الفزعة الفزعة ...... الشيروكي خربان

[راعي المسرى]

السلام عليكم ورحمة الله وبركاته :

معي شيروكي 91 سعودي وفيه مشكلة : الفيوزات الكبار اللي بالكبوت الأول منها(الأزرق مقاس 60) يقطع وكل ما حطيت أخر يقطع ...... :confused: :confused:

قالوا غيّر الدينمو وغيرته ....
وبعد خمسة أيام ظبط ثم قطع ثانية .....
قالوا غير الدينمو .....
قلت ما صارت كل اسبوع دينمو .....:no2:
لازم يصير فيه سبب أخر .......
قالوا اسئل الربع حولك .........
قلت مالي إلا ربع مكشات لعل عندهم الدواء للشيروكي المعطوب .......:good: :good:
تكفون نبي الفزعة الفزعة ......
صارت سالفة ...............لكن تحملوا الله يعافيكم ويطيل أعماركم على الطاعة .

[غضنفر]

قد صارت معي لكن في شاص
وكان الفيوز الي بداخل الغمارة يقطع
صار السبب طرمبة البنزين تهرب كهرب

[راعي المسرى]

الله يعافيك يا أخي غضنفر ومشكور على مرورك .

أنت ما شاء الله عليك لقيت الحل لكن أنا ما لقيته!!! :(

واحد من الشباب يقول غير الكمبيوتر ؟؟؟

وواحد يقول شب فيه ؟؟؟

وواحد يقول أجره بياع بليله؟؟؟

[الجفن]

الله يعينك على الشروكي وخرباته
الشروكي صديق الورش
افضل حل التشليح وريح راسك

[الوشاح]

اسأل عن ورشة المطيويع بالصناعيه القديمه

بيحلولك المشكله إن شاءالله

[بدوي جنوبي]

اخي الكريم

انصحك بعدم تركيب فيوز لانه يوجد مشكلة في اكهرب عشان كذا يقطع الفيوز

هذي فائدة الفيوز يقطع عند حدوث اي خلل في الكهرب لحماية ظفيرة السيارة .

[راعي المسرى]

أخواني :


717-أحمد ( مشكور على رسالتك الله يعافيك )
الجفن ياقربي والتشليح ... آخر حل؟؟
الوشاح المشكلة المطيويع ماعندهم فيك .......مع العلباء!!!
بدوي جنوبي مشكور مشرفنا على تعليقك .... بس وش هو الخلل؟؟؟
وعلى العموم مشكورين على المرور وعسى في الأمر خير

[مهراس]

ألأخ راعي المسرى: حياك الله ببساطه عندما يفصل الفيوز اللي تكلمت عنه، لاحظ ايش اللي مايشتغل في السياره مثلا لمبة السقف / عداد الحراره / طرمبة البنزين، وسوف تحصل الخراب فيه بأذن الله،،،،،، هذا فقط فحص مبدئي لتحديد مكان الخلل، والله يكون في العون.

[راعي كيف]

السلام عليكم
الغالي شف طال عمرك اي يوم خميس روح يم طعوس الخرارة ام دكة وماحولها وسئل راعين الترهيم تراهم خطيرين بمعنى الكلمه يعرفون وين بليس مو عاد الخراب اللي بالسيارة او الجمعه طعس الهرم الو طعس الفصمان .
وعلى العموم تراهم يرحبون باللي يسئلهم وتراهم ميكانيكيين من الدرجة الممتازة :) وسبق التعامل معهم بخراب في سيارة شروكي وعرف السبب بمجرد ركوبه بالسيارة والتحرك مسافة بسيطة

اخوك المحب راعي كيف
ابو ناصر