الضــلــــــعـــــــــة

[Alhzzen]

السلام عليكم ورحمة الله بركاته

كيف حال الشباب

اتوقع كلكم تعرفونها الضلعه مو لحلاحة ضلعه طولها 80سم واكثر (لتوضيح)

البعض يقول عنها انها توكل والبعض يقولون ماتوكل
وانا الي اشوفه ان الفلبينين يموتون فيهاا

خلونا نشوف رايكم فيها توكل ولا لا ؟


شــــــــــــــــكــــــــــــرا


يالله نبي ردودكم

[NASHWAN08]

مرحبا اخوي
كل شي حلال يوكل---- لاكن يقولون فيها زفره تخليك تطلع خارج البيت

[محب صيد السمك]

والله أنا سمعت إنك أول ما تصيدها تجرحها بالسكين بحيث يخرج الدم منها ويكون لحمها جيد نوعا ما .

[الوعدالصادق]

اهلايااخواني ماتوكل لآن مايوجدبها صفط وريحتها كريه

[ALONLY]

هلا يالربع
الضلع لحمها يابس وباصج ومهما تحط عليه من بهارات مستحيل تروح الزفرة منه

[jwan]

والله يا صاحبي هذه الاسماك انا وهيا بعراك على طول ما اشوفها الا ومشرفتني بلسنارة


http://www.mekshat.com/pix/upload/images29/mk40085_jh.jpg

[دمي بحر]

قطعها وصلات وقليها قلي على نار متوسطة
واحسن شي ان تكون طازجة من البحر الى المقلة

[صادوه]

فعلا لازم تكون طازجه يا تكون انت صايدها ولا ما تاخذ من السوق انا صدتها يوم من الايام وعلى طول نظفت السمكه وشلت منها الغلاصم وبعدها حطيتها بقصدير مع توابل فقط من دون اي اضافات اخرى وعلى الجمر وكانت من الذ ما اكلت من السمك اهم شئ تكون طااااازجه اما بالنسبه للقلي لم اجرب ذالك .

[( برى بحرى)]

انا دائما اصيدها بالتشخيط وارجعها بحر والله لانى ما اكلها ولم اجربها ليش ما ادرى

طبعا هى حلال اكلها بدون نقاش بس لم اجربها والله

[Alhzzen]

يعطيكم الف عافيه وصادقين اخواني

اكثر شي تضرب هي على السنارات وتزهقك

بس مراح نقول الا التجربة خير برهان
لازم نجربها وهي طازج من البحر الى الفحم

مشكووووورين على ردودكم اخوااااني

شــــــــكـــــــرا

[أ ب حداق]

أخبر مرة الوالده ــجزاها الله خيرــ سوت لنا أياها كفته
لاكن ياالربع والله كلناها وطلبنا زياده

[ساروت]

شراء السمك من السوق
يا اخوان بالنسبة للى يبغا يشتريها من السوق انا اقول لا تشتري
لانو فيه سمك احلى طعم بكثير منها ولا فيه مقارنة ابدا والناس اذواق

الحداقين
لاكن بالنسبة للحداقين شوف انا من ناحيتي اذا ضربت معاى وتضرب معاى كثير اول ما تطلع من البحر اشوف اذا الميدار فى مصارينها وعالق بصعوبة افكووو اطلع الضلع من البحر وعلى طول اقص ذيله على شان الزفره تطلع واطلع خياشيمة واسوي له تنظيف واذا الميدار يطلع بسهوله اطلعوو وارجعها فى البحر على طول طبعا انا اكثر شي اعطيها الفلبينين لانى اشوف انهم حتى سمك الزبال ياكلونه
وبالنسبة لى انا سبق وان اكلته لاكن ما نى حريص عليه واذا صدته ما اكله اعطيه يعنى على حسب المزاج واهو نعمه من رب العالمين والحمد لله والشكر لله

[Alhzzen]

يعطيك العافيه اخوي ساروت ماقصرت على الرد الجميل
اب حداق يعطيك الف عافيه على الرد

ماقصرتوو

طبعا اخوي ساروت شي اكيد محد راح يشتريها من السوق في السمك الافضل منهاا

شـــــــــــكــــــــــرا

[n9000r]

السلام عليكم ورحمة الله وبركاتة ....

