لأهل التجربة سفاري 4800 [الأرشيف]

مشاهدة النسخة كاملة : لأهل التجربة سفاري 4800

عساف العساف

13/07/2007, 06:35 AM

السلام عليكم ورحمة الله وبركاته
إخواني اهل التجربه في السفاري الجديد
معي سفاري 2007 كل مارحت للبنشري عطاني عيار مختلف للزيت
مع السيفون مره عبالي 6,8 لتر والمره الثانيه 7 واليوم يقول 7.25
وأنتم عارفين أن العيار في الموديلات الحديثه مايعطيك قراءة صحيحه
أرجو من أهل الخبرة توضيح
كم عيار الزيت بسيفون وبدون سيفون؟
شاكر إجاباتكم مسبقًا

أبو محمد2010

13/07/2007, 04:32 PM

مع السيفون 6.8

بدون سيفون 6.5

يعبي وقود 91 ....

راجع الكتلوج ...

القناص

13/07/2007, 04:39 PM

وان كان تبي عزم اقوى والموتر يصير انشط صب بنزين 95

وان قدرت تغير الزيوت في الوكاله تراه اضمن كلها ساعتين وتاخذ الموتر جاهز:)

أبو محمد2010

13/07/2007, 04:42 PM

الوقود المخخص للــ 4800 91 من اليابان..

alkongrs

13/07/2007, 06:06 PM

ونخوك لا تغير عندي لبو يمن ولا ابو هنود رح للوكاله الو أيسي دلكو الي مخرج 15 أضمنلك والي عند البناشر يكذبون يخربون موترنا ويا غافلينكم الله

الملثم البحري

13/02/2009, 03:03 PM

توني مغير الزيت مع السيفون وحط لي 8 علب باترول سفاري تو 2008

~ V T A C ~

13/02/2009, 03:27 PM

توني مغير الزيت مع السيفون وحط لي 8 علب باترول سفاري تو 2008
اوفففففففففففففففففففففففففففففففففففففففففف:confu sed:
8 علب لالاياخوي موترك ماياخذ الا سبع علب وربع هاذا العيار

وتراه من واقع تجربه

الضرغام11

14/02/2009, 02:44 PM

مع السيفون 6.8

بدون سيفون 6.5

يعبي وقود 91 ....

راجع الكتلوج ...

هذا اللي أعرفه واللي بالكتلوج ..

ولا تاخذ على كلام اليماني.. ترى يدمر عليك الصوف..

الملثم البحري

14/02/2009, 04:23 PM

اوفففففففففففففففففففففففففففففففففففففففففف:confu sed:
8 علب لالاياخوي موترك ماياخذ الا سبع علب وربع هاذا العيار

وتراه من واقع تجربه

تصدق بعد قرائتي للموضوع رحت لمه وعطيته على وجهه وخليته يسحب الزائد

RJA

14/02/2009, 04:38 PM

الاخوان ماقصروا ... كل شي تحصله بالكتالوج ولايعبي شي الا تحت اشرافك ...
وخلك من النصابين راعين البناشر

ابوسعودد

15/02/2009, 08:43 AM

يااخوان نصيحه دائما اذا غيرت الزيت عند البنشري حاول انك تحط اقل شي محتمل من العلب واترك عنك كلام البنشري بس من بكرا عاير الزيت بنفسك وشف السالفه هل زايد او ناقص اذا زايد ارجع وخله ينقصه واذا تمام تمام واذا ناقص خله يزوده ولا اعتقد انه راح يضر في السياره النقص البسيط يوم او يومين او خذ علبه معك وزوده انت في البيت وبعد ذلك احفظ الوزنيه لسيارتك واستمر عليها واترك كلام البنشريه

لا يكثر

15/02/2009, 09:06 AM

بحكم اني عانيت الامرين من نصب ومحتالين حفر الزيوت
وبعد عدة نقاشات دارت بيني وبين الزملاء مقتنين باترول
توصلت الى ما هو اتي
ست علب ونصف من دون سيفون وسبع علب مع السيفون
ووجدتها الاقرب والاجدر للصواب
والله الموفق

سفاري2
2005

ابو العطاء

26/07/2009, 04:38 PM

على طاري تغيير الزيت رحت للابل ومثل العادة اخذت معي علب الزيت ويغيرها العامل وذا المره نسيت ووقفت عند هاك المحطت و اوقف السيارة عند هاك اليماني ومير يدق الجوال واليماني يأشر علي يقول الزيت قلت ايه ايه الزيت ابي اكلم بالجوال ويوم فرغ الزيت من المكينة قال وش تغير الزيت قلت له الزيت معي >>>>>هاه >>> ودخلنا في المشكله قلت ايش فيك قال المدير يقول لا تغيرون الزيت للي معه علب ودخلنا في هواشه لين غير الزيت اللي معي وعطيته 10 ريال ولا ودي لانه ما نفخ المكينه
الشاهد من هالكلام اني جايب معي 8 علب ولا خليته يكملها حط 7 واخذت العلبه الثامنه معي وقبل ما اروح العمل عايرت الزيت وزوته على قد العيار وهذي افضل طريقه لتاكد من الزيت وسلاامتكم وعلى طاري تغيير الزيت عندي لعبه حلوه

