انشد عن طير مجرد استفسار

[حر اجأ وسلمى]

السلام عليكم ورحمه الله وبركاته
من عنده طير حر سنجاري اسود مثل على ماقالو الفحم قرناس هذي اول سنه يقرنس اوثاني اوثالث سنه يقرنس يمسك الحبرى بالهوى وكاد فعله ويكون يفعل بسمق مثل الحبارى
وهذا مجرد استفسار عشان لوحبيت اشري وماله داعي تعبون انفسكم
ومع الشكر مقدماً

[حر اجأ وسلمى]

ياشباب لو ماعندكم نفس المواصفات عطوني مواصفات مشابهه

[المري]

حياك الله يا حر أجا وسلمى

هالحين وضحت لانه اول ماهو واضح .


بالنسبة للحر السنجاري يوجد منه في الخليج يمكن 5% قليله جدا جدا

وقيمتها عاليه بل خيالية .


بالاصح اقولك لك اغسل يدك انك تلقى سنجاري... الا اذا كبير في السن .... او عند احد من الشيوخ الكبار


وتقبل تحيات اخوك/المري

[سنجاري]

يا مرحبا أخوي حر آجا وسلمى ....
والله في سنجاري ما مثله بس عمره كبير اشوي مقرنس سابع . بس طيب وفعله طيب
تراه موجود في الكويت كان بغيته بس علمني. والسعر انا خابره غالي بس بنحاول في راعيه وننزله لك كانك ملزم ...
وحياك الله . نعين ونعاون;)

[النـادر]

يالي تنشد عن صواريم سنجار"="منته بلاقي مير نوخ رحالك
قبلك ترى النادر تعنى بالاسفار"="وسقنا الدراهم والقدم فالمهالك
انما طلع لك جير او فيه سومار"="والا مطيره ماهو الي ببالك
محدن مفرط ماكر مابعد صار"="حتى ولو ترخص عشانه ريالك




تحياتي،،،،،،،،النـــــادر

[حر اجأ وسلمى]

طيب جير ابيظ وحش اوحر اشقر مايل للبياض ومواصفاته مثل المواصفات المذكوره

[حر اجأ وسلمى]

اخوي السنجاري كم تقريباً سعره

[سنجاري]

والله يا خوي أجا وسلمى ...الطير زين وانا خابره2800 دينار بس يمكن ينزله لأن راعيه حسب ما يقول محتاج فليسات وأنا لو عندي كان خذيته ...بس ترى الطير طيب
18/18 ...وطلاع وراكد وفي مره من المرات في موريتانيا علق عقاب في السما...
والله يوفقك وتلقى طير طيب..

[حر اجأ وسلمى]

افى ياشباب انتم ماعندكم طيور للبيع ولا زرقتونا