تكفون ...... رجه في الفتك

[ابو زياد السويلمي]

السلام عليكم .............
عندي سؤال لأهل الخبرة واصحاب الفتك ........... وهو : اشتريت فتك جديد والحين ماشي حوالي 1500 كم
بس فية رجه اذا صرت امشي على سرعة من 95 كم الى 110 كم , سألت واحد من الشباب معه فتك وقالي ان الرجة
هاذي طبيعية وان الوكالة راح يألفون قصص مثل ترصيص وعيب في الكفرات ويغيرونها ولكن تبقى المشكلة على
حالها ,والدليل ان سيارة ((صاحبنا)) فيها نفس الشي والوكالة غيروا كفراته وسوى ترصيص عند برجستون
ونفس المشكلة مازالت موجودة , اللي عنده خبر او علم عن المشكلة يفيدنا .
شكرا مقدما لكل مشاهد او مشارك في الموضوع ...........

[عاشق السيل]

أخوي الغالي ،،

بالضبط مثل ماقالك خويك ،،

هذي طبيعية جدا جدا جدا بأي باترول وإذا رحت ترصص يمكن تروح بس تأكد إنها تبي ترجع ثاني مرة والدليل إن جميع الورش لايمكن تعطيك ضمان بعد الترصيص (( بس للباترول )) ..

كلامي عن تجربة وتقبل مروري ....



http://www.m5zn.com/uploads/00ea3cfba5.bmp (http://www.m5zn.com/)

[الساهر2003]

السلام عليكم ورحمة الله وبركاته

للمعلومية ياشباب بالنسبة لهذا الموضوع فانا تعبت فيه كثير مع للاند بداية المشكلة كلت جروف قوية بالحيل ومن القوه ان الراكب الامامي كسر قزازة قدام ولما مشيت على القار واسرعة تجي رجه في البدي والمراتب تقل االموتر بردان ينتفض ورحت لميزان المجد واليرموك وبالعربي حفرت الصناعية كلها وفي الاخير خرطة الجنوط ثم رصصت ترصييص ارضي عند واحد اردني شكله فاهم وبعدها راحة الرجه ولله الحمد وكل ما غيرت الكفرات رصصت ترصصيص ارضي عنده 80 ريال ولله الحمد
واسف على الاطاله
والسلام عليكم ورحمة الله وبركاته
الرد منقول من الموضوع هذا
http://www.mekshat.com/vb/showthread.php?t=94688&page=2&pp=15
ممكن يفيدك هذا الموضوع

[أبو محمد2010]

الرجة حلة إنك تشتري مساعد دركسون إسترالي من الرماية وتركبة وبعدين تروح للعضيب يسون لك وزن و إن شاء الله أمورك تمام

[وقاااااد]

ياشباب الرجه شر لابد منه في الباترول والضاهر مالها حل انا مركب مساعد دركسون اصفر من الرمايه وخفت الرجه بس ماراحات والدركسون ثقل
ونصحوني الشباب بميزان الباديه بالصناعيه الداخليه يصلحون الرجه 100 % بحوالي 350 ريال يفكون الكفرات الأماميه ويصلحون الركب الخارجيه وتروح الرجه لمده شهر شهرين وترجع خفيفه
أعتذر عن الإطاله
تقبلو تحياتي

[سفاري نجد]

رح للوكاله اضمن لك ،،،

انا صارت معي وسويت ترصيص وضبط وكل 10 الف كيلو اعمل تبديل كفرات وترصيص ولا رجه ولا شي ،،،

وللمعلوميه الكفرات بالنسبه للسيارات الجديده تتأثر مع الوقوف المستمر بالمعارض ،،، ولد عمي معه جمس صار له نفس الشي

رجه وراح بدل كفرات على الضمان وراحت الرجه ،،،

تحياتي

[الثويرات]

احب اوضح لكم بخصوص مساعد الدركسون
المساعد حق البلد مربوط جهه منه في الذراع الي ماسك من الشاصي الى الدفرنس وكل جهه فيه فيها ربلات لمنع نقل الصوت والجهه الاخرى في ذراع ثاني ماسك بنفس جرم الركب من جهه الى جهه يعني اي فضاوه لوخفيفه بربل حق الذراعين بيسوي رجه لوتحط مساعد هيدروليك

والمساعد الي يرهم يربط بشاصي وفي الذراع
يعني الي يمسك الذراع هو المساعد الي يسانده الشاصي

يعني تركب مساعد استرالي وإلاغيره في مكان مساعد البلد ماينفع

فأنصح كل راعي باترول انه يرهمله مساعد ثاني لانه افضل من حق البلد وانا ماتكلمت الاعن خبره ..

( وكثر الهوى يساعد على الرجه )

[وقاااااد]

احب اوضح لكم بخصوص مساعد الدركسون
المساعد حق البلد مربوط جهه منه في الذراع الي ماسك من الشاصي الى الدفرنس وكل جهه فيه فيها ربلات لمنع نقل الصوت والجهه الاخرى في ذراع ثاني ماسك بنفس جرم الركب من جهه الى جهه يعني اي فضاوه لوخفيفه بربل حق الذراعين بيسوي رجه لوتحط مساعد هيدروليك

والمساعد الي يرهم يربط بشاصي وفي الذراع
يعني الي يمسك الذراع هو المساعد الي يسانده الشاصي

يعني تركب مساعد استرالي وإلاغيره في مكان مساعد البلد ماينفع

فأنصح كل راعي باترول انه يرهمله مساعد ثاني لانه افضل من حق البلد وانا ماتكلمت الاعن خبره ..

( وكثر الهوى يساعد على الرجه )



ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــ


كلام اخوي ثويرات 100% مال الرجه إلا هذا الحل انا جربته في سفاري 93 وراحت مره ولاكن المديلات الجديده ماأدري احد جربها ولالا
تقبل مروري