المساعد الشخصي الرقمي

مشاهدة النسخة كاملة : غشيم نجوم عنده طلب واستفسار وين اللي يعطينا العلم


طير سدير
15/07/2007, 05:07 AM
السلام عليكم

يا جماعه انا احب اشوف النجوم بس للاسف ما اعرف منها اي شي الا السهم وهذا اسمه العامي ودي احد يوقف معي ويعلمني حبه حبه وببساطه

مثال الحين وش النجم اللي ممكن اتابعه واشوفه ووشلون اميزه وهل هالنجم يختفي باختفاء وقته والا يستمر والا وش السالفه...

ثانيا هالنجم السطع اللي نشوفه غرب في الرياض من قبل اذان المغرب هل هو كوكب الزهره؟

وشكرا
لحظة إنتظار
15/07/2007, 02:30 PM
أخي الكريم راجع الموضوع التالي تجد فيه بغيتك .

http://www.mekshat.com/vb/showthread.php?t=93320

و بالنسبة للنجم الذي يظهر جهة الغرب وقت المغرب هو كوكب الزهرة فعلا .
اديب بن صالح
15/07/2007, 10:36 PM
قريبا سأوافيكم بموضوع يساعد على معرفه البروج ان شاء الله احبائي :)
""الشاهين""
16/07/2007, 11:21 AM
أنظر إلى السماء المغرب والعشاء جنوب تجد كوكب ساطع هذه الأيام قريب من قلب العقرب يسمى كوكب المشتري.

والمغرب تلاحظ عند غروب الشمس جهة الغرب نجم ساطع هو كوكب الزهره.
اديب بن صالح
16/07/2007, 02:32 PM
احببت ان اشاركك عطاءك بالصور اخي العزيز الشاهين

http://www.t7mel.com/Files4/0517ceab38.JPG


http://www.t7mel.com/Files4/9f298d7148.JPG

http://www.t7mel.com/Files4/bae4d376f2.JPG
اديب بن صالح
16/07/2007, 02:35 PM
اضافة بمشية الرحمن الرحيم

يوم الثلاثاء الموافق 17 يوليو 2007 وفي تمام الساعه 07:00 مساء اقتران كوكب الزهرة بهلال شهر رجب اضافة الى كوكب زحل والمشتري .
طير سدير
17/07/2007, 06:01 AM
شكرا للجميع

اول معلومه استفدت منها كوكب الزهره

المعلومه الثانيه كوكب المشتري جهة الجنوب ابتابعه اليوم

المعلومه الثالثه اقتران الزهره بالقمر بتابعه اليوم

حاس اني بديت ادخل الجو لكن السؤال هل كوكب الزهره دائما في هالمكان والا وش السالفه ياليت توضيحات ووش يدل عليه كوكب الزهره

ماعليش تحملونا ترانا من العامه
* الــــفــر قــــد *
17/07/2007, 11:49 AM
[QUOTE=طير سدير]شكرا للجميع

اول معلومه استفدت منها كوكب الزهره

المعلومه الثانيه كوكب المشتري جهة الجنوب ابتابعه اليوم

المعلومه الثالثه اقتران الزهره بالقمر بتابعه اليوم

حاس اني بديت ادخل الجو لكن السؤال هل كوكب الزهره دائما في هالمكان والا وش السالفه ياليت توضيحات ووش يدل عليه كوكب الزهره

ماعليش تحملونا ترانا من العامه[line]


الأخ طير سدير

أنا كتبت موضوع عن الزهره وسبب طلوعها من الغرب وتسمى نجمة

المساء وتطلع علينا مرتاً اخرى من الشرق وتسمى نجمة الصباح

وسؤالك وش يدل على ظهور الزهره لو قلت أتجاه الغرب صح او تجاه

الشرق صح ولكن الزهره تتنقل بين الشرق والغرب وبين الشتاء والصيف

يعنى تراها مره من جهة الغرب في الشتاء ومره في الصيف

ومن جهة الشرق في الصيف ومره في الشتاء واذا أردت بتوضيح أحسن

راجع الموضوع
طير سدير
22/07/2007, 04:23 AM
لازالت المتابعه جاريه وشكرا للاخوان
جبل راف
22/07/2007, 01:49 PM
طيب تعرف الجدي والثريا وبنات نعش وسهيل الله الله على سهيل والجوزاء والعقرب