بصراحة يا اخواني هذة السمكة من الذ الاسماك الي اكلتها ((مقلي )) طبعا بعد الشعم والفسكر شرط زي ما قالو الاخوان تكون طازجة تقليها مع رز ابيض مدهن وهات يا خمس.........

[شلال البحر]

بسم الله الرحمن الرحيم
اخي العزيز
السلام عليكم ورحمة الله وبركاته
مشكوووووووووووور على هذا الموضوع وربنا يوفقك اما بخصوص الضلعة فهي اعتبرها انا اغبى سمكة ودائم اصيد منها وترى لحمها زين جدا بس للي يعرف يسويها وكل انسان له طريقته في طبخها وان جربتها وسبحان الله لذيذه جدا واذا اراد احد فيكم يريد يعرف كيف طريقة عملها الاتصال على الخاص وان شاء الله افيده وتقبل مروري وتحياتي
اخوك
شلال البحر

[فهد BH]

السلام عليكم
والله يا جماعه انا والضـــلعة ربع يعني في دخلتي لازم اجيب من 10 الى 15 وحده

اقولكم ايش فايدتها

اولا = واهمها هي طعم ينحط داخل القرقور بعد القطيع ويكون لصيد القباقب ( سرطان البحر ) يمووت بريحتها

السمكة تنأكل والهنود يحبونها اكثر من الفلبينين لكن لحمها جدا جدا يابس يعني مأساه في تقطيعها

على فكرة انا لما ارجع على السيف احصل 2 او 3 اشخاص يشترونها من عندي علشان يستخدمونها طعم للقراقير
وابيع الوحده 10 ريال :D للعلم انا هاوي بس

تحياتي

[Alhzzen]

يعطيك الف عافيه اخوي فهد ماقصرت على ردك الجميل

شكرا

[الموج العالي]

فيه شخص يقول ماتؤكل لأن مافيها صفط
هذا الكلام يا أخوان عندالشيعة بس
فقط للعلم
مذهب أهل السنة أن البحر طهور مائه حل ميتته

والناس أمزجة أعرف ناس مايحبون الربيان وناس مايطيق الكنعد
على حسب

تحياتي لكم .

[Alhzzen]

مشكور اخوي الموج العالي على الرد

وتشرفنا مرورك يالغالي

شــــــــكـــــــرا

[سيلر]

سمك الضله تؤكل (حلال)لانها مثل الكنعد وقت خروجها تنفض الصفط
لاكنها كريها وزفره

[المحتسب]

بالنسبه لي ما أكلها وكثير من الشباب قال رايهم فيها ( السبب في عدم أكلها ) لكني أخي كنت قبل فتره مع حداق قديم مره وله باع في الصيد فوق العشرين سنه الشاهد لما شفت عنده ضلعه بالمحل قلت له هل في احد يشتريها منك قالي نعم قلت له وش رايك فيها قالي أنا ما أحبها لكني من بعد ما صارت لي سالفه معها وأنا أموت في أكلها قلت له عطي اللي عندك من سالفه .
قالي كنت مره في بحر هاف مون شاطيء نصف القمر ضربت عندي سمكه توقعت أنها ضلعه وفعلاً طلعتها من البحر فإذا هي ضلعه كبيره هي اللي رزقنا الله بها جا علينا الليل قلت ليه ما أعمل طريقه في ها الضلعه لأني دوم أعطيها الفلبينيين وفعلاً كانوا جينا زملاء قمت وعملت الضلعه فيليه شلت جلدها كامل خليتها مثل فيليه الهامور وبعدها هاك يابهارات وتتبيله تحبها قلبك وقمت بقليها وقدمتها للشباب وهم ما أحد يعرف وش السمكه أخذوا يعددون أنواع كثيره من السمك وأنا أقولهم لا بعد ما شبعوا قالوا وش السمكه صدقوني يا شباب يقول الرجال أنهم مو مصدقين أنها ضلعه حتى أن واحد من اللي كلوها طلب منه أنه مته صاد ضلعه يسويها له فيليه وبيشتريها منه بفلوس .
أنا ما جربتها لكن العهده على الرجال اللي خبرني وهو ثقه عندي
أتمنى من يجربها فيليه ويرد علينا ويقول لنا وش رايه فيها .
محبكم المحتسب

