مدرســــــــة الصقــــــــارة , ادخل واسأل

[ذيب السرايا]

أخوي المري الله يعطيك العافية على سعة صدرك وعندي سؤال لوتكرمت:س/ الطير الوحش كم تستمر مدة تدهيله وكيف،وهل ادعي الطير بعدالتدهيل وكيف ادعيه .

[صقر عتيبه]

مشكور أخوي المري وبيض الله وجهك

[المري]

مرحبا اخوي ذيب السرايا

الوحوش ماهي سوى شي ياخذ 4 ايام وشي اسبوع وشي عشرة ايام..

بس اذا طاح راسه خلااااص ادعه وان شاء الله انه يجيك على الدعو

***

تسلم اخوي صقر عتبية وماقصرت

[الفوار2008]

السلام عليكم ورحمة الله وبركاته


اخوي ابو معيض
حياك ربي وبياك عندي كم سؤال وانشاء الله اجابتي بتكون عندك !!!


1/قنيت لي وكريه تنقل بكر وصايده العام حبارى وصايده كروان ومتأكد من كلام راعيها السابق زين
المهم ونا اخوك الطير حريص على الصيد طبعا دهلته ودعيته وهديته على حمام ويجي على الملواح من ثلاث كلم لكن لاحظت فيها انها لاصادت تكوش على الصيده وماتبيني اقربها والغريب انها ماتبعد تبقى في مكانها ؟؟


2/الطير نفسه يقول راعيه انه طلع وان الحمام يضره او يخرب علي طلعه وش رايك ؟؟


3/ايهم افضل للياقة الطير الملواح او الحمام ؟؟



وتسلم يالغالي على رحابة صدرك وسرعة اجابتك وتفانيك وتعليمنا مايزيد من معرفتنا بهذه الهوايه

[قعقاع التميمي]

السلام عليكم ياأخي يوجد طير عند صديق لي حر وحش 100*100 انشاء الله الطيرسبوق بمعنا الكلمه لكن عذروبه عدم الأرتفاع العالي فحص الطير وقيل في أكسيديا وعولج أكثر من مره ومازال نفس المشكله تواجه بعدم الأرتفاع ورجوع المرض المتكرر والأتهاب وأسمحلي على الأطاله وشكرا

[ابو الطرق]

مشكور اخوي المري على الموضوع الرائع

عندي استفسار وهو انا شريت طير فرخ شيهان جبلي والمشكله بالطير اني اهدله حمامه ويخلي الحمامه وينزل على الارض واشلويله بالشلو ويروح مرتين وينزل بالارض وعلى هالحاله كذا مره


تقبل تحيات اخوك

ابو الطرق

[ْْالعواجيْْْ]

اخواني حد يعلمني وش هو مرض الحفه وفي بعد مرض يسمونه الاقلاع ابي اعرف لاتبخلون علينا وانا ادري اني اتعبتكم وشكرا

[راس عيطا]

السلام عليكم ورحمة الله وبركاته
اخوي المري اناعندي طير (حر جير ) ولا حظت عليه من فتره انه يجدع ريش الصدر
وايضا الطير بدا يصيح بعد الاعلاف ((وشره عند العلف))
وجزاك الله خير اخوي المري وبيض الله وجهك
ومشكور

[والد البحرين]

السلام عليكم


عندي طير حر المشكله انه الطير ياكل من يدي بس لحد الحين ماستجاب حق ندى الي ادعيه فيه


ويذى ياكل بجنبي من الفريه اول مايشبع ابي اشيله على دس مايرضى ويهرب مني


واشوي اشوي مع التهديل يرضى انه يجي على الدس بس من اول مره

وكيف اعلم الطير على انه يكون هادي في سياره
وكيف اعلم الطير على هرن السياره وكيف اعلم الطير على حب راعيه

[والد البحرين]

وكيف اعلم الطير على انه يكون هادي في سياره
وكيف اعلم الطير على هرن السياره وكيف اعلم الطير على حب راعيه

[سلطاااان]

اخوى اناعندى شيهانه ابى ادربها كيف معرف شى عنها تكفون دلونى اخوكم سلطان من تبوك

[المري]

مرحبا أخوي سلطااان وحياك الله ..

