المساعد الشخصي الرقمي

مشاهدة النسخة كاملة : عرض خاص لأعضاء مكشات!!


عاشق سفر
15/07/2007, 07:44 AM
السلام عليكم ورحمة الله وبركاته


مساكم الله بالخير والرضا والنور


طالت أعماركم أنا رجال مجنون شيء اسمه سفر مجنوووووووووووون مجنووووون خاااااالص

المهم

نويت اسافر الهند بس للاسف مالقيت حجز يناسبني

فقمت غيرت الوجهه

وقلت بروح الامارات او عمان


بر طبعا


فأنا رجال بروح لوحدي ما معاي احد


وسبق ورحت الامارات بس ماقد رحت عمان


موتري كامري 98

المطلوب طالت اعماركم ولاهنتوا هو خوي


أبي طالت اعماركم اخوتكم

والله مابيلقا معي الا علوم رجال

ماعندي لا لف ولا دوران رجاال سوي

ابي اروح اتمشى واغير جو


السيارة علي


بس ابي خوي ونعم



والله ان ودي معاي جيب لاني احسها قوية اروح صلاله بكامري بس وش اسوي مد لحافك على قد رجولك والله يطرح فيها البركة


المهم اللي له رغبة يعطيني خبر هنا او على الخاص ويبشر بعلوم الرجال

وباذن الله السفر بيكون نهاية هالشهر يعني بعد 25/7

شاري اخوتكم والله

اخوة مكشاتية


الله يكتب اللي فيه الخير ويرزقني بولد الحلال<<<<<<<< هههههههه:D
حشى هذا ما يبغا خوي هذا يدور عريس هههههههههههههه


انتظركم
الرسن
15/07/2007, 12:46 PM
تركي بن عازب
يارجال علوم الرجال زينه وخوة الرجال تنشرا بس في هالوقت الخبيث ماخلى للطيب مكان
وتبي الصراحه عرضك هذا مرررروع بتقولي ليش اقولك انت ماسمعت شي عن مكافحة الارهاب
انت ماسمعت شي عن مكافحة المخدرات اعتقد انك طيب الى حد تبالغ فيه
ترا مايمنع الواحد يدور واحد من قرايبه من عصبته من اطراف ربعه زملاءه في العمل يعني لوبارت لخربت.
ياخ تركي لاتواخذني ترى الصراحة صابون القلوب
زمنا هذا مختلف في كل شيء المثل والقيم راحت في سوق الاسهم والله يكفينا شر القادم
معالسلامة وبالتوفيق
جي اكس أر 3
15/07/2007, 01:00 PM
صح لسانك اخي العزيز/ الرسن نعم ماذكرته كلام من ذهب سلمت يمينك ،،،
تحياتي
عبكري
15/07/2007, 01:07 PM
أخوي الرسن بارك الله فيك وكلامك طيب من رجال أطيب وهو عين العقل.

أخوي تركي بارك الله فيك ما أزود على كلام أخوي الرسن بشئ فهو وفى وكفى.
ثــــايـر
15/07/2007, 01:09 PM
اخي الغالي تركي بن عازب ..
موضوعك هذا لايدل الا على انك رجال طيب وابن حموله وماخذ الامور بطيب ومرجله وعزالله ان نيتك طيبه عسى الله يعطيك على قد نيتك ويستر عليك اللهم آآآآآآمين ..وانا شخصيا لو عندي اجازه كان خاويتك :)
عاشق سفر
15/07/2007, 07:12 PM
تركي بن عازب
يارجال علوم الرجال زينه وخوة الرجال تنشرا بس في هالوقت الخبيث ماخلى للطيب مكان
وتبي الصراحه عرضك هذا مرررروع بتقولي ليش اقولك انت ماسمعت شي عن مكافحة الارهاب
انت ماسمعت شي عن مكافحة المخدرات اعتقد انك طيب الى حد تبالغ فيه
ترا مايمنع الواحد يدور واحد من قرايبه من عصبته من اطراف ربعه زملاءه في العمل يعني لوبارت لخربت.
ياخ تركي لاتواخذني ترى الصراحة صابون القلوب
زمنا هذا مختلف في كل شيء المثل والقيم راحت في سوق الاسهم والله يكفينا شر القادم
معالسلامة وبالتوفيق



لا شلت يمينك وعز الله ان كلامك بمحله وكلامك والله انه موجود ع البال وانا من الناصحين دايم يارب لك الحمد بس تبغى الصدق اني غفلت عن هالنقاط واعوذ بالله من الشيطان...


الله يطول بعمرك في طاعته وصدقني إني راح أبذل الاسباب...