[al3abqary]

بسم الله الرحمن الرحيم

اخي العزيز
السلام عليكم ورحمة الله وبركاته
مشكوووووووووووور على هذا الموضوع وربنا يوفقك اما بخصوص الضلعة فهي اعتبرها انا اغبى سمكة ودائم اصيد منها وترى لحمها زين جدا بس للي يعرف يسويها وكل انسان له طريقته في طبخها وان جربتها وسبحان الله لذيذه جدا واذا اراد احد فيكم يريد يعرف كيف طريقة عملها الاتصال على الخاص وان شاء الله افيده وتقبل مروري وتحياتي
اخوك
شلال البحر






وليش ما تعرضها هنا يالحبيب ؟؟


علشان يستفيد منها الجميع

[Alhzzen]

يعطيكم الف عافيه اخواني على الردود

ماقصرتوو ونورتونا بمروركم ومشاركتكم الحلوة

شكرا

[شعور]

ماعمري صدتها الظاهر ماتحب اللعف تبعي

وماعمري اكلتها بس شكلها الخارجي جميل ويظهر عليها انها مرنه وانسيابيه وصيدها ممتع

وفيها كمان شبه من الكنعد في الشكل

ورايي انه اذا كانت السمكه لها طعم غير محبب فالافضل ارجاعها للبحر ان امكن ويكفى انها اعطتنا متعة الصيد واعطتنا رياضه محببه وحركه جسميه وقضاء وقت جميل

اكل السمك ماهو كل شيء

[Alhzzen]

يعيك الف عافيه اخوي شعور على ردك

صحيح اصلن المتعه في سحب السمكة لشاطئ

وثاني متعه اكلها

ماقصرت
شـــكــرا

[Alhzzen]

يـــــــــــــــــــاجماعة ماحد نزل احسن طبخه لها
ويييييييييين ردودكم

[حساوي ولكن]

يمكن لما تسحبها بالسنارة او تشوفها في الغزل او في القرقور شيلها :no: بس الغواصين اغلبهم يتركونها في حالها .. هي حالها من حال العنفوز ماهي لذيذة :no2: ..

[cruise]

الضلعه لازم تنزف الدم وتتثلج بسرعه بعد الصيد مباشره وطعمها ممتاز والبلح ابيض طري , افضل طريقة طبخ فيليه مقلي بدون الجلد .

[cruise]

الضلعه سمكه طيبه وما تتغذى على الفضلات بعكس العنفوز والعماد والجم , اذا تم التعامل معها بطريقة صحيحة تكون من الذ الاسماك طعم خصوصا اللي بعد الصيد تتحول للون الاصفر

[الصيادالمليح]

افضل طريقة لطبخ الضلعه هي:

عند صيدها مباشرة تقطع إلى قطع بحجم الكف و تقلى في الزيت قبل أن يتحول لونها للأصفر

و إذا مر فترة بعد اصطيادها فأفضل طبخة لها هو :

بأن تطبخ قطع أوصال مع حليب جوز الهند و الخضروات المشكلة

أو أن تقطع إلى قطع اوصال و تطبخ مع الشوربة

أو أن تطبخ كاملة في ماء ساخن ثم تبشر و تفتت لحمها و تزيل العظام و الشوك و الجلد وتصفى اللحم المبشور من الماء وبعدها تخلط مع مهروس البطاطس و الكزبرة و البهارت و تتشكل على شكل كرات أو كفتة ثم تقلى في الزيت

و اتمنى اكون افدتكم