ابولولو

26/07/2009, 04:48 PM

ياخوان فيه نقطه مهمه من وجهتي نظري وهي انك اذا عايرت الزيت خارج الورشه انتبه للارضيه تكون مائله فيه مره وفيه وسط لان الميلان يفرق اتمنا اني غلطات ومثال ميول الحوش بالبيت البلاط الي مائل يمشي الماء والي مافيه ميول ياقف الماء بنسبه ملاحوظه

سوبر VTC

26/07/2009, 05:53 PM

و عليكم السلام و رحمة الله

انا ارى الافضل انك تنقص نص علبه

يعني مع السيفون 6.5

لانه اذا مشى الموتر 1500كيلو او اكثر يتمدد الزيت و يزود

كثر الزيت يفقع الصوف خصوصا صوفه القير و المكينه

ابوو زيد

26/07/2009, 08:39 PM

سوبر VTC

27/07/2009, 06:20 AM

والله انا نفس الحكايه ابو يمن لعب علي اول مره مع السيفون حط لي 8 انا استغربت

والله وامشي عليه 4 الاف واغيره مره ثاني رحت لواحد ثاني وحط لي 7 قل وش السالفه مع السيفون ياخذ علبه غريبه

و ارجع للكتلوج طلع 6.5 علب بدون سيفون و 6.8 مع السيفون

وقمت اغير الزيت بالبيت وشريت لي مفك حق سيفون بـ 35 وفك عمري من ابو يمن ونصبهم والعلبه بمحل قطع الغيار بـ 10 و اذا شريت كرتون تطلع لك بـ 9

وعليك الحساب

صدقت اخوي
مافي مثل ان الواحد يشتغل بنفسه :good:
و المشكله لو تقول لواحد ليش ماتشتغل بنفسك قال انا مشغول و هو اصلن مشغول على لاشي يعني حنا نخدع انفسنا مشغولين
و الاصل انه كسل و ايهام نفسي

لو تحسب قيمه العلبه عند البنشري
24علبه * 14ريال = 336ريال :no:
لو شريته جمله 24علبه * 9 = 216ريال
يعني وفرت 120 ريال :good:
هذا غير حساب البنشري كل مره ===> 10ريال كل مره
ايضا توفير قيمه فلتر الزيت و شرائه بسعر الجمله

بحسبه اخرى

لو غيرت الزيت عند البنشري 4 مرات راح ياخذ منك تقريبا 336ريال
شغل اليد كل مره 10 = 40ريال
336 + 40 ريال = 476ريال

و متوسط تغيير الزيت عند غالبيه الاشخاص خصوصا من يملك سيارة واحده
كل 5000الاف كيلو
كل 40 يوم ==> يتم تغيير الزيت
يعني تغير بالسنه الواحد 9 مرات تقريبا

شغل البنشري = 9 * 10 = 90ريال

قيمه الزيت تقريبا = 7علب لكل مره = 7 * 14 = 98ريال
= 98 * 9مرات = 882ريال للسيارة الواحد :mad:

الاجمالي = حساب البنشري + الزيت = 90 + 882 = 972ريال :no:
هذا بدون اضافه قيمه الفلتر

يوجد اشخاص يغير الزيت كل 3000الاف و بعضهم 7000 الى 9000الاف

طيب

7 علب * 9ريال سعر الجمله = 63ريال
= 63 * 9مرات تغيير = 567ريال
= 882ريال عند البنشري - 567 سعر الجمله
= 315 ريال===> هذا توفير :good:
+ 90 ريال لابو يمن = 315 + 90 = 405ريال ==> بمخباتك :p
هذا بدون حساب قيمه الفلتر جمله
و الا كان يطلع التوفير اكثر

طبعا 405 لسيارة واحده و لسنه واحده فقط !!!!!!!!!
فما بالك لشخص عنده عدة سيارات

هاه عساكم فهمتوا و الا اوجعتكم روسكم :j

محمدالعريني

27/07/2009, 02:14 PM

والله اخوي سوبر فتك مبدع مبدع مبدع حسبتها صح وبالنسبه للزيت انا اشتري الكرتون من الصناعيه 175 النوع بترومين الترا 7 وتراه زيت ممتاز بالحيل وارامكو ماتغير سياراتها الا منه وقيمته بالكرتون ارخص من ا زيت ثاني

ابو الهيثم 1

27/07/2009, 02:40 PM

ل اذا كنت تغير عند محلات غيار الزيت 7.5 لان بعض الزيوت تبقى في العلبه فانصحك 7.5 مع السيفون و7 بدون من واقع تجربه