تاريخ التسجيل : 2006 ولا تعرف تدرب لك شيهانه!!!! اجل وش استفد من مكشاااات!!!!!!!!!!!!!!!!!

اول شي : تحاول تخلي الطير يستانس عليك وخله على يدك دائما , وحاول انك تعلفه على يدك

وبعدين نزلها على الوكر وخله العلف في يدك وابعدها من الوكر وحاول ان يطير ويوقع على يدك

وبكره ابعد منه اشوي , وبعد يومين حط له حمامه على بعد 50 متر وخله يروح صوبها ويذبحها

[المري]

مرحبا أخوي سلطااان وحياك الله ..

تاريخ التسجيل : 2006 ولا تعرف تدرب لك شيهانه!!!! اجل وش استفد من مكشاااات!!!!!!!!!!!!!!!!!

اول شي : تحاول تخلي الطير يستانس عليك وخله على يدك دائما , وحاول انك تعلفه على يدك

وبعدين نزلها على الوكر وخله العلف في يدك وابعدها من الوكر وحاول ان يطير ويوقع على يدك

وبكره ابعد منه اشوي , وبعد يومين حط له حمامه على بعد 50 متر وخله يروح صوبها ويذبحها

وعقبه خلاص ادعه ويجيك على طول..

واسف على الجواب المستعجل وياليت تراجع الاجوبة السابقة ترى اغلبها مثل سوالك..

اخوك - المري

[Shadw]

أتمنى من الأخوة المشرفين فتح موضوع جديد لمدرسة الصقارين

[hason222]

راععععععععععععععععععععععه

[duosrl]

السلام عليكم ورحمة اللة وبركاتة
حيا اللة اخوي المري

[طير الهقاوي]

السلام عليكم ورحمة الله وبركاته


اخوي تعوذ من بليس وعين خير انت تبي تبلي الصقاره يا الطيب

[..@القناص@..]

السلام عليكم ...انا عندي فرخ شيهانه جبليه تجي على الملواح لاكن تشوووف الحمامه عادى ماتسوي شي عطى طريقه اخليها تصيد الحمام والكراوين اكون شكر لك الله يعطيك العافيه

[al-ganaas]

السلام عليكم ورحمة الله وبركاته
عندي سؤال سألت عنه كثيرين وماحد عطاني جواب مقنع
لمذا في الحر يرغبون الجناح القصير وفي الشاهين العكس؟

[..@القناص@..]

وووووين الجواب الله يجزاك الف خيراا

[افزعواله]

السلام عليكم ورحمة الله وبركاته....اخواني الكرام اريد اسأل على كيف تقيس الطيرعندماتقول 14×14 مثلا.كيف تقيس طوله وكيف تقيس عرضه من وين تبدأ والى وين تنتهي مع شكري وتقديري.

[المري]

مرحبا اخوي سلطان القناص وحياك الله يالغالي..

بخصوص طيرتك الجبلية يمكن انها جني عشة ( اي مجبلوبة من العش ولا علمها راعيها على الحمام)

واعتقد ان كل الطيور تصيد الحمام بس خلها تذبح الحمام وتفرس وتتعشا منها وعقبها بأذن الله تصيدها..

***

مرحبا اخوي القناص..

بخصوص الجناح الطويل مرغوووب فيها في الشاهين وفي الحر ..

*****


ومرحبا اخوي افزوعوله واقول ابشر والله بسعدك يالغالي..

بخصوص مقاس طول الطير يقاس من راس المنكب الى نهاية اذنيبا الطير

[سيف الظفير]

جعلك سااااااااااااالم يا الذيب

[..@القناص@..]

مشكووووووووووووووور

[جو الشيخ]

يعطك العافيه وماقصرت

[..@القناص@..]

لو سمحت المرى عند سوال بخصوص مرش الطير اعزكم الله مررره يمرش مرش اخضر ومرره اسود ومررره اصفلر وووش السب تغير المرش المتكرر اوول الطير يمرش عادى اسود وابض الابيض يغلب على الاسود معرررررف لوسمحت ممكن تحل المشكله

[..@القناص@..]