أنا ما أحب أكون متطرف وراح أقولك انت صادق السيء موجود والطيب النظيف موجود وما قول غير اذا في هالامر خير انه يكتب لي الشخص اللي افداه بدمي دامه يستاهل...

وان كان بالامر شر يصرفني عنه ويصرفه عني...



شاكر لك هالكلمات الاكثر من الرائعة والله العظيم مثل اللي كان نايم وصحى من غفلته...

الله يوفقك انت واولادك ويرزق ابوك وامك الجنة....
عاشق سفر
15/07/2007, 07:15 PM
صح لسانك اخي العزيز/ الرسن نعم ماذكرته كلام من ذهب سلمت يمينك ،،،
تحياتي



الله يطول بعمرك ويجمل حالك وصح لسانك اللي ينقط ذهب...
عاشق سفر
15/07/2007, 07:17 PM
أخوي الرسن بارك الله فيك وكلامك طيب من رجال أطيب وهو عين العقل.

أخوي تركي بارك الله فيك ما أزود على كلام أخوي الرسن بشئ فهو وفى وكفى.


الله يبارك فيك ووالله انك رجال طيب شروا هالرجال ونعم فيك...

وعز الله تأييدك بمحله وكفيت ووفيت والله ينور عليك دنيا واخره...
عاشق سفر
15/07/2007, 07:22 PM
اخي الغالي تركي بن عازب ..
موضوعك هذا لايدل الا على انك رجال طيب وابن حموله وماخذ الامور بطيب ومرجله وعزالله ان نيتك طيبه عسى الله يعطيك على قد نيتك ويستر عليك اللهم آآآآآآمين ..وانا شخصيا لو عندي اجازه كان خاويتك :)



شرواك الطيب والله يجمل حالك ويكثر عيالك ويطرح فيهم البركة ويستر عليك ويعطيك على نواياك الطيبة...


أما بالنسبة للاجازة لو حطيت براسك السفر ومخاواتي تقدر تدبرها بس الظاهر ماهناك صمله ههههههههههههههههه


والله ان خاويتني ما بتلقى الا علوم رجال وان شاء الله مايخيب فالك فيني ولا يخيب فالي فيك...


وان كان ظروف الاجازة محتمة عليك عدم السفر ماقول غير الله يطول بعمرك وييسر امورك بالدوام ويخلي مديرك بالدوام يدلعك دلع وتكون التوب بين الموظفين....


وسلامتك
alburkan
16/07/2007, 04:11 AM
اخي الغالي تركي بن عازب ..
موضوعك هذا لايدل الا على انك رجال طيب وابن حموله وماخذ الامور بطيب ومرجله وعزالله ان نيتك طيبه عسى الله يعطيك على قد نيتك ويستر عليك اللهم آآآآآآمين ..وانا شخصيا لو عندي اجازه كان خاويتك :)

عز الله تستاهل كل خير
عاشق سفر
17/07/2007, 05:08 AM
عز الله تستاهل كل خير




وانت بعد تستاهل كل خير...


الله يجمل حالك ويطول بعمرك
الرسن
17/07/2007, 01:00 PM
تركي بن عازب

اشكرك واشكر جميع الاخوان واتمنى لك الخوي اللي يبيض وجهك.

حياكم ومعالسلامة
برزان
17/07/2007, 01:16 PM
مأجمل هذا الكلام ومأجمل هذه الردود والله ييسر امرك وتروح وترجع بالسلامه
عاشق سفر
18/07/2007, 08:35 AM
تركي بن عازب

اشكرك واشكر جميع الاخوان واتمنى لك الخوي اللي يبيض وجهك.

حياكم ومعالسلامة


وجهك ابيض وجمل الله حالك والله يسلمك ويطول بعمرك
عاشق سفر
18/07/2007, 08:36 AM
مأجمل هذا الكلام ومأجمل هذه الردود والله ييسر امرك وتروح وترجع بالسلامه


والاجمل هو مرورك على الموضوع والله يوفقنا واياك
عاشق سفر
18/07/2007, 08:38 AM
لا زلت انتظر الخوي اللي ينحط على اليمين
ذيب المواجع
18/07/2007, 11:37 PM
هلا أخوي
تركي
الله يوفقك يا بعدي
عاشق سفر
19/07/2007, 06:39 AM
ذيب المواجع امين واياك يالغالي....


