أخوي العضو ممكن تتفضل

[أبونواف42]

السلام عليكم ورحمة الله وبركاته ودي ياشباب نناقش موضوع جيب الرنج روفر من حيث القوة والتانة مع العلم لو تشوف بعض سباقات التحمل في افريقيا تجدة من السيارات القوية ويمشي في أماكن ما تتوقع ان السيارة تمشي منها ونادر ما تشوف جيب تايوتا أو نيسان أغلبها رنج ولاندروفر مع العلم اني أستأجرت لاندروفر الجديد الصراحة ممتاز مره على الخط وقوة بس اني ماجربتة في البر وموجود فيه دبلات وأوضاع شي للجبل والمضائق وفي النهاية هل تنصح فيه ولا لا وتقبل تحياتي ابونوافhttp://www.mekshat.com/pix/upload/images40/mk10340_mk45773_542.jpg

[ابوعبدالهادي]

يعطيك العافية والله الصراحة أول موضع عن الرنج روفر
بس للاسف لايوجد لدية اي معلومات عنة ولم أسوقة في حياتي

[عبدالله العمرو]

أخوي ابو نواف 42 / لاعدمتك


يا بعدي نعم اللاندروفر معروف من أيام جداني بأنه من أقوى الجيوب ...

ولكن حبيت أضيف لك معلومة بأن السيارات المخصصة للسباق وسيارات التحمل مصممّة بشكل خاص ولا تنطبق مواصفاتها على سيارات الاستخدام العادي ( سيارات الرفاهية ) ... وأعطيك مثال :

الهامر العسكري وهامر الرفاهية ... وش رايك بالفروق بينهم ؟؟؟؟


تحياتي لقلبك /

أخوك /

[مفتاح الفرج]

هذا لو تجربه في البر ....... كان تحجر عليك المحكمة

هذا مهوب وجه شحططه وبران .... هذا وجه تخصصي وتحليه ... ( لا تروح للسويدي بعد )


اما هاللي تشوفه في البر يناقز ......... غييييييير

التجهيزات تختلف تماما ...

[راعي الشهامه]

اللي تشوفه وانا اخوك هاذا القديم ... اما الجديد زادو من الاكسسوارات اكثر من مضمون السياره

والرانج ماعليه كلام من ناحيه القوه.... بس المشكله في ارتفاع سعره وحساااس جدا

[أبو محمد2010]

الموتر ممتاز للكشخة وطلعه للبر بالسنة مرة ...

[winchester]

هـذا موتر كشخه مثل اللكزس لكن عيـبه مايمسك سعره مثل الياباني

دمـت بود

[alkongrs]

والله الرنج رفور حلو ولا عمري ركبتوه الموصفات حق الرانج ما سمعتبوه ولو واحد من الشباب يعطينا موصفاته داخليا

[المميـز]

انا استأجرت واحد موديل 2006 سبور

ورحت فيه البر والله ما اعجبني وانواع الاصوات طلعت رجعته لهم متقربع

وحتى قومته ماتنفع ابد

بس اذا انت تمشي وترد يعطيييييك

وبالنهايه ما انصح فيييييه ابد

خاصه راعين البر واللي متعودين على الباترول واللاندكروزر

[أبونواف42]

أخواني أبو عبدالهادي وعبدالله العمرو مفتاح الفرج راعي الشهامه ابومحمد2010 مشعل ابوتركي ولدالعمده المميز شرفني مروركم يارجال والله يحي هالوجيه الطيبة.
انا سألت واحد من الشباب عنده رنج يشتكي من سوء الصيانه في الوكالة وغلا قطع الغيار لين باعه ,بس انا اذكر الدبلات حقته شي للجبال وشي مدري والله وشيله وشي اذا كان الضغط على الكفرات اليمين مثلا في جبل ولا شي تخلي اليسار تسوي موازنه طبعآ هو رباعي مستمر.ودمتم

[حب الوطن]

السلام عليكم اخوي ( ابو نواف 42 ) اول شي الرنج عموما من ناحيت قوي قوي ولكن له عيوب

خصوصا السبورت لوجود ( التيربو ) وانت تعرف الاجواء الصحراويه ماينفع التيربو :no:

ومابالك بتطلع البر فيه وطعوس وهاتك غبار يعدم التيربو

وبعدين وبكل صراحه انا من عشاق الرنج ولكن ماينفع في البر بسبب الاعطال ولا هو الموتر الي بتعتمد

عليه بقطع الخرايم :no2: وعندك الصيانه نار في نار وهو قوي في البر

وبخصوص الي تشوفها في راليات افريقيا مخصصه لهذا الشي تقبل مروري وانشالله افتدناك :)

اخوك / مافيا

[بدوي جنوبي]

http://smiles.al-wed.com/smiles/60/876.gif

اخوي يستخدم م 2001 وما شاء الله عليه تمام لكن مشكلة الصيانه مكلفة شوي
وحسب كلامه ان الموديلات الحديثه من 2002 وطالع

اصبحت اكثر اعطال وتحتاج الي صيانه اكثر من سابقاتها

وترا محرك الرانج هو محرك BMW 8V

بالتوفيق :good:

[النقيرة]

أيا طالع به للبر وهو ب360 الف ؟؟؟
ياخوك ذا دبلكس يمشي.

[راعي الركيات]

السلام عليكم ابونواف اعتقد ان الرنج سيارة تملك من القوه مايجعلها تتربع علي القمه وتجارب الغرب كثيره واكثر ماتشوف في المغامرات ولافلام الوثائقيه هذه السياره لكن في هالديره واجوائها الحاره والرمال المتحركه ماعتقد يتحمل ولا يومين في البر الا وهو فوق سطحه
تقمل مروري

[غضنفر]

ياخوك ذا دبلكس يمشي.

هههههههههههههه

[أبونواف42]

أخواني مافيا بدوي جنوبي النقيرة راعي الركيات غضنفر شرفني مروركم حياكم الله ,أذكر واحد من الشباب كان معه رنج قديم بس يمدحه صراحه بالقوة والراحة بس عيبة الصيانه وقطع الغيار نااااااار صار يروح لدبي يسويله صيانه هناك أحسن من الي عندنا هنا وللمعلوميه الموديلات الاخيرة انا سمعت انها صارت مكاينها وقير جاكور غيرو ال بي أم وسلامتكم