يوجد خطاء املائى مرررررررره اصفر

[..@القناص@..]

السلام عليكم ااااخوي المرى عساك بخير... انا واحد من طيوري سابقا مثلوث..جاه حفاه ماسبب هذا المرض؟؟؟

[..@القناص@..]

لو سمحت المرى عندي ســــؤال اخــر كيف اعرف الطير فيه دود ولالا ؟؟؟ لو سمحت ممكن اجاوب في اقرب فرصه
معليش كثر الاساله معليش... اخوك سلطان القناص

[..@القناص@..]

تخرت في الاجابه عسى المانع خيررر

[..@القناص@..]

المرى انا سمعت ناس يقولون الصقر ياكل بيض الدجاج صح ولا خطا ؟؟؟ وناس يقولون لازم تعطي الطير على الاقل 1 في الاسبوع مالفائده من البيض؟؟؟

[طير الثلاث]

السلام عليكم ورحمة الله وبركاته وبعد 000 اخوي المري انا اول مره اشارك معكم في المندى يعني ضيف عليكم ولو سمحت ابي منك اطلبك طلب اذا امكن ابي صورة الطير الصافي والشامي والجرودي والفروق بينها

[..@القناص@..]

يخوي معليش تراك تاخرت في الرد على الاجابه

[اعقاب]

الرفع للحاجه

[المري]

السموووحة يالربع واسف على التأخير بس كل واحد وعندة ظروف...

سبب تغير مرش الطير .. يأتي عادة من تغير العلف وبعض المرات يجي بسبب مرض جاي الطير..

فلازم انك توديه للعيادة يفحصونه ..


اما سبب الحفاة فهي من اسباب كثيرة منها : ثقل وزن الطير.. وبعضها بسبب الوكور اللي لاتناسب كف الطير

وبعض الاصابات تأتي بسبب التهاب يصيب الكف..

ولها مراهم تدهن بها كف الطير .. واحسن شي انك تربط الطير على الرمل..

بخصوص الطير يأكل البيض طبيعا بس لاتعطيه دائما لانه مايعد الطير..

*****

******

[ابو الوسمي]

السلامعليكم ورحمه الله وبركاته
اخوى المري كيف الحال عساك بخير
عندي سؤال
اشتريت طير فرخ وكري الطير طيب ولكن الطير لحق جوع وهزل موهو بصيط وزنه خفيف واش افضل طريق لي رد وزن الطير وصنعه علم ان الطير سليم من الامراض بس لحقه جوع والله اعلم الطير له شهر مطروح والي طرحه مقصر بلحيل عليه والطير حار علفه وش اسرع طريقه وتسلم....

[العيسمود]

اخوي المري
وشلونك عساك طيب
هل ترويش الطير بشكل يومي علشان التنظيف والتبريد يأثر عليه خاصة وان كان وحش
وماهي الطريقه المتبعه لكي تحافظ على الطير نظيفا بعيدا عن الامراض الله لايهينك

[طير الثلاث]

وشفيك ياالمري عن الربع صديت ولا وصلنا منك ياخوك جابه انتبه يالمري تراني شااااااااااعر

[طير الثلاث]

وشفيك يالمري عن الربع صديت ولا وصلنا منك ياخوك جابه

[فيصل الدشاش]

يعطيك العافيه على الفكررررره


انا ولله بسسئل سؤال

س / كيف اجعل الطيررر يرتفع ...

[المري]

أبشر بالخير

الليله برد

[الحر01]

المقصود انه نسبه لجبل سنجار

[الحر01]

هاذي الله يسلمك ارداد هاذا مرض يصيب الطيرالله يكفينا شره

[الحر01]

يا اخي كورولا الشيهانه فيها انسداد في المناخر كرن

[العيسمود]

صباح الخير يالمري


ادخل واسال :confused: بدون جواب
،

[القطاوي 2008]

الله يعطيكم العافية وما قصرتم على التفاعل

[..@القناص@..]

السلام عليكم
اخوي ... المري
هل يدل المرش (اعزكم الله) الاخضر بان الطير
مصاب ... بالدود انا سمعت هذا الكلام اكثر من مره لاكن ماني متاكد قلت مالي لا اخوي .. المري

[..@القناص@..]

