مشكله في السفاري 2005

[wmwm]

السلام عليكم
المشكله اذا كنت في البر في منطقه رمليه والسياره في الاول وكبست على الدعسه مره وحده ترج الكفرات الاماميه رجه ماهي طبيعيه حتى اني لا استطيع مواصلة الدس مع العلم ان هوا الكفرات 30 والمساعدات جديده مالها اربع اشهر والرجه هذي سوتها من قبل ما اغير مساعدات ارجو الافاده من اصحاب الخبره في الباترول ولكم مني خالص الدعاء

[فهاد بن محمد]

هلا بك اخوي
يمكن هذي من التواير او من الترصيص اذا مافاد معك رصصه ارضي ;)
وهذا اللي اعرفه

وتقبل مروري

[حمد808]

الكفرات مليانة هواء لازم ترج
نسم الكفر على عيار 10

[م.أبوإبراهيم]

هذا طبيعي الكفرات إذا كانت مليانه هواء يسون رجه لازم تنزل الهواء على شان يمشي الموتر ويعيش معك ولا يخرب

[أبو محمد2010]

شي طبيعي يالغالي هذا من النشاط ما شاء الله نسم الكفرات أو إدخل للرمل على الدعسة لا تهدي وبعدين تدوس وشكراً....

[ناوي نيه]

ايه هاذا طبيعي السياره كلها ترج واحيانا الطبلون تشوفه يرج

[abo naseer]

السلام عليكم
هاذي وانا اخوك بطنجه بسبب هوا الكفرات حتى اذا نسمت الى 10 وزريت الموتر بالاول نفس الحكايه بس اقل شوي هاذي بالباترول
فيه حل يشيل لك نص هالمشكله اذا كانت الكفرات مليانه ولا يشيلها لك مره اذا كنت منسم الكفرات
غير المساعدات الاماميه وركب مساعدات جيب شاص موديل 2000 وفوق غاز سعهرهن تقريبا 130 حبتين بس الموتر بيقسى شوي
وعساك على القوه

[المميـز]

وعليكم السلام

شيء طبيعي ترج الكفرات مادام الهواء 30

حط 20 وتشوف الراحه

والحين النفود هيار لازم ترج السياره

[مدور ربيع]

اذا الترصيص مافاد .. فشيك على الهوبات ومسمار الهوب الداخلي (المسمار الحامل للهوب )
يمكن تكون صواميله الداخليه منحله

وقد صارت مع واحد معه جكس ار 2004

نفس كلامك , ورصص ولا فاد وغير الكفرات والجنوط , وبرضه نفس المشكله

واخير حصل صواميل الهوب الداخليه ,لاحدى الكفرات الاماميه , منحله

وغيرها وانتهت المشكله

(( وبالمناسبه انصح كل سائق انه يشيك على الهوبات مره كل 3 شهور )) لانها اهم من الكفرات

[أبـوالوليد]

أي كفرات رح لم أي ورشه ويعلمونك أنا موتري يسوي زي كذا يبي ربلات عمود توازن وشكرا

[wmwm]

يا أخوان جزاكم الله خير المشكله ليست ترصيص ولا هوبات لاني مشيك عليها كلها ومربطها بعد لاني اقنص بالسياره مقناص جاير وبالنسبه لزيادة الهوا مجرب جي اكس ار ولا رج معي ومجرب برادو ولا رج وكلهن نفس الهوا 30 لاكن اكتشفت مؤخرا ان المشكله عامه في الباتول والرجه يا اخوان تجي حتى اثناء تخريج السياره من التغريزه ترج رجه قويه ارجو من كان عنده حل للمشكله يفيدنا
اسئل الله رب العرش العظيم ان يجزى كل من حاول افادتي خير الجزاء

[b2005]

الباترول فيه رجة دائما . . . وحسب إفادة مهندس ميكانيكي ان هذا الشئ بسبب ان الباترول له جودة فائقة بالرمل وفيه سلاسة بالحركة أكثر من غيره . . لكن السلاسة هذي لها ضريبة وهي أنه يوجد فيه رجة . . وأنا نفع معي الترصيص الأرضي . . مع ملاحظة ان الترصيص قد يتأثر بمجرد دخولك للبر . . والله يعين .

[ابو عزة]

ياخوي هاذي المشكلة في السفاري من عام 99 الى يومك لاكن غير الكفرات اللي علية ونشاء الله انك بتدعي لي حتى لو كانت الكفرات اللي علية جديدة

[الوافي عزام]

هلا بك

طيب وش نوع الكفرات اللي على الموتر يمكن السبب منها ؟؟؟؟

لان بعض الكفرات تسبب رجه ولو هي جديه مثل البالون

وبالتوفيق

[عصيقيل]

حط الهواء على عشرين والأفضل 15 وماراح تجيك الرجه مره ثانيه

[عصيقيل]

بالتوفيق بس انكانك ماركبتها تكفى ميشلان لا تروح عليك كفر قوي متين في الرمل والحجاره والأسفلت بس عيبها مطبها قوي قاسيه لكن كد ومد وضمان مفتوح مدى الحياة على الدعسه

[بكيراوي HP]

انا معي ربع باترول 99 يسوي هالحركه لأن الكفرات مليانه لازم تنسم

[الجيب الريو]

يمكن الأذرعة يبيلها كبس
صارت معي وبعد الكبس عند العضيب راحت والحمدلله

[غضنفر]

طبيعي يا رجال
هذا الباترول
لو تحط الهوا 5 لازم يرج اذا زريت عليه بالاول
السبب قوة الدفرنس الامامي

[system]

اتوقع ان الجيوب اللي تجي دفرنش لازم ترج لكن الرجه درجات على حسب نظافة السياره ومدة الاستعمال..

الحل دامك راعي مقناص انك تدبل مساعد الدركسون وراح تحس بفرق بالبر وعلى الخط وفيه موضوع بالمنتدا لواحد من الشباب عن التدبيل...

[البريداوي 872]

شيك على مساعد الدركسون وجلب حقات المقصات لان المشكلة حصلت معي بس بالشارع اذا مشيت 40 قام ينتفض الموتر ووديته لميزان المجد وضبطوه

[متعب الخليفه]

بيعي ان صارت معي نسمالكفرات وتروح الرج لانه مو لينه الكفرات ترج ولا لو هي لينه كان تمغط الكفر ولا يصير فيه رجه وجرب وتدعيلي ان شاء الله علي خير


ونسم افضل لك ولموترك ولكلتشك ولسيارتك

[سيف الظفير]

اتوقع هالمشلكة ماهي على كل الجيوب