سؤال يا هل الباترول؟

[وخرو شوي]

السلام عليكم ورحمه الله وبركاته

كيف الحال يا شباب عساكم طيبين

سؤال يا هل الباترول؟

ابنشدكم عن الباترول الباب واحد عن صرفيته وقوته

هل هويستحمل مثل القديم وصرفيته مثل القديم نرجوا التجاوب

[الساهر2003]

السلام عليكم ورحمة الله وبركاته

تقصد الباتول الجديد الانوار الخلفيه كبيره جربته مع واحد من الشباب ممتاز جدا وعزمه ممتاز 4500 سي سي والصرف عادي مثل اي باترول مثل جيب الربع التايوتا واكثر من الجي اكس ار

لكن مريح خفيف في المدن والبر يعطيك في المطامر كلش يرقاه

والسلام

[غضنفر]

صرفيته ازين من القديم
ويتحمل
وعزمه حليل لكنه مهب مثل التويوتا

[وخرو شوي]

يعطيكم العافيه اخوي الساهر واخوي غضنفر

على مروركم وردودكم

بس ابي توضيح اكثر الله لا يهينكم

[باترول للأبد]

وعليكم السلام ورحمة الله وبركاتة

بالنسبة للباترول الربع الجديد ماعلية كلام قوة تحمل شكل مواصفات وصرفيتة للبنزين حلوة وعزمة حلو

[اسهيل]

طيب اخوي الساهر مدامه صرفيته زين التويوتا الربع معناته يصرف بقوه ولا تنسى صرفية الزيت كم علبه ياخذ مابين 7 الي 8 علب هذا شي
الشي الثاني مالقيت مراتب عرض في مديلات 2006 كلها متقابلات يعني طول وهذا مايصلح ولا فيه راحه وانا تتبعت كثير من المواضيع الخاص بالباترول كلها فيها اختلاف ناس تقول يصرف وناس تقول مايصرف ولا مسكنا جاده وانا محتار وش الشتري صغيره او باترول ؟؟!!!

[الصخري]

عليك بالباترول ونا اخوك عزالله انة هو شيخ الجيوب لابالبر ولا في الديرة عزالله انة جيب ام الطعوس حدث ولا حرج بس حط بالكفرات 15 وروح دربك خضر الله يوفقك اما الزيت يأخي مكينتة اكبر من مكينة التايوتا والدليل شف كبر البستم كذالك شف الورش بكم ينزلون قير التايوتا وبكم ينزلون قير الباترول تحياتي .....

[أبو محمد2010]

الباترول 4500 يأخذ 7.8 علبة زيت مع السيفون..

بالنسبة للصرفية تقريباً يمشيك 450 -500 كلم بسرعة مابين 120-140 تانكي واحد..


الباترول 4800 يأخذ 6.8 علبة زيت مع السيفون..

يمشيك تقريباً 750- 780 كلم بسرعة ما بين 120-140 كلم تانكيين..

[وخرو شوي]

مشكورين يا شباب على المعلومه

ونورتو الصفحه بمروركم

[وخرو شوي]

يا شباب انا كلمت واحد من العيال يقول

فيه رجه خفيفه وكاله وحذفه زود

[أبو محمد2010]

الرجة حلة إنك تشتري مساعد دركسون إسترالي من الرماية وتركبة وبعدين تروح للعضيب يسون لك وزن و إن شاء الله أمورك تمام...

[وخرو شوي]

مشكور اخوي ابو محمد على المعلومه

[الساهر2003]

