المساعد الشخصي الرقمي

مشاهدة النسخة كاملة : من يخبرلي محل يصلح الكاتم ..؟


شبوب
14/07/2007, 06:41 AM
السلام عليكم ..

تصدقون عندي أكثر من سته قـــدور كاتم خربانه ..!!2فرنسي و4صيني(السيف) والخراب وشو منه ..؟ من الميزانية تبوز أو أنها تفرط والسبب الظاهر من عدم تنظيفها من (حبات الرمل ).. وكل ما خرب واحد رحنا وشرينا جديد .. ونفس المشكلة ..!! من يخبر محل متخصص لهن يدلنا والله يجزاه خير أو يعرف الطريقة لعلاج هذه المشكلة لتلافيها اساسا .. أو يعرف طريقة أصلاحها يدلنا وله منا الدعاء ..

تحيتي ،،
ساقان
14/07/2007, 07:34 AM
اذا انت بالرياض .. السيف له ورشة اصلاح بموقعم الرئيسي شرق المحكمه وسب وكيله باخشوين راح اسألك عن ورشتهم ايضا في محل السيف شارع عنيزه بحي الروابي عنده اصلاح كواتم ...
شبوب
14/07/2007, 09:45 AM
اذا انت بالرياض .. السيف له ورشة اصلاح بموقعم الرئيسي شرق المحكمه وسب وكيله باخشوين راح اسألك عن ورشتهم ايضا في محل السيف شارع عنيزه بحي الروابي عنده اصلاح كواتم ...

الله لايحرمك الأجر وياجعل شيبان جابوك بالجنة .. إذا تخبر غير الوكالات يكون أفضل لأنه (أرخص+أريح)

تحيتي ،،
alwweed
14/07/2007, 11:32 AM
احسن مافي الصيني أنه إذا خرب ترميه وتشتري جديد لأنه رخيص00 لكن بما أنك تريد حل لهذه المشكلة فالحل سهل لو حددت المشكلة أين (هل تقصد بالميزانية: المسمار أو الصموله التي تربط فيه أو اليدالبلاستيكية ) لأن قطع الغيار متوفر وتقدرتصلحه أنت بنفسك بدون أن تذهب إلى أي مكان0
ملاحظة : الربط الشديد هو سبب تبويز السنه00 وبالتوفيق إن شاء الله
اعقاب
15/07/2007, 12:17 AM
اخوي فيه محل يصلح وعنده قطع غيار من--الى
في الرياض اضنه حول منفحه على مااضن سوق السباله
فيه محل صغير يفتح جنوب وفيه عامل فلبيني او اندونيسي مدري لاني كنت عند السياره وخويي اللي نزل له
اذا معزم ارسل لي رد وانا اتاكد من خويي اللي في الرياض
شبوب
15/07/2007, 07:07 AM
احسن مافي الصيني أنه إذا خرب ترميه وتشتري جديد لأنه رخيص00 لكن بما أنك تريد حل لهذه المشكلة فالحل سهل لو حددت المشكلة أين (هل تقصد بالميزانية: المسمار أو الصموله التي تربط فيه أو اليدالبلاستيكية ) لأن قطع الغيار متوفر وتقدرتصلحه أنت بنفسك بدون أن تذهب إلى أي مكان0
ملاحظة : الربط الشديد هو سبب تبويز السنه00 وبالتوفيق إن شاء الله


فعلا الظاهر هذا هو السبب الربط الشديد .. أيـــه اللي أقصده هو نفس اليد اللي فوق اللي تتحكم بالكبس على الغظاء .
شبوب
15/07/2007, 07:08 AM
اخوي فيه محل يصلح وعنده قطع غيار من--الى
في الرياض اضنه حول منفحه على مااضن سوق السباله
فيه محل صغير يفتح جنوب وفيه عامل فلبيني او اندونيسي مدري لاني كنت عند السياره وخويي اللي نزل له
اذا معزم ارسل لي رد وانا اتاكد من خويي اللي في الرياض