السلام عليكم
سامحني اخوي المري كثرت الاساله
.... على العموم ... انا عندي شيهانه .. لاكن ماعندي عشه ..
ولا وديتها المربط .. لا الشيهانه رخييييصه جدا .. المهم حطيتها في غرفه
فيها مكيف وكل شي .. والحين تقريبا لها 4 اشهور ماحذفت ولا ريشه وش السبب..
معني انوع في الاكل زائد . بيض ...

[@قرناص@]

أخوي.. المكان خل فيه مكيف صحراوي*

ونوع علف وعطها جرابيع ..

وان شاء الله تحذف ورتاها متأخره بالمره..

[nasser2003]

مشكورين على هذه المعلومات الجيدة

[nasser2003]

مشكورين على المعومات الجيدة
وادور طير للتحدى على زاجل ونوعه جبلي او بحري

[..@القناص@..]

اخوي المرى ..السلام عليكم ورحمه الله وبركاته
عسى المانع خير تاخرت في الاجابه
اذا دخلت المنتدى الرجاء الاجابه على السؤال
اخوك...... سلطان القناص

[المري]

مرحبا اخوي العيسمود

وحياك الله يالغالي...

واسف اشد الاسف وابشرو بالعوض.

بخصوص ترويش الطير كل يوم اظن ماله داعي..

حاول انك ترش الطير الوحش بماء دافي اول مايجي وخاااصة اذا كان لاحقه

تعب من السفر لان الماء الدافي يساعد على السلامة من الملوع وغيرها..

حاول انك اذ رشيت الطير في الاسبوع مرة تظهره في الشمس علشان يتفلا ويستانس.

بعض الصقاقير اذا شافو الطير الوحش راسه يابس يسبحونه بماء بارد ويخلونه يبات في البرد علشان تخف نفسه من ثاني يوم ويشتهي العشاء


وسلااااااامتك

اخوك - المري

[المري]

مرحبا اخوي سلطان القناص

عاادة جدا اذا طيرتك شاهين بحري تبع اغلبها مابعد احذفت ولا شي لانها تتاخر

اما اذا كانت اجبلية اعتقد ان فيها علة.

واغلب الظن انها تبع بحري

وسلااامتك

اخوك - المري

[راعي شواش]

ابو معيض مساء الخير 0 ارجو مساعدتي عندي شاهين بحري فرخ ماحذف ولاريشه هل يوجد له حل تنصحني به 0 الله يعطيك العافيه ويجزاك خير 0

[اخو شمّا]

السلام عليكم ورحمه الله وبركاته.......
كيف نعرف الصقر التفريخ من الحر وهل فيه فرق بين الجير والتفريخ
وش حل الطير اللي يكفخ في السيارة ؟ويدبل كبدك من كثر ما يكفخ ؟
وش حل الطير اللي ينقل ((ينقل الحمامه ))
ولك جزيل الشكراااااااااااااااااا
وابي رايك في طيور منغوليا زينه ولا ماهيب زينه ؟

[فهد ال ملحم]

السلام عليكم


أخــوي المري...



انا وااحــد متولع بالصـقـر موووت


ودي ان اكوون صقار


اتمنى ان تدرسيين ياخووي

لاهنت

[..@القناص@..]

اخوي المرى هلا بك
بس عندي سؤال
انا لاحضت على الطير فاقد شهيته مره ماياكل
ويقطع اللحم ويرميه على جنب ... فيه قلاع ,, السؤال
انا رحت عند البيطري ونصحوني الاخوان اخذ سبارتكس .. حق الاحمام
هل فيه ضرر على الصقر

[..@القناص@..]

وينك يابعدي

[@قرناص@]

,,

هلا آخوي..

والله مآهنا علم ...

,,

[stewrd]

اخوي المري اسعد الله مساك بكل خير اريد ان اعرف هل صحيح ان طيور التفريخ تغسل قبل الطيور الاصيله

[..@القناص@..]