السلام عليكم ورحمة الله وبركاته

اسف اخوي اسهيل على التاخير في الرد كنت بعيد عن الجهاز في هذه اليومين لاني في اجازه اسبوعية وسوالك عن صرف البنزين فيه ناس كثير تقارن بمقايس غلط مثال يقارنون جيب التايوتا الربع بالجي اكس ار مع انه نفس المكينه لكن الربع مع انه اصغر واخف لكن يصرف اكثر لان الدفرنس الامامي كامل مو فليور ووجه السيارة غير انسيابي مثل الجي اكس ار ولذلك الجي اكس ار التانكي الاساسي يمشي 450 كيلو بالراحة لكن الربع التايوتا اكثر صرفية والنيسان عامة اكثر صرفية من اللاند الجي اكس ار لاسباب معينه منها رفع الموتر وغيرها لكن مناسبه على انها جيوب شديده التحمل لكن الربع التايوتا يصرف اكثر من الربع النيسان بفارق بسيط وللمعلومية الباث يصرف كثير النص الاول من التانكي يمشي 200 كيلو الموديل 2005 ومسالت المرتبه الخلفية يركبونها في القصيم لكن ماعرف بالظبط وين واذا معك سياره صغيره وبتاخذ سفاري اكيد راح يتغير المصروف لان الجيب اكثر صرفية من السيارة الصغيره حتى في الاعطال اكثر واذا بتاخذ السفاري الجديد باب واحد ويكون السيارة الاساسية فهو افضل من الربع التايوتا لتميزه بالخفه والراحة في المدينة وفي الطرق السريعة وللمعلومية كنا نقطع به السيل والماء على الكبوت ويمشي بالراحة وفي اثناء قطعنا لسيل صدم الصدام الامامي في قص الشعيب ورقاه بكل سهوله وكان سواق الجيب محترف قيادة نيسان والسيارات من سواقينها وفي النفود نسم الكفر 15 او 10 وتكون الكفرات لينه وعريضه وابشر بالعز كانك تمشي على ازفلت

واسف على الاطاله

والسلام للجميع

[مرجووج]

السلام عليكم .... مساكم الله بالخير ..
الاخ اللي يسأل عن المراتب توجد عندي مراتب حق باترول 99 مع القواعد واذا تبي اركبهن لك مافي مشاكل
المهم ردي لي اذا تبغاهن ولا لا .. نظااف حيل انا بفكهن من موتري ولك تحيااتي ......

[ابو طلال 2009]

والله انك تسال سؤال ماله داعي اسف على هالكلمه لكن نيسان مايبيله سؤال خصوصا الربع لاني مجرب ثلاثه الان معي 2006 ولا احلى من كذا اما البنزين اذا مضفر بالمره 49 ريال بنزين 95 وانحش عن بنزين 91 لانه ينقص من زيت السياره اثناء الاحتراق والله ما ارتحت الا لحد ما غيرت البنزين
اما القوه فحدث ولا حرج .... المطرات الي راحت الله يعيدها علينا وعلى المسلمين لقيت لاند كروزر مغرز بطين واجيه ياطويل العمر وانا انزل السنسله الله حق عجز الموتر عنه بالبدايه بسبب فرق الوزن اولا والطين مشبط بام الموتر ثانيا المهم واقعد اتلتل به اتلتل به اتلتل به لاين فقد صاحب الموتر الامل او يمكن خاف على موتره لكن اقنعته واتله تلتين بس يحبها قلبك والله لو اتلتل لي بسفينه يمكن مشت المهم طلع بعد عناء
مقارنة القديم بالجديد مالله ياحبيبي مافي مقارنه لا من حيث القوه ولا من حيث الخفه ولا صرفية البنزين ولا حتى الوسع من جوى
يا خي والله اسد وانا شخصيا نيسان له جمايل ما الحق جزاة هههههههههههههه والله صادق مووووووووووووتر يا جماعه
نصيحه خذها او خلها لا تشتري موتر الا اذا انت تحبه مهو مقتنع وبس من شان تعرف تستخدمه وتنطرب معه ولكل بضاعه سوق وشراي .
الله يرزق الجميع ويبارك ولا يضرنا لا بمال ولا بحلال قولوا اميييييييين

[سوبر VTC]

و عليكم السلام و رحمة الله
الباترول يحط للدركسون مساعد اضافي
اي سي ديلكو ب100 او 150ريال
و تروح الرجه
و ال اي سي ديلكو من قديم يحط للباترول و عملي