الجدي ثابت بالشمال
الثريا هذا وقت طلوعها من جهة الشرق مثل مضرب التنس تلقاها
الجوازاء تحتها مابعد طلعت عبارة عن ثلاثة نجوم تحت بعض من جهة الشرق ماهي بعيده عن الثريا
سهيل باقي عليه شهر طلوعه يكون في 24/8 ميلادي والمنطقة اللي انت فيها تشوفه بدري قبل طلوع الشمس ناحية الجنوب الغربي شوي

معلومات شايب ههههههههه

اه ووه نسيت اقول لك بنات نعش ماهي بعيدة عن الثريا شمال منها شوي مثل البنت اللي شايله نعش فوق راسها او ك
انك تشوف الثريا بشكل اكبر

طبعا يكون طلوع بعض النجوم وتأخرها حسب مناطق المملكة ( احرص على هذه العبارة جيدا)
طير سدير
07/08/2007, 06:52 PM
السلام عليكم

ياجماعه وينكم ماعاد عطيتونا شي نتابعه ...

الملاحظه الجديده لاخوكم الجاهل في علم النجوم ان الزهره اختفت من الغرب والااتا مخطي ماعاد صرت اشوفها من تالي
لحظة إنتظار
07/08/2007, 07:14 PM
السلام عليكم

ياجماعه وينكم ماعاد عطيتونا شي نتابعه ...

الملاحظه الجديده لاخوكم الجاهل في علم النجوم ان الزهره اختفت من الغرب والااتا مخطي ماعاد صرت اشوفها من تالي

نعم أخي الكريم الزهرة إختفت تقريبا بعد نزولها نحو الأفق و سوف تكون بإذن الله في وضع الإقتران السفلي للشمس,يعني على خط واحد بين الأرض و الشمس .
justscience
08/08/2007, 12:29 PM
اخوي طير سدير انت الله يحييك اي وقت كانك تبي العلم الوكاد زرنا في الرياض وهذى جوالي 0505488043
وهذا علم يجب علينا تبيانه لك
اخوك JUSTscience
طير سدير
10/08/2007, 12:04 PM
لحظه انتظار شكرا لك للتوضيح

الاخ جوست شكرا وما تقصر بس وانا اخوك ليتك توضح المقصود بزرنا في الرياض وهذا علم يجب تبيانه لك.. لاني هاوي اشوف من فتره لفتره يعني الموضوع عندي مهوب عشق متأصل وبصريح العباره اخوك من العوام في مثل هالامور يعني ادور معلومه واراقبها بس مسأله التعمق في الموضوع مهيب لي والا عندي وقت لها ..فليتتك وانا اخوك تشرح لنا اللي عندك وتوضح لنا المعلومه ببساطه منها اختصار للوقت بعيد عن اجيك من سدير وتجيني ومنها ما اغثك بقل فهمي:) لان مثلك خابر موضوع ما نفهم فيه وشلون نبحر فيه ممكن ناخذ رؤؤس اقلام وبس

ومره ثانيه اقولك وضح القصد ولا تبخل يالغالي
justscience
10/08/2007, 01:48 PM
هلا بطير سدير
اقصد ان الشرح في النت صعب وخاصتا في الفلك ولكن في ليله واحده ممكن تتعلم مالم يتعلمه الواحد في سنه قراءه والشرح اللي اقصده ماهو للمتخصصين اقصد شي يعرفونه العاوام الاولين ولا يحتاج تعمق
وحياك الله مره اخرى
اخوك justscience
طير سدير
12/08/2007, 05:07 AM
اخوي جوست ماقصرت ووصلت المعلومه وباذن الله بينا اتصال اذا الله اراد وبغيت اجي الرياض بس عاد لا تبخل علينا بمعلوماتك وحط لنا اي معلومه هنا خل نتابعونضيع وقتنا في شي مفيد
وشكرا للتواصل