ولازلت انتظر الرفيق الموالي اللي ينحط على اليمين
مقام البدر
20/07/2007, 05:34 PM
السلام عليكم

اخوي تركي انا احتمال كبير اروح لصلاله بعد 10 ايام الى اسبوعين بس مع العايله مو معك http://www.up07.com/up3/uploads/1d56ac9b7c.gif (http://www.up07.com/up3/) ولا خوتك والنعم تنشرى

لكن عندي لك عرض ثاني انا توي شاري برادو ولابعد جربته وودي اشوف وش هو من لحيه بالبر

كان ودك تخاويني الليله للثمامه الساعه المباركه ارسل لي رقمك على الخاص علشان نتواعد http://www.up07.com/up3/uploads/8e410dec5e.gif (http://www.up07.com/up3/)

والكلام للجميع http://www.up07.com/up3/uploads/a8c2f54d17.gif (http://www.up07.com/up3/)
عاشق سفر
21/07/2007, 02:27 AM
السلام عليكم

اخوي تركي انا احتمال كبير اروح لصلاله بعد 10 ايام الى اسبوعين بس مع العايله مو معك http://www.up07.com/up3/uploads/1d56ac9b7c.gif (http://www.up07.com/up3/) ولا خوتك والنعم تنشرى

لكن عندي لك عرض ثاني انا توي شاري برادو ولابعد جربته وودي اشوف وش هو من لحيه بالبر

كان ودك تخاويني الليله للثمامه الساعه المباركه ارسل لي رقمك على الخاص علشان نتواعد http://www.up07.com/up3/uploads/8e410dec5e.gif (http://www.up07.com/up3/)

والكلام للجميع http://www.up07.com/up3/uploads/a8c2f54d17.gif (http://www.up07.com/up3/)



مساك الله بالخير يالغالي....

والله مافهمت قصد انت تقصد اخاويك الثمامة والا اخاويك بالبرادو لصلالة؟؟
بعد الفاصل
21/07/2007, 02:52 AM
ماقصرو مع الإخوه الإعزا والله يرزقك بواحد من ربع واصحابك الذين تثق فيهم وسأل قبل أن تسافر والله معك
عاشق سفر
22/07/2007, 01:05 PM
ماقصرو مع الإخوه الإعزا والله يرزقك بواحد من ربع واصحابك الذين تثق فيهم وسأل قبل أن تسافر والله معك


امين يالغالي ومشكور على مرورك ولا تخاف من ناحية السؤال ماني مقصر...



لازلت انتظر الخوي السنافي



يالله يالخوي ترى موعد السفر قررررررررب
جي اكس أر 3
22/07/2007, 01:23 PM
السلام عليكم
اخي العزيز والغالي / تركي بن عازب
خوه الرجال مثلك وشرواك ما تنعاف والاكن العين بصيره واليد قصيره
يشرفني خوتك ولاكن انتهت الاجازه؟
ولاكن عليك برفيق والخوي الطيب ولا تنسي نصايح اخوانك الله يجزاهم خير ويجعله في موازين حسناتهم ،،،،
تحياتي ،،،
عاشق سفر
26/07/2007, 10:29 PM
جي اكس آر 3

شرواك الطيب يالغالي وانا يشرفني خوة امثالك ومعذور طال عمرك وان شاء الله انها كانت اجازة سعيدة...

وسلامتك



ولااااااااااااازلت انتظر الخوي ؟؟



وين الخوي؟؟
عاشق سفر
27/07/2007, 08:38 PM
ويـــــــــــــــــــــــــــــــــــــن الخــــــــــــــــوي ؟؟
االديحاني
28/07/2007, 04:04 AM
عندي دوام والا كان اخاويك
عاشق سفر
28/07/2007, 09:50 PM
تسلم يالديحاني...

وننتظر الخوي
aboasem3
29/07/2007, 01:44 AM
السلام عليكم
اخوي تركي سلامات وش فيك مارديت على رسالتي التي على بريدك حق الماسنجر
وان شاء الله تلقى الخوي السنافي
معك أبو أسامه
بو بندر
29/07/2007, 06:59 AM
يا بن عازب وين رايح .... بيجوك ضيفان من قطر الى الطائف
عاشق سفر
29/07/2007, 01:02 PM
أبو أسامة ماجاني شيء على البريد....


بوبندر حياك الله يالغالي وانا موجود هالايام وماني محرك من الطائف لين ضيفاني يستانسون وياخذون راحتهم بالطائف وهاك الساع اذا جو ضيفاني معودين لقطر خاويتهم مع الخط لين ياصلون منفذ سلوى وانا برجع يمين واتجه للبطحاء ومنها للامارات ومنها لعمان....