وينك اخوي ,, المرى
عسى المانع خير

[الكعبي7]

1111111111111111111111111

[..@القناص@..]

وووووووووووووووووووووووووووووووووووووووووينك

[المري]

مرحبا اخوي اخو شما

بالنسبة للتفريخ هو اللي من نفصل الفصيلة ومتزاوج في غرفة وانت فروخ من نوع الفصيلة

مثل حر وحر او شاهين وشاهين

اما التهجين هو اللي تزواج فصيلتين مختلفتين مثل حر وتبع جير شاهين

مثل جير وتبع جير شاهين او بالتلقيح الصناعي فهذا يسمى تهجين

اما الكفخ بالسيارة وقت الدعو العصر حاول انك تدعي الطير الصباح حوالي اسبببوع


اما اطيور منغوليا طيب واغلبها يجي فيها اطيار طيب

[المري]

مرحبا اخوي سلطان القناص وحياك الله يالغالي

بخصوص طيرك يمكن معه اقلاع لان من مواريبة ان يقطع العلف ويرميه

واذا عطيته حبوب السبارنكس حقت الحمام ماعليه اي خطورة

[المري]

اخوي راعي شواش

انصحك بأ،ك تنزل عدتها وترفعها وتعطيها علف طارج وباذن الله تحذف

[طمران]

السلام عليكم ،،،
ابو معيض يعطيك العافيه ، من خلال خبرتك وش تنصح رغيبة الشياهين :
1 - انسب وقت للشراء ؟
2- انسب الشياهين ( مواكرها الطيبة ) ؟
3- محاذير الشراء ؟

تحياتي

[a7a7]

السلام عليكم ورحمة الله وبركاته

الله يعطيك العافيه اخووي المري عندي سوالين جزاك الله خير عندي شيهانه جبليه

الاحظ ان فيه ريحه كريهه في اثمها مادري وش سببها واذا كان مرض ابي العلاج

السوال الثاني : الطير مايبيني امسح عليه ابد بالبرقع ولا بدونه وش الحل

وشكرا لك

[فؤاد هاشم على]

انا اتشكرلك على هذا الموقع الممتاز انا من مصر وفعلن سعيد بلموقع

[..@القناص@..]

السلام عليكم ورحمة الله وبركاته

الله يعطيك العافيه اخووي المري عندي سوالين جزاك الله خير عندي شيهانه جبليه

الاحظ ان فيه ريحه كريهه في اثمها مادري وش سببها واذا كان مرض ابي العلاج

السوال الثاني : الطير مايبيني امسح عليه ابد بالبرقع ولا بدونه وش الحل

وشكرا لك
نفس الي لاحضته في طييييييري ورحت للصقار خالد العويدي
وقالي فيها قلاع .... وعلاجه عطه بعد العلف حبه سبارتكس لمده 6 ايام

[a7a7]

اخووي سلطان القناص يمكن الريحه تكووون عاديه

لاكن الحبه هذي وين القاها

واذا عندك رقم خالد العويدي ابيه الله يعطيك العافيه

[مدماك]

هلا اخوي المري الشياهين التركيه تفريخ صحيح ولا لا ؟..؟

[عقاب الحوم]

السلام عليكم ورحمة الله وبركاته

يا الربع بغيت استشيركم في طير اذا شقلب على الملواح فوق العشر والا حول لطم اللي يشقلبه الطير ما شالله عليه ما يبرد جناحه على الملوح طياره على الملوح عجيب بس فيه ذا المشكله مدري هو متطبع ذا الطبع الطير قرناس ثالث شاريه مجهول اول ما به قلنا يمكن العيب من اللي ماسك الملواح لكن مابقى حد من الربع الا وشقلبه ولطمه هههههههه الله يستر منه
مدري كان حد من الربع مرت عليه نفس المشكله

[..@القناص@..]

