عند معرض عمان بريميات حلوة وأسعار مختلفة حسب مواصفاتك
مواصفاتي لقيته بــ 197000
وشكرا لك
====================
اخوي الكريم /// البيرق
شكرا على هذه المعلومة القيمة
جزاك الله خير وبارك الله فيك
==================
أخي العزيز //// ابوعزيزm
شكرا لك وجزاك الله خير وبارك الله فيك على هذه المعلومات الطيبة أجل نتوكل على الله وناخذ منهم من اليحيى