مشكله في Gxr

[GGXXR]

عندي رجه في الجيب خاصه عند سرعه 110 وحس الدركسون ينتفض الموديل 2004 باقيه على الضمان مع ان الكفرات جديده نوع تويو 4*4 اقيدوني

[GGXXR]

اول مره اشارك ولاحد عبرنا!!!!!!!!!!!!!!!!!!!!!!!!!!!!!!!!!11

[ابوعبدالهادي]

حلها عندي انشاء الله
كانت عندي نفس المشكلة وانحلت الحمد لله
دورلك على محل ترصيص ارضي وتوكل على الله ورصص عندة وادعيلي

واذا انت في الشرقية ادلك علية


سعر الترصيص في حدود 100 ريال

[ابوعبدالهادي]

اول مره اشارك ولاحد عبرنا!!!!!!!!!!!!!!!!!!!!!!!!!!!!!!!!!11


حبيبي انت على الراس والعين سواءعضو قديم والا جديد بس كلاً بظروفة ودائماً لاتستعجل بتتعب من الردود بس اصبر

[GGXXR]

الله لايهينك يابو عبدالهاي والله لها فتره مضايقتني مره والوكاله مره يقولون العمود ومره الجنوط وعفسوني

[ابوعبدالهادي]

الله لايهينك يابو عبدالهاي والله لها فتره مضايقتني مره والوكاله مره يقولون العمود ومره الجنوط وعفسوني



جرب مثل ماقلت لك ولن تندم بأذن الله أترك الوكاله بيشفطون فلوسك وانت تضحك :no2:

[GGXXR]

اليوم بسويلها ترصيص ارضي وتوكل على الله

[الدحبول]

الحل ترصيص ولا عليك من الوكالة ترى الوكالة نصابين

[القبقب]

في أحتمال أخر وهو عطب فى واحد من الاطارات
(أنتفاخ اوتاكل اوتخزين سىء).
واتمنى لك التوفيق يالطيب.

[عاشق الGXR]

حسب خبرتي المتواضعه الرجه عند سرعه معينه يكون في الغالب ترصيص ولكن تأكد من الكفرات جيداً
ولايغرك شكلها اذا كانت جديده او توك مركبها ترا بعضها يكون فيها تحبير من الداخل وبعد تأكد من الجنوط
يمكن يكون واحد منها فيه عطب ولاشي ومن ثم رصصها وجرب ،،،،،،
والله يوفقك ،،،،،،،،

[عبدالله العمرو]

عندي رجه في الجيب خاصه عند سرعه 110 وحس الدركسون ينتفض الموديل 2004 باقيه على الضمان مع ان الكفرات جديده نوع تويو 4*4 اقيدوني


السلام عليكم ... إذا الرجة فقط في الدركسون

بادل بين مواقع الكفرات بشكل حرف × يعني يمين قدام ركبه خلف يسار ويسار قدام خلف يمين ... وجرب إذا بقت الرّجة رصص ((( بالأشعة ))) ... ولا ترصص عادي ... حتى لو الكفرات جديدة يكون فيها ثقل من احد الجوانب ...


وبإذن الله إنها بتروح وتعرف إن مشكلتك فقط في الكفرات ....

إن كانت الرجة في هيكل السيارة تأكد من استقامة عمود كردان ... وهذا يكشفونه لك المخارط ...


تحياتي /

[الرهدن]

مشكلة كفرات التويو أنها تكرش ويطلع صعارير

وهذا والله أعلم سبب مشكلك

.

[غالي]

اخوي
مقابلتني في الجي اكس ار
ورصصت ارضي في ميزان اليرموك ب70 ريال
ولاراحت
طبعا تجي لين مشيت 100 الى 120
وقمت من يومين بقلب الكفرات علامة X مثل ماقال اخونا عبدالله العمرو جزاه الله خير
وابشرك خفت كثيييييييييييييييييير
طبعا الي قالي اقلبها هو ميزان اليرموك
وقال ان جتك رجه استن عليها اسبوع الى اسبوع نص ان ماراحت عاد مدري :(
فا انا استنى عل وعسى
انصحك
انصحك
انصحك
كانك مرصص ولاراحت
اقلبها علامة (اكس)
والله اعلم :)

[راعي الشهامه]

رصص الكفرات وتوكل على ربك

وانشاء الله بيضبط موترك

[winchester]

متى مركب الكفرات الرجه موجوده قبل الكفرات أو بعدهـا والتحبيل أو الجنط المضروب يطلعه الترصيص العادي

تأكد من الاذرعـه أو الدوده أو العمود

دمـت بود

[قرقس الكشتة]

البلاء من الكفرات أن معي Gxr إذا حطيت كفرات نالون أو نوع وسط جت الرجة وإذا حطيت كفرات زينات راحت الرجة
والله أعلم

[GGXXR]

مشكور على مروركم لكن قبل ماركب الكفرات ماكان فيه رجه وحس الدركسون مع الجزء الامامي من السياره يهتز لكن خفيفه جدا

[رقبة حاشي]

السلام عليكم
رح الى اليرموك او المجد او العضيب (اي واحد منهم ماشاءالله متخصص) يفحصون الموتر وبعدين تشوف وهذا الفحص مجاني واذا كلش سليم ، خلهم يجيبون مكينة الترصيص الارضي على كفرات قدام ويرفعون السياره ويدور كل كفر لحال لغاية سرعة 160 كم وانت راح تشوف الرجه اللي انت خابرها قدام عيونك (وهذا الفحص برضه مجاني) ومن ثم رصص الاربع عشان تاخذ الضمان وبسعر 70 ريال
علما انني اتعامل مع العضيب (بدون دعايه)

ارجو ان اكون قد افدت ولو قليلا ،،،،،، والسلام عليكم

[غالي]

تطيعني؟؟؟؟؟؟؟؟؟؟؟؟؟؟؟؟؟؟؟؟؟
تراني مهتم لموضوعك اخوي
وهذي مشاركتي لك رقم 2
والي اقترحت عليك ماتكلفك الا 90 ريال فقط
70 = ترصيص ارضي
20 = تقليب كفرات

وريح مخك من الورش
ولاهو ماخذ منك ولاساعه

[قرقس الكشتة]

قلت لك البلاء من الكفرات
غيرهن وشف كلامي صح وإلا غلط

[النمر الأشهب]

تأكد من الجنوط إذا كان فيها طين ترى تسوي رجة يجب غسلها من الطين لكي تزول الرجة

[ابن طيبة]

اتوقع والله اعلم اذا كانت الكفرات سليمة ومرصصة ولازالت المشكلة موجودة فغالب يكون احد الجنوط فية مشكلة
حصلة نفس المشكلة معي وغيرة الجنط الي فيه المشكلة بجنط الاسبير وانتهة المشكلة