المساعد الشخصي الرقمي

مشاهدة النسخة كاملة : وش الحل الدبل مجيّم


برادو97
09/07/2007, 09:10 PM
بسم الله الرحمن الرحيم

اخواني اعضاء هذا المنتدى المبارك

السلام عليكم ورحمة الله وبركاته,,,,
انا عندي برادو 97 الدبل مايعشق يعني مهنق مجيم مادري وش المشكلة شيكت على الزيت فل وش افضل ورشة تنصحوني بها؟؟ وجزاكم الله خيرا,,,,,,,,,
الوافي عزام
09/07/2007, 10:39 PM
هلا بك

انا قبل اربع سنين كان معي شاص 98 وكانت نفس المشكله مايعشق الدبل وشيكت على الزيوت وصارت مليانه

وكنت بالبر وفاضي ماعندي شي انتظر اخوياي ؟؟؟؟ فكرت وقلت بفك الجلده اللي عند القير وطلعت المشكله سهله جدا !!!

لقيت الدعوه مليانه تراب وغبار ( الله يعزكم ) ونضفت المنطقه مضبوط وعشق معي واستمر مايشكي من اي مشكله لين بعته

وانت موديل سيارتك 97 ممكن تكون المشكله نفس الشي جرب منت خسران

وبالتوفيق
ضغط سحاب
10/07/2007, 01:02 AM
هلا بك

انا قبل اربع سنين كان معي شاص 98 وكانت نفس المشكله مايعشق الدبل وشيكت على الزيوت وصارت مليانه

وكنت بالبر وفاضي ماعندي شي انتظر اخوياي ؟؟؟؟ فكرت وقلت بفك الجلده اللي عند القير وطلعت المشكله سهله جدا !!!

لقيت الدعوه مليانه تراب وغبار ( الله يعزكم ) ونضفت المنطقه مضبوط وعشق معي واستمر مايشكي من اي مشكله لين بعته

وانت موديل سيارتك 97 ممكن تكون المشكله نفس الشي جرب منت خسران

وبالتوفيق

واذا ما نفع جرب انك ايضا تطلع للبر وتدور لك على كومة او جرف المهم تخلي السيارة على ميول سوا على اليمين او الشمال وبنفس الوقت حاول تحرك الدبل....وسلامتك
برادو97
10/07/2007, 06:36 PM
شاكر لكم مروركم والله يجزاكم خير.
شرشبيل
12/07/2007, 04:16 PM
مرحبا .... فيه خانه بين عصا الدبل والدبل وتعتبر حلقة الوصل بينهم وهذه الخانه فيها تجويف صغير جداً يسمح بعصا الدبل بتحرك . وهذا التجويف اما يكون ممتل بالتراب ( في وجه العدو ) او بأحدي القطع النقدية مثل الهلله او الخمسين فلس وهذا تغلق التجويف مما لايسمح بتحريك العصا فلا يعمل الدبل . وأغلب الكراجات او الورش تكون حراميه ونصابه حيث يقولون ان الدبل مجيم او خربان ويحتاج الي تصليح او تبديل لذا يرجي من الاخوان الي عنده سيارة دبل ان ينزع كل سنه مره برقع الدبل وبرقع الجير ويقوم بتنظيفه بماكينه هواء حتي يكون فحل عند الزوم .
برادو97
13/07/2007, 03:22 PM
شاكر لك مرورك اخوي شرشبيل