اخووي سلطان القناص يمكن الريحه تكووون عاديه

لاكن الحبه هذي وين القاها

واذا عندك رقم خالد العويدي ابيه الله يعطيك العافيه
لاتخاف الحبه ذي اذا مانفعته مايب ضاره

[a7a7]

وين القاها طيب ؟؟

[بن عويان]

السلام عليكم ورحمة الله وبركاته

يا الربع بغيت استشيركم في طير اذا شقلب على الملواح فوق العشر والا حول لطم اللي يشقلبه الطير ما شالله عليه ما يبرد جناحه على الملوح طياره على الملوح عجيب بس فيه ذا المشكله مدري هو متطبع ذا الطبع الطير قرناس ثالث شاريه مجهول اول ما به قلنا يمكن العيب من اللي ماسك الملواح لكن مابقى حد من الربع الا وشقلبه ولطمه هههههههه الله يستر منه
مدري كان حد من الربع مرت عليه نفس المشكله
هذا شي طبيعي اذا الطير فيه نسبه من الجيــر

[عقاب الحوم]

الطير ما خالطه
جير وحش

[..@القناص@..]

مالفرق بين الجير والحر ؟

[..@القناص@..]

اخوي المرى .. عساك بخير .., انا ابي
اسالك ..,,, انا الان بديت ادعي طير هل هذا الوقت مناسب
للطير ولالا ؟
وشكرا

[صقر الغربيه]

سلام عليكم

ابي اسئلك سوالين لا هنت

الاول علفت الطير في العصر سمانه اكلها وفي الليل خرج نصها من حلقه ؟

الثاني الطير يسلح او يخرج من بطنه كثيررررر ((يزق)) ؟؟ الله يكرمكم

الثالت الطير مايشرب الماء ؟

[مجنون شراع]

كيف تصنع الشبكه بالتفصيل

[شنوان]

الله يعطيك العافيه يا(المري)
السؤال/يقولون ان الطير له ضرس (ناب)
هل هذا صحيح وين يكون مكانه
والله يبارك فيك

[وشلووون مغليك]

لاهنت يالمري وبارك الله فيك

سؤالي : كيفية طرح الطير ؟

بأي وسيله

[alghareeb]

السلام عليكم ورحمة الله وبركاته


انا صراحة غشيم بالصقاره واول مره اشري طير شريته البارح لكن اشغلني بالقمل

مدري هو قمل ولا غيره

لكن اشغلنا

حتى الانسان ينتقل له


هل هذا طبيعي

وله علاج باذن الله

؟؟؟؟؟؟؟؟؟

[@قرناص@]

السلام عليكم ورحمة الله وبركاته


انا صراحة غشيم بالصقاره واول مره اشري طير شريته البارح لكن اشغلني بالقمل

مدري هو قمل ولا غيره

لكن اشغلنا

حتى الانسان ينتقل له


هل هذا طبيعي

وله علاج باذن الله

؟؟؟؟؟؟؟؟؟



آمر غريب والله..

آلافضل توديه لـ طبيب يشوفه .. لانه آمر غير طبيعي,.,

وان شاء الله سآلم,,

,,

[@قرناص@]

لاهنت يالمري وبارك الله فيك

سؤالي : كيفية طرح الطير ؟

بأي وسيله


يآليت ترآجع الموآضيع المثبته والصفحآت

بتحصل عن شبك الطيور..

هي شبك تحط لـ الحمام واذا شفت طير ترميها واذا الله آرآد من نصيبك بيشبك فيها

,,

[@قرناص@]

سلام عليكم

ابي اسئلك سوالين لا هنت

الاول علفت الطير في العصر سمانه اكلها وفي الليل خرج نصها من حلقه ؟


الثاني الطير يسلح او يخرج من بطنه كثيررررر ((يزق)) ؟؟ الله يكرمكم




الثالت الطير مايشرب الماء ؟







يمكن فيها شحم وآجد او ان الطير مابغاها.. او الطير يبي يروبج وطلعها..

آمر طبيعي اذا كان الطير تبع فمرشه آكثر.. تآكد من لون المرش والعلف

مايشرب الماء لانه وحش لازم ترش له على منآخره وبيشرب

[شنوان]

الله يسامحك يا المري
ترد على الشبلب وتصفطني

[اعقاب]

الله يعطيك العافيه يا(المري)
السؤال/يقولون ان الطير له ضرس (ناب)
هل هذا صحيح وين يكون مكانه
والله يبارك فيك


المري الظاهر انه لاهي يقص له حبارى ولا يدور الكراوين
مبطين منه
والناب بالنسبه للطير يكون في الضبه
(القسم العلوي من منسر الطير) من الجنب
في كل جهه ناب تجده واضح زائد على المنسر


الله يسامحك يا المري
ترد على الشبلب وتصفطني


المري ماصفطك ياشنوان لكن مثل ماقلت لك

[..@القناص@..]

