ذيب الخوالد
07/07/2007, 10:01 AM
حبيب بن حمد الدليهي...
وهذه القصيدة الرائعة بالوصف يصف الشاعر بها الإبل
~~~~~~~~~~~~~~~~~~~
ياعل دار تربه شمخ النيبي=تاخذ ثمان اجبة(الايام) والسحب تدبها
من طلعة النور لحل المغايبي=سحب تعاقب مع نكبا(الكوس) تلاعبها
من مزنة كن باطرافه لواعيبي=كن النمش ينفضونه في جوانبها
يسيلنا مدهل العرب(1) الحنازيبي=لين الملازم تملاله مواهبها
من زور لوذان لضلع المراقيبي=في كل جوٍ امشارعة ذواهبها
لما تشيل الشحم بيضا محاقيبي=ويصير مثل الوقايا فوق غاربها
يبني عليها الشحم مثل المهاظيبي=احجوز خلف السنام وقدام حاجبها
كوده يدير الفلك للفطر الشيبي=ارفع لها الشان ياداير هبايبها
اطرح لها الغيث من سود المهاديبي=لين الزماليق تنبث في خبايبها
غبوقت الضيف في حل المواجيبي=سند الغوارب جليلاتٍ محالبها
يازين بشعوفها شوف الدباديبي=ويازين بظهورها شوفت جنايبها
ويازين لروحت من خايع الطيبي=سحج العشاير تراطمبه ضرايبها
لوحت هديرالجمل كنها معاطيبي=كن الخيل مع مجل الورك ضاربها
وان عاج عمره لها تطنب تطانيبي=مزين تكيفخ على الحاجب سبايبها
واللي ترزم تصوته تلحق الصيبي=مزين زغيمه على الساقه يجاذبها
وان وردوا فوق عدٍ له تناديبي=والكل منهم بصوته قام يندبها
بقران حادي(2) وفي حر اللواهيبي=ريح العبس فايحٍ والقيظ حاظبها
واليانهمها غدا عنده تحاطيبي=أطرافها ترتكيله في مناكبها
وان شافت الدلو من بين الجواذيبي=مزين تليطم على الطاره شواربها
كم واحدٍ عندها حلى عشا الذيبي=ولانبياء عندها طارت عصايبها
تكفون ياللي تعرفون المواجيبي=اغلوبها واحربوا من كان حاربها
تكفون لا ترخصونه يالمعاطيبي=يوم اهزلت حالها والوقت خانبها
يابد من خايعٍ نبته تعاجيبي=وان رودمت قصبها توفي مطالبها
يازين لا روحت وانحت جناديبي=من عقب شده وضو البيت تجذبها
يازين خلفه تعيوال الملاهيبي=خلفٍ مصاغير حيرانها تعاقبها
وان وقف اللقح من بني الاطانيبي=حيرانها والشذا مزين تليعبها
تمت بذكر الله اللي يعلم الغيبي=عدة نجومٍ تناحت في مغايبها
الشاعر / حبيب حمد حمدان الدليهي الخالدي يرحمه الله
&&&&&&&&&&&&&&&
1- العرب (بكسر الراء) :- الغنم السوداء
2-بقران حادي :- شهر من شهور الصيف
وهذه القصيدة الرائعة بالوصف يصف الشاعر بها الإبل
~~~~~~~~~~~~~~~~~~~
ياعل دار تربه شمخ النيبي=تاخذ ثمان اجبة(الايام) والسحب تدبها
من طلعة النور لحل المغايبي=سحب تعاقب مع نكبا(الكوس) تلاعبها
من مزنة كن باطرافه لواعيبي=كن النمش ينفضونه في جوانبها
يسيلنا مدهل العرب(1) الحنازيبي=لين الملازم تملاله مواهبها
من زور لوذان لضلع المراقيبي=في كل جوٍ امشارعة ذواهبها
لما تشيل الشحم بيضا محاقيبي=ويصير مثل الوقايا فوق غاربها
يبني عليها الشحم مثل المهاظيبي=احجوز خلف السنام وقدام حاجبها
كوده يدير الفلك للفطر الشيبي=ارفع لها الشان ياداير هبايبها
اطرح لها الغيث من سود المهاديبي=لين الزماليق تنبث في خبايبها
غبوقت الضيف في حل المواجيبي=سند الغوارب جليلاتٍ محالبها
يازين بشعوفها شوف الدباديبي=ويازين بظهورها شوفت جنايبها
ويازين لروحت من خايع الطيبي=سحج العشاير تراطمبه ضرايبها
لوحت هديرالجمل كنها معاطيبي=كن الخيل مع مجل الورك ضاربها
وان عاج عمره لها تطنب تطانيبي=مزين تكيفخ على الحاجب سبايبها
واللي ترزم تصوته تلحق الصيبي=مزين زغيمه على الساقه يجاذبها
وان وردوا فوق عدٍ له تناديبي=والكل منهم بصوته قام يندبها
بقران حادي(2) وفي حر اللواهيبي=ريح العبس فايحٍ والقيظ حاظبها
واليانهمها غدا عنده تحاطيبي=أطرافها ترتكيله في مناكبها
وان شافت الدلو من بين الجواذيبي=مزين تليطم على الطاره شواربها
كم واحدٍ عندها حلى عشا الذيبي=ولانبياء عندها طارت عصايبها
تكفون ياللي تعرفون المواجيبي=اغلوبها واحربوا من كان حاربها
تكفون لا ترخصونه يالمعاطيبي=يوم اهزلت حالها والوقت خانبها
يابد من خايعٍ نبته تعاجيبي=وان رودمت قصبها توفي مطالبها
يازين لا روحت وانحت جناديبي=من عقب شده وضو البيت تجذبها
يازين خلفه تعيوال الملاهيبي=خلفٍ مصاغير حيرانها تعاقبها
وان وقف اللقح من بني الاطانيبي=حيرانها والشذا مزين تليعبها
تمت بذكر الله اللي يعلم الغيبي=عدة نجومٍ تناحت في مغايبها
الشاعر / حبيب حمد حمدان الدليهي الخالدي يرحمه الله
&&&&&&&&&&&&&&&
1- العرب (بكسر الراء) :- الغنم السوداء
2-بقران حادي :- شهر من شهور الصيف