عدادات الطبلون في اليوكن [الأرشيف]

المنبسط

13/07/2007, 04:51 PM

السلام عليكم
اسعدالله اوقاتكم
عدادات الطبلون في اليوكن موديل 2005 تلعب وما تستقر على حال , وسألت راعي ورشة فقال لي وده للوكالة لأنه من 2003 وطالع فيه هاذي المشكلة
فهل أحد من الشباب حصلت له المشكلة . الله يبيض وجيهكم
المنبسط

alkongrs

13/07/2007, 06:01 PM

وعليكم السلام ومساءك اول مره اسمعة منك مع اخوي وما صارتلوه ابد وتقبل موروري والشباب ما يقصرون

عساف العساف

13/07/2007, 10:49 PM

أخي الكريم
هذه المشكلة صارت لأكثر من واحد والمشكله في موديل 2005 فقط
أحد الإخوة أشترى جمس من الوكاله طبعًا الجميح وكان أمبير البنزين نايم من أول ماطلعه من الوكاله رجعه لهم وقال أمره بسيط لاتاكل هم
بعد ماأستلمه بدت الأمبيرات كلها تلعب رجعه لهم وبالشكاوي ورجع لهم السياره وأخذ فلوسه بعد ماخصموا منه مبلغ
بعدها أقسم ماعاد يتعامل الأ مع الياباني

سيف463

14/07/2007, 02:28 AM

وده الوكالة ولا تشاور موترك جديد والخلل بسيط

الدحبول

14/07/2007, 02:35 AM

أنا عندي نفس المشكلة فقط في ضغط المكينة وبعنا بحالتة الطبلون ب مايتجاوز الالفين
هذي في موديل 2003 و2004 و2005
أبشرك مهيب بس في الجمس
عندنا كامري 2004 العداد الحرارة مخبط وساعات ضغط المكينة

كل مصانع السيارات ما تهتم هذي الايام
أهم شي ينجزون أكثر عدد من السيارات
دون الاهتمام بالجودة
لا أهمية الجمس وكالة والكامري و تم بيعهم

alkongrs

14/07/2007, 03:07 AM

اجل اسحب كلامي والله لوادري ان اليوكن كذا كان مقلت الي قلت وابقول لخوي يسوي لطبلون صيانه

سفاري 91

14/07/2007, 03:26 AM

اخوي معه 2004

عداد الزيت والبنزين مخبطه ورح لي الشركه

قالولو بي حول الالفين

قناص شقراء

14/07/2007, 04:44 AM

أنا خويي معه سوبربان 2003 فاكه وكاله
ونفس الشي الامبيرات تلعب
حق السرعه و البنزين و غيره

المنبسط

18/07/2007, 02:19 PM

السلام عليكم
مرحبا بجميع من كتب وزار الموضوع
والحل اللي طلعنا به من الأخوان هو أنك توديه للوكالة.
لكن هل فيه حل غير الوكالة ؟ لأن الوكالة كما هو معلوم للجميع بيصلخوني بالسعر.
ولكم الشكر سلفاً
المنبسط

الدحبول

18/07/2007, 02:43 PM

غير الطبلون

الطبلون أتوقع موجد عند محلات المغلوث لبيع قطع غيار السيارات الامريكية

أخوي المنبسط في محلات المغلوث في الاحساء أتوقع يجبونها

المملكة العربة السعودية - المنطقة الشرقية - الاحساء - المنطقة الصناعية مقابل بنك الرياض
تلفون 035925296 - 035930830

ابوسليم

18/07/2007, 02:45 PM

السلام عليكم ورحمة الله

كان السيارة ماتعدة ممشا 60000 الف كيلو الوكالة اتصلحة لك . واذا رفضو اتصل على جنرال موتورز الي في دبي يجبرونهم على التصليح .

المشكلة كهربائية وتقريباً التكلفة 1800 عند العيسى .وياليت انحصل احد يصلحها خارج الوكالة .

النائب

18/07/2007, 02:56 PM

أذكر فيه محل في صناعية أم الحمام بالرياض يصلحها بحدود 800 ريال

إذا كانت المشكلة ما تزال قائمة سألت لك عنه خويي لأنه قد صلح سيارته عنده

ابو شكاع

18/07/2007, 03:49 PM

معي يوكون 2002

تصير ان عداد البنزين يخبط ... بس يرجع على طول لوضعه .. ياخذ مثلا 10 دقايق ويرجع عادي
خصوصا إذا كنت توي مفلل بنزين
.
وسلامتكم

المنبسط

20/07/2007, 01:59 PM

السلام عليكم
أعتذر عن التأخر في الرد
1000شكر لك اخوي الدحبول لكن الاحساء وانا اخوك بعيد عن الرياض , لكن هل المشكلة تنحل بتغيير الطبلون ؟
اخوي ابو سليم
حياك ربي وللأسف السيارة مشت اكثر من ستين .
اخوي النائب
اشكر لك اهتمامك والله لايحرمك الأجر والمشكلة ما زالت قائمة لكن هل الورشة مضمون شغلهم لأن السيارة جديدة ومثلك عارف الكهرباء في السيارات الجديدة غثيث ومرتبط بالكمبيوتر ولك جزيل الشكر.
اخوي ابو شكاع
ان شاء الله تنحل المشكلة وبأقل الأسعار ومايقصرون القروم في مكشات
ودمتم بود
المنبسط