الله يسامحك يا المري
ترد على الشبلب وتصفطني
يالرجال المري مب فاضيلنا

[اعقاب]

يالرجال المري مب فاضيلنا
اخوكم المري وتعرفون حبه لمساعدة الجميع
وقد يكون منشغل بامر ما
خفوا عليه

[راعي سنام]

يسلممممو
علي
الصور
وننتضر
المزيد

[الصقر الأشقر]

كيف يعرف حجم ومقاس الطير إذا كان لا يزال فرخ ؟؟؟

[سامي132]

السلام عليكم
كيف اقدر اميز ان الطير الي قاعد يحوم بالسماء يكون طير من الطيور الطيبه يعني يكون حر او يكون شاهين وما يكون (( حدا )) او (( عقاب )) ؟
واذا كان الطير يحوم بالسماء وش راح يكون لون الصدر مع باطن الجنحان؟
وارجو من الاخوان الافاده وجزاك الله خير.
تقبلو تحياتي

[دباس 11]

صبحك الله بالخير أخوي المري
عندي طير طرح بكر وأنا خذيته ثالث كل طبوعه زينه
صيد وركاده وسبق الا فيه عذروب واحد مايجي الا على
حمامه حيه نزلت وزنه وجبته 2و3 أيام شنذرته مافيه
فايده وش الحل؟

[ال بوجليع]

يعطيك العاااافيه على المدرسه الي ما درسناااااها

[SAKER]

اولا اشكرك على جهودك الطيبة
وعندي سؤالين
- ادا كان عندك وكري ما يهد على الكروان مالحل معلوم انو يهد على الحمام , الحجل..
- عندي طير ماكمل المقيض بعد باقيله الموس والنايفة وشوي من ضهره ومنسره وراسه ايش الحل والطير ماهو شاهين

[star01]

اولا شكرا علي مجهوداتكم وربي يعطيكم العافية
عندي سؤال:
اذا الريشة الثالثة طيحها الطير وبعده كيف طالعة يعني بدمها هل تطلع وحدة تانية في مكانها ام لا؟؟؟
واذا كان الجواب لا شو الحال برايكم؟؟
علما بان الطير شيهانة بحرية وبعدها في المقيضز
وكيف نمنع ان يتكرر في باقي الريشات؟؟
اعذروني كثرة الاسئلة ولكن انت اهل العلومة.

والسلام عليكم

[alghareeb]

السلام عليكم ورحمة اللع وبركاته

على العضو المري والاعضاء جميعا


بالنسبه عندي استفسار


عندي وكري قرناس رابع

خذيته وحش قبل فتره


لكن النايفات بقالها يمكن اسبوعين تقريبا


والامواس توه ما طاحت


شافها واحد يقول يمكن ما يطرحها

والمشكله واحد من الامواس اليمين


منكسر حوالي ربعه زود شوي

وش الحل؟

ممكن يهد هالموسم ولا لا؟

[nasser2003]

ياجماعة الخير صبحكم الله بالخير...
عندي جير تبع عرضه 14.3 وزنه 800 والطير جناحة حلو ولا يعلق الحمامة يتأخر وهو يملقها وبعدها يتعب ويترك الحمامة ولجيته اشوفه يسوق بشكل غريب اكيد مب مرض الطير صاحي 100% فهل هذا من عدة زايدة او قلة لياقة فسوالي هو؟؟؟ 1- ازيد وزنه او أقلله 2- ادعي الطير على الملواح لفترة معينة واشقلبها مرات كثيرة 3- افكله حمام خفيف والاايش الحل بنظركم وللعلم الطير ارتفاعه حلو حلو وجناحة حلو ..وشاكر لكم

[أبو رداد]