أيو الله تكفى اسأله وين بالضبط ..؟
alwweed
15/07/2007, 09:09 AM
اخوي شبوب بما إنك تقول إن المشكلة في اليد البلاستيكيه(الدائرية) فالأمر سهل فهذه متوفره عند حقين الرحلات جميعهم وحقين الأواني المنزليه في (الربوه,حرج ابن قاسم ,الصانع) وسعره يبدأ من (10-12)ريال وأنت طالع حسب حجم القدر لأن كل مقاس له يد خاصه يختلف سعرها بختلاف حجم القدر0 تبغني اجيبهن لك من السنيدي علمني تري مهنا كلافه0
اعقاب
16/07/2007, 11:38 PM
اخوي شبوب
اتصلت في خويي راعي الرياض كم مره وحصلته اليوم وجبت لك علومه
المحل مثل ماذكرت لك في شارع السباله
والشارع مسار واحد
اذا دخلت الشارع من غرب ومشيت شوي يجيك شارع من جهة الجنوب حرف تي وبعده محلات مثل القيصريه
المحل يكون على اليسار يفتح جنوب مقابل الشارع اللي يجي من جنوب تقريبا
مادري لكون لخبطتك بالوصف
وانتبه لاتجيه قبل العصر لانه مايفتح الا بعده
شبوب
18/07/2007, 12:41 PM
اخوي شبوب بما إنك تقول إن المشكلة في اليد البلاستيكيه(الدائرية) فالأمر سهل فهذه متوفره عند حقين الرحلات جميعهم وحقين الأواني المنزليه في (الربوه,حرج ابن قاسم ,الصانع) وسعره يبدأ من (10-12)ريال وأنت طالع حسب حجم القدر لأن كل مقاس له يد خاصه يختلف سعرها بختلاف حجم القدر0 تبغني اجيبهن لك من السنيدي علمني تري مهنا كلافه0

يا جعل عمرك طويل وعامر بطاعته .. المقصود نبي ورشة إصــــلاح وليس قطع غيار .





اخوي شبوب
اتصلت في خويي راعي الرياض كم مره وحصلته اليوم وجبت لك علومه
المحل مثل ماذكرت لك في شارع السباله
والشارع مسار واحد
اذا دخلت الشارع من غرب ومشيت شوي يجيك شارع من جهة الجنوب حرف تي وبعده محلات مثل القيصريه
المحل يكون على اليسار يفتح جنوب مقابل الشارع اللي يجي من جنوب تقريبا
مادري لكون لخبطتك بالوصف
وانتبه لاتجيه قبل العصر لانه مايفتح الا بعده


كلفنا عليك .. وعلاومك غانمه .. والوصف واضح ، أهم شي عرفنا الموقع ولو حصل لبس بالوصف
اللي يسئل ما يتهش :D

تحيتي للجميع ،،
نعمان الفهمان
18/07/2007, 12:50 PM
محل البرية بحي السلام شارع الامام الشافعي (الابراج )

ضف قدورك وغطيانهن وتوكل على الله

عندة قطع غيار ويصلح الي تبي
ابوفهد36
18/07/2007, 03:51 PM
بالنسبه للصيني مثل ما قالوا الشباب رح لمحلات السيف عندهم اي قطعه بالكاتم ومن قاللك انهم غالين بالعكس اسعارهم ممتازه رح وشف بنفسك

تحياتي
شبوب
19/07/2007, 12:12 PM
السلام عليكم ..

للفائدة العامة .. اليوم الصباح رحت للسيف اللي على الدائري الجنوب اللي قبل شارع الأبراج (وجهك غرب) أول ما تدخل المعرض .. يوجد على يسراك على طول قبل المحاسبين (كشك) متخصص لأصلاح الكاتم بجميع أنواعة (صيني-فرنسي-الماني) العامل المتخصص (سوداني الجنسية) أسمه (أحـــــمد).. أثنين من القدور تحتاج إلى صيانه ونظافة لأن لها سنين منطولة(يعني مجيمه) .. المهم.. ما أخذ شغل يده الا 15ريال على الأثنين ..!!واحد منهن (سب)الفرنسي..! والله بلاش .. وحرام لي سنين ونا محروم منهن ..:confused: والقدور الباقية تحتاج إلى قطع غيار .

أيه نسيت اقولكم ..أنه على حد قول المصدر المسئول:D اللي هو (احمد) أن السبب الرئيسي للخراب 90% الشد الزائد.. إضافة إلى عدم تنظيف البلف بعد كل فتره ..

لاتنسونا من صالح دعائكم إذا رحتوله أو أستفدتوا من هذه المعلومة .

وأشكر جميع الاخوان على ردودهم
motors
21/07/2007, 08:13 PM
اخوي شبوب
إصلاح قدور الكاتم سب وتيربو عند باخشوين طريق العليا العام من الجنوب على اليمين قبل الدفاع المدني او عند تقاطع الوزير مع الخزان بإتجاه الشمال اول نافذ على اليمين ورشتهم

اخوك motors