الدحبول

20/07/2007, 10:51 PM

نعم واجد ناس غيرو الطبلون ويقولون ضابط معهم

ابن هدبة

21/07/2007, 11:50 AM

السلام عليكم

ياخوى لاتبدل الطبلون عندى يوكن Gmc 2004 العدادات ماهى بمظبوطة وخاصة البنزين
كل كهربائى ما يعرف الطريقة الا قليل واحد من الكهربائية قالى هذا تهريب كهربا قليل جدا
رح الوكالة ويعلمونك وينة فعلا رحت الوكالة وحطو جهاز وانا واقف عندهم ( بهبهانى الكويت )
طلع تهريب 002. هو اللى يخلى العدادات تحرك وطلع التهريب فى Dvd وصلحوه فعلا
هذا كله ماخذ ساعة

مغلي

29/07/2007, 02:01 AM

النائب

29/07/2007, 10:23 PM

سألت خويي قال أنه مصلحها في ورشة الجابري في الصناعية القديمة

إذا جيت من الدائري الشرقي وتعديت شارع علي بن أبي طالب بيجيك شارع سيدين يتجه جنوب رح معه واسأل هناك عن ورشة الجابري كبيرة ومعروفة هناك

قال صلحوها بحوالي 600

طبعا مشكلته في عداد السرعة ما يشتغل مثبت على الصفر مع أن عداد حساب الكيلومترات يشتغل

الدحبول

30/07/2007, 01:12 AM

http://www.dll3.net/get-7-2007-g025m7n5.jpg

إليكم بعض الصور

المنبسط

31/07/2007, 02:22 PM

السلام عليكم
مرحبا باخوي الدحبول والصورة تحكي المعاناة وشكرا لك.
اخوي ابن هدبة الله ييسر نلقى كهربائي فنان مع اني رحت لواحد اشتغل عند الوكالة من فترة ثم فتح ورشة خاصة فيه وقال رح للوكاله ولك الشكر.
اخوي مغلي حياك ربي.
اخوي النائب ما قصرت كفيت ووفيت والله يبيض وجهك لكن هل يضمنون الشغل (يعطيك ضمان) ؟
والله يوفق الجميع
المنبسط

الدحبول

31/07/2007, 08:40 PM

http://www.dll3.net/get-7-2007-g025m7n5.jpg

إليكم بعض الصور

هذي الصورة لاخ بحريني 999 في منتدى السيارات
اشترى اليوكن من الجميح الخبر وده الوطنية وكيل جي أم في البحرين صرف له طبلون بعد يومين من المشكلة
ان بعت موتر على حالة
ضغط المكينة خربان فقط

المنبسط

02/08/2007, 01:37 AM

اخوي الدحبول
الوكالات عندنا يصلحون السيارة لك والفضل لهم ولسان حالهم (احمد ربك صلحنا لك سيارتك )
الله يرحمنا برحمته
المنبسط

الربان

02/08/2007, 01:30 PM

اخي ابن هديه

السلام عليكم ورحمة الله وبركاته

لدي استفسار عن التكلفه كم كانت قيمة الأصلاح .

الربان

02/08/2007, 02:54 PM

الأخوه الأعزاء

السلام عليكم ورحمة الله وبركاته

لقد اتصل بي احد الزملاء بعد استفساري من الاخ ابن هديه بخمس دقائق لكي يبلغني بأن قيمة العدادات بالنسبه لل(1500)بحدود (700)ريال
تقريباً واما لل(8100)فانه(1100)ريال تقريباً هذا لدى الجميح , والشخص من الثقاة انشاء الله , هذا والله اعلم .

المنبسط

03/08/2007, 02:07 PM

السلام عليكم
اخوي العزيز الربان
ماقصرت لكن اليوكن كم بيصلحونه؟
المنبسط

سعيد11

03/08/2007, 02:46 PM

اخواني المشكله موجوده واقول لخوي المشكله صارت معي يفكون الطبلون ويرسلونه لدبي لأنهم ماعندهم احد يصلحه في المملكه اقسم بالله مهزله وين حماية المستهلك ومثل ما قال اخوي اذا سيارتك ما تعدت الستين الف وده الوكاله وهم بيصلحونه على الضمان واذا رفضو تصليحه تلقى رقم جنرل موتر في الكتلوج في دبي اتصل عليهم وهم بيتصرفون فيها

المنبسط

04/08/2007, 02:53 PM

السلام عليكم
السيارة ماشية ثمانين الف
المنبسط

راع الكرم

06/08/2007, 12:51 AM

يا اخوان اغلب امبيرات الامريكي تلعب وانا عندي موديل 98 ونفس المشكلة الظاهر وراثة

المنبسط

09/08/2007, 03:03 PM

الله يستر لا يصير فايروس

الفريشه

09/08/2007, 05:31 PM

السلام عليكم

أنا أشتريت جمس سوبربان م 2005 بداية الاجازة
وكان فية نفس المشكله ورحت الوكيل التوكيلات العمومية بحفر الباطن
وقالوا مانصلحه لانه تعدى الضمان(64000كم)
كلمة خويي الوسيط في شراء الموتر وكلم البائع وشب عليهم وعلى مندوبهم وهددهم في رفع الشكوى لدبي:director:
وقالوا بنطلب القطعه من فرع الدمام
وانا الان في انتظار القطعه

نصيحتي أخي الكريم عدم السكوت أبداً أبداً لان هذا عيب مصنعي مهما مشى من كيلوات
وهم يريدون واحد ملوسن يهددهم برفع الشكوى لجميع الجهات
فاالله الله بهم
وبالتوفيق أن شاء الله