السلام عليكم ورحمة الله وبركاته

حاسبة ابو معيض عاطله عطل شنيع ههههههههه مايرهم بها طب
ويطلع على مواضيع المنتدى من خلال الجوال بعض الاحيان ولايقدر يشارك
وعلومه وصور مقانيصه عندي .. بخير ويسلم على الجميع
لكني ضيعت الكيبل الي يوصل الجوال في الحاسبه :j
لما احصل الكيبل انزل الصور ان شاء الله
,,,,
يغلق الموضوع لحين شراء حاسبه جديده من قبل المري
والي عنده سؤال يكتبه على شكل موضوع ويجيبوه باقي الاخوان
ان شاء الله
والسلام

[أحمد العامر]

السلام عليكم ورحمة الله وبركاته .
اخواني الله لايهينكم كيف اميز بين الصقور يعني هااذا حرفارسي او جير اواواواواو الهم الله لايهينكم ابغى كيف اميز بينهن

[القنـاص2008]

الاخوان يفيدونك ان شاءالله

[عارف الشمري]

والله ودي اعلمك لاكن مدري شلوووووون

[البراء آل عثمان]

السلام عليكم ورحمة الله وبركاته

فيه خمس أنواع من الطيور حطها في باللك وحاول إنك تركز فيها

الجير
http://www.sikhphilosophy.net/members/narayanjot-kaur-albums-birds-gurbani-picture66-white-falcon-sri-guru-gobind-singh.jpg

الحر
http://animalguardianspirits.net/images/saker_falcon.jpg
الوكري
http://www.netcore.ca/~peleetom/Lanner%20Falcon.jpg
الشاهين
http://www.hawkquest.org/mews/PeregrineFalconAnatum.jpg

إنت رح قوقل وأكتب كل إسم من هذه الأسماء راح يطلع لك صور ولا حظ أهم شي شكل الرأس
عرفت أخوي وانصحك إنك تخاوي الصقاقير وعلى فكره كثرة مشاهدتك لطيور راح ترد النظر للك وتسير بارع في التفريق في أنواعها
لكن لا تغلط وتقول حر فارسي
في شي إسمه دق فارس يعني فيه بعض الطيور إلي يكون بها دق فارس مشهوره بالقوه والشجاعه واللون الجميل وكانوا يعرفوها بدق فارس إلي يكون من تحت الجناح
لكن خذ الكلام الصحيح وهذي الفصائل لا عرفتها زين وميز بينها عرفت الهجين منها إلي يكون مجموع فصيلتين
مثل جير حر
جير شاهين
جير وكري
أرجوا إني اكون أفدتك مع التحية أخوي

[مشبر البران]

السلام عليكم ورحمة الله وبركاته

فيه خمس أنواع من الطيور حطها في باللك وحاول إنك تركز فيها

الجير
http://www.sikhphilosophy.net/members/narayanjot-kaur-albums-birds-gurbani-picture66-white-falcon-sri-guru-gobind-singh.jpg

الحر
http://animalguardianspirits.net/images/saker_falcon.jpg
الوكري
http://www.netcore.ca/~peleetom/Lanner%20Falcon.jpg
الشاهين
http://www.hawkquest.org/mews/PeregrineFalconAnatum.jpg

إنت رح قوقل وأكتب كل إسم من هذه الأسماء راح يطلع لك صور ولا حظ أهم شي شكل الرأس
عرفت أخوي وانصحك إنك تخاوي الصقاقير وعلى فكره كثرة مشاهدتك لطيور راح ترد النظر للك وتسير بارع في التفريق في أنواعها
لكن لا تغلط وتقول حر فارسي
في شي إسمه دق فارس يعني فيه بعض الطيور إلي يكون بها دق فارس مشهوره بالقوه والشجاعه واللون الجميل وكانوا يعرفوها بدق فارس إلي يكون من تحت الجناح
لكن خذ الكلام الصحيح وهذي الفصائل لا عرفتها زين وميز بينها عرفت الهجين منها إلي يكون مجموع فصيلتين
مثل جير حر
جير شاهين
جير وكري
أرجوا إني اكون أفدتك مع التحية أخوي
عطاك العلم