ارتفاع حرارة السيارة

[البري]

للأسف معرفتي بالميكانيكا مهيب جيدة مقارنة ببعض الناس ماشاء الله عليهم . ياشباب قبل يوم كنت مع واحد من اخوياي راكبين في سيارته وهي من نوع كامري المهم ما امدانا نمشي ربع ساعه الا وحرارة سيارته ناقزه فوق النص مع انا في اليل والجو بارد وحتى في الصيف ماتوصل لهلحد المهم وقفنا عند راعي ورشه وشاف السيارة وقال ان السبب في الحراره هو ان علبة الرديتر مليانه زياده وقام يشفط من هالمويه ومافيه فايده حتى انه يوم فك الرديتر فار علية من الحرارة الزبده كلامه ماخش عقولنا ومشينا وخليناه والمشكله لازالت قائمه والرجال محتار . تكفون اذا عندكم خلفيه عن هذا الشي لاتبخلون علينا .ولكم خالص تحياتي.

[الخبير]

السلام عليكم
1-هل تأكدت من السيور كلها سليمه ولا لا .
2-هل موية الاديتر مليانه ولا لا . خل عنك كلام الميكانيكي وش الخرابيط هذي موية الاديتر واجده ؟؟؟؟؟؟؟؟؟.
3- تأكد من بلف الحرارة يمكن يكون متعطل ويبغاله تغيير .
هذا الي اعرفه يمكن يفيدونك الاخوان بأكثر من كذا

[الهاوي]

ويمكن والله اعلم ..
- زيت المكينة ناقص .
- او نفس الرديتر مهوب مضبوط ( متسدد يحتاج تسييخ !! )
- او اريحلك انقز للصناعية وشف وش المشكلة لانه موضوع الحرارة في السيارة يمكن يوصل تخبيط المكينة واساس المشكلة بسيط همن بعد كذا تغني ياليل ماطولك وهذا نصيحتي .
تحياتي ,,,:cool:

[المجًفل]

السلام عليكم ورحمة الله وبركاته
تأكد من غطاء الرديتر يمكن انه عطلان حاول تبديله وجرب وتأكد من بلف الحرارة لايكون عطلان ومايوزع الموية بشكل صحيح :)

[الصقار10]

السلام عليكم ورحمة الله وبركاته ،،،،



اولا الكامري مافيها سير مروحة المراوح على كهرب تأكد ان المراوح تشتغل بشكل صحيح .
ثانيا بلف الحراره تراه مهم جدا تأكد منه .واذا كان خربان لازم تأخذ نفس البلف من الوكاله لانه يكون يسمح بمرور الماء على حراره معينه 60 او 70 او 80 او 90 وكل سياره لها مقاس معين
عطاء الاديتر مهم بعد في مسألة الحراره .
تأكد من عدم تنسيم الخراطيش الداخله و الخارجه من المكينه .
تأكد ان الاديتر نفسه ما هو مشقوق .


والافضل تروح لورشه مهو بنقالي ما يعرف الفرامل من البنزين ... لانك مثل اللي يطلب كشف طبي وتشخيص حاله عن طريق التلفزيون ما راح احد يقدر يشخص الحاله مالم يرى بعينه ويفحص بيده .

:D :D :D

[أبوسليمان]

السيارات الجديده ماتنزل حرارته
دايم نص أو اقل بشوي


أبوسليمان

[ابو سليمان]

شف يا طويل العمر كرسي دينمو التعبيه يمكنه مرتخي او منكسر ويصير السير يدور بوش وفي ذالحاله يلحم الكرسي تلحيم لان الجديد ( حق المكسيما ) بـــ 650 ريال وحق الكامري ما ادري والله

[محيط]

صح شف الديتر يمكن يبي تصييخ واذا صيخته ركب طبته البلاستيك لا تغيرها بنحاس هذا شي اشي الثاني ترى يمكن البلف متعطل او غطاء الديتر خربان تاكد منهن وبعدين ليتك حاط مديل السيارة و كم سرندل علشان نعلمك العلم الوكاد ؟
واذا كان من البلف حط نفس درجت حرارة الاول الاتغيره ولا يلعب عليك احد يقول ماله داعي انتبه ياحبيلك

[عاشق الموج]

سبق وحصلت لي مثل مشكلتك في سيارتي الكامري

وما خليت ورشه وما رحت لها والسبب ارتفاع الحراره بمعدل النص وفوق النص مع المكيف

المهم اني زهقت من الورش الي كل واحد فيهم يقول راي الي يقول اللديتر والي يقول راس المكينه يعني ولا واحد طاح على المشكله

صدفه يوم كذا بصب في اللديتر مويه قلت ليش ما تكون المشكله في مروحة التبريد هي العطلانه وفعلا حطيت يدي عليه

وفعلا كانت ما تدفع هواء كافي حق اللديتر والله واروح الوكالة واشتري دينمو حق المروحة طبعا المكاري تجي له مروحتين حق التبريد

وحده مع المكيف ووحده بدون مكيف على اللديتر عاد انت شف شيك على الثنتين

[alhumaidi1387]

أنا حدثت لي هذه المشكلة في لاندكروزر ترتفع الحرارة كلما أسرعت مع أني مشيك السيارة 100% ، تبين لي أن زيت الغير زائد وبعد ما وزنته أنحلت المشكلة .