المساعد الشخصي الرقمي

مشاهدة النسخة كاملة : صوفة القير وش حلها ؟


سامي 77
09/07/2007, 03:59 AM
السلام عليكم جميعا
حبيت استشيركم ياجماعة الربع بخصوص تهريب صوفة القير ..
هل من الممكن حل المشكلة بدون فك القير ؟
ياليت اللي عنده حل ينورنا الله ينور قبره .
هولوكس2005
09/07/2007, 05:50 AM
السلام عليكم ورحمته وبركاته


الحل عندي فك المكينه :D


مافيه إلى الحل هذا:no:


لأنهن متصلات ببعض وبعدين تحسب بأن الدعوه راح ينثر لك التروس بالأرض لأ راح ينزله على عدله ويغير الصوفه ويرجعه كأنك مغير كلتش الدعوه هينه إنشاءلله
راعي كيف
09/07/2007, 07:55 AM
السلام عليكم
اخيي سلمك الله بعض السيارات ممكن تغييرها بدون فك قير ومكينه خاصة إذا كانت الصوفة من قطعتين ويتم تغييرة من قبل فك الكرتير .
والغالب على السيارات يجب فك القير او المكينه وهو الأسهل في اغلب الأحيان .

خوك المحب راعي كيف
ابو ناصر
بدوي جنوبي
09/07/2007, 10:29 AM
عليكم السلام

طيب يا اخ سامي وويش سيارتك

اذا كانت الصوفة الامامية للقير والمكينة بالطول

لازم يتزل القير ،،، اذكر نوع السيارة واذا كان التهريب بسيط انصحك تتركه ،،لانه راح يهرب معك مره ثانيه

بالتوفيق
فهد 1426
09/07/2007, 08:21 PM
والله ان هذه المشكله صارت لي ــ ووديت السيارة للورشة محترمه ــ وما لقى حل غير تنزيل القير وغيرت الصوفه وارتحت من التهريب
الوافي عزام
09/07/2007, 10:44 PM
لاصارت سياره جديده وتبي تستخدمها لفترة سنوات قادمه غيرها وارتح

اما لاصارت من 2000 وتحت خلها لان التهريب اللي فيها عادي مايضر وشيك عليها كل فتره

وبالتوفيق
ضغط سحاب
10/07/2007, 01:13 AM
اذ كان التهريب خفيف فنصيحة خله عنك( يعني يندي )

اما اذا كثير فلازم ينزلون القير او بالاصح يفصل عن الماكينة

ونصيحة اذا صلحت التهريب فلا تمشي على السيارة وهي باااااردة

والنصيحة الثانية - لا تعلم احد انك فاك القير لانهم يظنون انه موظب او غيره هههههههههههههههههه
سامي 77
10/07/2007, 03:46 AM
مشكورين وما قصرتوا جميعا على تفاعلكم
والظاهر اني أبفك القير لان التهريب يوميا بحدود ملعقة طعام او اكثر ...
والله يعين على الورش .
ويعطيكم العافية مجددا على المساعدة ودمتم بخير
رومل
10/07/2007, 05:49 PM
لاتغير الصوفه لانها فتره وترجع تهرب مره ثانيه غيرتها بسيارتي الجيب وبعد اقل من سنه رجعت تهرب وتركتها والوضع عادي جدا بس شيك على الزيت
نيسان 2006
10/07/2007, 05:59 PM
صح كلام رومل لا تغيرها وشكرا