اليايات للباثفندر تسائل

[خلفهم]

السلام عليكم

يا الله حيهم

معي باث وناوي أغير اليايات

ليايات أسترالية

لكن سمعت إنها أنواع وأرقام

ووش النوع إلي يصلح للباث

وبكم سعره :p

ووين يباع في الرياض

نسيت أقول تراي أسئل عن الأمامي والخلفي


:D

[باثفاندر 2005]

كفو والله هذا الشغل الصح والحل النهائي ..

الخلفيه رقمها 922 أما الأماميه ما عندي خبر عنها ولا أخبر أحد غيره ..

السعر أظنه 590 للزوج ..

المكان شاريه من الرمايه عندنا بالشرقيه وعندكم بالرياض الرمايه عنده اليايات ..

وخطوه موفقه والله يوفقك .. :p

[ظلال الشمس]

مثل ما قال لك اخوي باثفاندر 2005
والأماميه رقمها 921 تقريبا
وان كانك تبي الأمامية تراها عندي استعمال يمكن 6 شهور لأني بعت الموتر
ووكيلها الرماية في الرياض
وهذي ارقامهم
المعرض
014628249
والورشة
014703229

[الحر الاول]

أخوي باثفندر 2005 ..

كم يرتفع الموتر من وراء إذا ركبت اليايات رقم 922 ؟

وهل يصبح أقسى من ياي الوكالة عند المطب ؟ ولا يطيح من وراء بسرعة ؟

شاكر ومقدر ..

[أبوناصر]

أنا مركبها في الخلف

المطب ما يتغير أبد بشرط تخلي المساعدات الأصليه أو تركب منرو وراح تشوف المطب ما يتغير أبد


عيبها إن كانه عيب يرتفع من ورا بدون حمل أما مع التحميل فيكون بنفس ارتفاع الموتر جديد بدون حمل


طبعا مع الحمل الكبير راح ينزل الموتر لكنه مهوب مثل نزوله أول



ركبها ولا تشاور


رايي لا تغير الأمامية ما فيه حاجه لتغييرها في نظري


وبالتوفيق لك

[باثفاندر 2005]

بالنسبه للإرتفاع يرتفع شي بسيط ومقبول جدا يعني ممتازه جدا ..

بالنسبه للتحميل ما تنزل أبد أبد إلا اذا حملت واجد تنزل شي بسيييط مهب زي حقت الوكاله ..

ومثل ما قالك أخوي أبو ناصر بالنسبه للمطب هذا شغل المساعدات ونصيحتي خل مساعدات بلدها لأنها ممتازه واذا تبي موترك يصير مطبه مثل الشاص ركب الاستراليه .. :d

[خلفهم]

يعني الحبتين 590+590=1180


يعني 1180*2 =2360



واوه

[salehhd]

السلام عليكم

ياليت تخبروني عن مكان الرماية في الشرقية الله لايهينكم

[باثفاندر 2005]

خلفهم ..
الحبتين اللي ورى كلهن 590 الثنتين مع بعض ..


salehhd ..
طريق الخبر الساحلي وانت متجه من الدمام للخبر على يمينك بعد اكسترا بشوي بيجيك محل حق زراعه أظنه حدائق السلطان يجيك بعده الرمايه ..

[بن محفوظ]

بالنسبة للارتفاع .. يرتفع قرابة 3 سنتيميتر من الخلف ..

انا يوم شفته ارتفع كذا .. ركبت كعكات قدام 1.5 سم

لكن ما جربت المنورو .. لانه على حد علمي ان مساعدات الوكاله قويه ..

وبالنسبة للمطب .. تغير صار ما يهبد مثل اول ..

لكن اهم شي الكفرات اخوي .. صارت عندي مشكلة ..

1- الوكالة كاتبين على الدرج لازم تركب نفس مقاس الوكالة

2- ركبت نفس المقاس كفرات هانكوك لكن مطبها ما تغير نفس مطب برجستون

فيه واحد من العيال مركب مقاس اكبر .. وما شاء الله الموتر ماله حس مع عيون القطط..

[خ الفياض]

طيب اللي وده ان الموتر ماينزل ووقفته وكاله مع انه ناوي
اركب تانكي اسفل السياره سيارتي كفر معلق
وش الحل هل يركب ياي ولا بالون احسن افيدوناذ

[باثفاندر 2005]

ركب يايات استراليه ..
جربها وما راح تندم ان شاء الله ..

[بن محفوظ]

خ الفياض ...

من افضل شي لطلبك انك تركب مساعدات هواء ..

لكن سمعت انها تموج بالموتر في الخط ..

وشوري عليك انك ترفعه باليايات الاسترالية + مساعدات منورو لان الرفع بيخدم الموتر في المناطق الوعره .. و الشعبان

[salehhd]

السلام عليكم
هناك حل وهو البوالين
وهي لاتقوم برف السيارة السيارة ولاكن لاتجعلها تنزل عند التحميل حتى 500 كيلو

هذا الموضوع يفيدك

بوالين لاندكروزر خلفية للبيع (http://www.mekshat.com/vb/showthread.php?t=84443)