بوبندر ياليت تضيفني على ايميلك يالغالي turki_14008@hotmail.com
aboasem3
30/07/2007, 02:47 AM
وانا اقول غريبه الرجال مارد على الرساله
اثاري سويد الوجه الهوتميل مضيعهم
ارسلتها الان مره اخرى على turki_14008@hotmail.com
وشكرا
أخوك / أبو أسامة
مخاوي قناص
30/07/2007, 03:02 AM
السلام عليكم اه انا اخوك لو عندي وقت كان خاويتك وخت الكمرى حقتي وجبت صور رحلت مخاوي وتركي لصلاله هههههههههههههههه
بو بندر
30/07/2007, 07:17 AM
مشكور ياتركي امزح معك ولو جيت الدوحه بتحصل لك اخو وهذا اميلي
jassim81@hotmail
ولوبغيت شي من قطر ابشرلا تجيب معك الى ثيابك
KABAYAN
30/07/2007, 01:33 PM
هلا بك اخوي تركي

الامارات ما بها الا الحر
لكن عندي لك راي اسمه تركي

اذا جيت للرياض طلع لك فيزة للهند و من بعدها اطلع الى الامارات و هناك الرحلات على كف وساق و تختار اي خطوط حتى اذا بغيت الباكستانية الله يحوم سبدها و اذا مالقيت اللي يناسبك فيه رحلات الى سيريلانكا و ماراح تندم على هذي الرحلة و سيارتك وقفها في اي برحه فيها مواقف للسيارات مجانية و اطلع للمطار بتاكسي عن الرسوم و التذاكر ارخص لك كثير اذا تفكر فيها من ناحية مادية

ارجوا اني اكون افدتك
عاشق سفر
30/07/2007, 02:09 PM
السلام عليكم اه انا اخوك لو عندي وقت كان خاويتك وخت الكمرى حقتي وجبت صور رحلت مخاوي وتركي لصلاله هههههههههههههههه


وعليكم السلام ورحمة الله وبركاته...

تسلم يالغالي...

عندك كاميرا زينه تسلفنيها؟؟ ههههههههه


يسلم راسك
عاشق سفر
30/07/2007, 02:14 PM
مشكور ياتركي امزح معك ولو جيت الدوحه بتحصل لك اخو وهذا اميلي
jassim81@hotmail
ولوبغيت شي من قطر ابشرلا تجيب معك الى ثيابك



هلا وحياك يبو بندر...

بالنسبة للدوحة والله لو الله كتب ورحت صلالة وانا راجع منها بمر الدوحة لجلك ولجل رجال شرواك هناك...

وتسلم طال عمرك
عاشق سفر
30/07/2007, 02:22 PM
هلا بك اخوي تركي

الامارات ما بها الا الحر
لكن عندي لك راي اسمه تركي

اذا جيت للرياض طلع لك فيزة للهند و من بعدها اطلع الى الامارات و هناك الرحلات على كف وساق و تختار اي خطوط حتى اذا بغيت الباكستانية الله يحوم سبدها و اذا مالقيت اللي يناسبك فيه رحلات الى سيريلانكا و ماراح تندم على هذي الرحلة و سيارتك وقفها في اي برحه فيها مواقف للسيارات مجانية و اطلع للمطار بتاكسي عن الرسوم و التذاكر ارخص لك كثير اذا تفكر فيها من ناحية مادية

ارجوا اني اكون افدتك


هلا وغلا والله...

بالنسبة للامارات والله انك صادق حررر وحتى عمان حررررر بس صلالة يختلف جوها طبعا...



هههههههه حلوة رأي اسمه تركي...


بالنسبة للفيزا اطلعها من هنا اسهل من الرياض...


من ناحية انه احرك من الطائف وجدة لين اوصل دبي واواصل من دبي طيارة والله انها صعبة...


اصلا مشواري هذا بيكلفني على اقل تقدير 800 ريال غير تعبي...


طيب ويوم نجي نحسب الفرق بيطلع كله الف ريال...

طيب يعني انا كسبت 200 ريال بس خسرت راحتي وتعبي,,,


بس والله انا عشان الحجز فقط لاغير

والله جالس افكر اني اخذها من البحرين...

وطبعا مو ناحية تفكير مادي لا والله...

بس قلت اروح الشرقية عند ربعن لي هناك وبعدها اسافر عن طريق البحرين..

واذا رجعت السعودية اجلس بالشرقية كم يوم وارجع...

الله يعين

والله انا جالس ادور هالحين لصلالة بس اذا مالقيت احد يخاويني ممكن اغير الوجهه مرة ثانية للهند...
قناص سدير 999
31/07/2007, 01:17 PM
صح لسانك اخي العزيز/ الرسن نعم ماذكرته كلام من ذهب