المساعد الشخصي الرقمي

مشاهدة النسخة كاملة : مشاكل في الباترول، ساعدوني في حلها


ابن عوسج
16/07/2007, 02:06 AM
السلام عليكم يا أعضاء مكشات الكرام

حتى لا أقع بين فكي العمالة الأجنبية والمحتالين منهم
قلت مالها إلا رجالها بيدلوني على أقصر الطرق للحل :

الموتر: باترول سفاري SGL
الموديل: 2000 م

المشكلة الأولى
صرفية البنزين غير معقولة
أعبي التانكيين تمام وما يمشيني إلا 500 مع الركادة والمسايس!!
أغلب الشباب يمشيهم حول 700 - 750 كلم
وش القصة؟

المشكلة الثانية
يوجد بعض الأحيان وبعد إيقاف الموتر بعد سفر صوت واضح في الكلتش أثناء الضغط عليه وعند التعشيق ورفع الرجل عن الكلتش يروح الصوت، تحصل في الريوس والأول والثاني .
وش العلم؟

المشكلة الثالثة
يوجد رشح زيت من صوفة الدبل، وبعض الأحيان أشوف بقعة مكان السيارة منها ، هل لها حل؟ وهل لها ضرر خصوصا وأني عايرت الزيت وما شفته ناقص ؟


الله يجزاكم خير ردوا علي ولا تسفهوني
ولمن أفادني الدعاء بالتوفيق والسعادة في الدارين

فمان الله
عبدالله الضويان
16/07/2007, 03:31 PM
اخوي ليش ماتوديه للوكاله وتسالهم ويعلمونك وش الاسباب وكم يكلف تصليحهم وان كان سعرهم معقول لاتتردد(عط الخباز خبزه لو كل نصفه)
احسن من بعض الورش اللي يتعلمون علينا وكلهم يدعون المعرفه مافيه احد منهم يقول ماعرف
والله يدلك على الاصلح
راعي كيف
17/07/2007, 08:27 AM
السلام عليكم
ودي اساعدك لكن وينك يابدوي جنوبي عجل علينا ( ماشاء الله علية ) مامن بعدة شور .

اخوك المحب راعي كيف
ابو ناصر
القرناس1
17/07/2007, 08:31 AM
السلام عليكم ورحمة الله وبركاته
بالنسبه للمشكله الاوله
البواجي ووزن الديلكو لها علاقه

المشكله الثانية
اكيد والعلم عند الله فحمة الكلتش وهذي نفس المشكله عندي وخصوصا في حال التغيير من نمره الى نمره لكنها خمات تجي وتروح وطبعا اذا بتغيرها يبيلك تنزل القير (انا عن نفسي سفهتها ) لين اشيك على الموتر مره وحده وللعلم اضرب فيه العروق واسحب فيه سيارات ولاشفت شر ولله الحمد

اما بالنسبه للمشكله الثالثه
فعلى قولتك صوف وماصوف واذا تقول انك تعاير ولا تلاقي شي ناقص فهذي زيوت زايده وهذي مشكلتنا يوم ننطل سياراتنا عند البنشري ونقوله شيك على كل شي ونمشي!!!

وخذها قاعده اخوي ( نقص الزيت ولا زوده)
رقبة حاشي
17/07/2007, 08:54 AM
السلام عليكم ورحمة الله وبركاته

\حل المشكله الاولى / وهي صرفية البنزين (اذا كان الموتر كربريتور فالحل تغييرالكربريتور بجديد ولا توضبه ابدا لانه مضيعه للوقت والمال و و ... ) قريب لي معه موديل قديم تقريبا موديل الـ 93 وتبهذل بهذله الى ان غيره بجديد ( تصور بعد ما غيره يمشي فيه من الرياض الى الرس وباقي فيه النص وعلى سرعه 160 كم والمكيف شغال )

اما اذا الموتر بخاخ فهناك عدة نقاط ترفع من الصرفيه منها على سبيل المثال لا الحصر /
* الكفرات اذا كبيره او ناقص هواها
* اذا انت رافع الموتر زياده عن الطبيعي
* اذا مروحة المكينه شابكه على طول
*اذا الديلكو متاخر
* حتى البواجي اذا قديمه
* تخيل اذا الشكمان غير نظيف (تفك الدبه وتنظف ) كل هذه الاسباب ترفع من الصرفيه

بالنسبة للصوت غسله بستم وجرب

وبالنسبه لترشيح الزيت خله الآن لاتسوي شي بس لاحظه كل فتره وفتره

ارجو ان اكون افدت ولو قليلا ..................
ابن عوسج
17/07/2007, 07:26 PM
الله يبيض وجيهكم يالمكشاتيين
قولوا آمين ما قصرتوا يا :

ابوالمها * راعي كيف * قرناس1 * رقبة حاشي



طيب ....
وش رايكم أدخله للوكالة يعطوني تقرير كامل مع إنه بيقعد عندهم حول ثلاثة أيام ويوزنون لي الديلكو مرة وحدة ؟
أو آخذ التقرير وأصلح المشكاكل برا الوكالة .

شاكر ومقدر لكم تفاعلكم يواليت الباقين من المكشاتيين الميكانيكيين يفيدوني ويفيدون كل نيساني

فمان الله
الشطي
16/08/2010, 06:48 AM
الله يعطيكم العافيه جميع انا معاي باترول 99 فيه مشكله كل شوي يطفأ اذا هديت عند اشاره او لفه ويطلَع صوت ضرب مع الشكمان والتشغيل مره صعب
التصليح
تغير كلبليتر 2000 ريال
وزن ديلكو
الكشف على البليتين سليم
البواجي جديده
النتيجه
مثل السطر الاول اعلاه(مافيه فايده)http://www.mekshat.com/vb/images/icons/icon9.gif

http://www.mekshat.com/vb/images/misc/progress.gif
الشطي
16/08/2010, 06:50 AM
الرجاء الردود بأسرع وقت
برايدوي عنيد
16/08/2010, 02:14 PM
هلابك اخوووي ......

طبعا الموتر كبليتر واذا فك صعبه يرجع زي اوول الا اذا كان اللي فكه فاااهم وهم قليل جدا .

اما بالنسبه للصوت اللي يطلع اذا كان من فحمه الكلتش فهي ماتضر ابد وقيمته رخيصه بالمقابل لشغل اليد من تنزيل قير , كان عندي موتر اذا راديته من 5 الى 3 تسمع صوت تحت رجلك قال ميكانيكي من الفحمه لايهمك.

الزيت اللي تلقاه ممكن الصوفه تبي تغيير , طبعا هذا ماتحس انه ناقص على طول لانه شي بسيط , ولازم تغيير الصوفتين اللي بين القير والدبل لانه جهتين.

اما بالنسبه للوكاله صح شغلهم زين لكن بعض الورشات شغلهم نظيف وياما زينوا شي مازينته الوكاله.

اذا انت ببريده عطيتك اسماءورشات شغلهم نظيف جدا

تقبل مروري .........
سفاري959
16/08/2010, 02:22 PM
لا تلعب في موترك ولا شي اذا كنت من الرياض رح لورشه ابو صالح التركي في الصناعيه القديمه سعودي ومتخصص باترول ما شاء الله عليه شغل ذمه واذا تبي وصف الورشه دق علي وابشر ولا تنسانا من دعواتك الصالحه هذا رقمي بعد اذن المشرفين 0554488959
بواسامه
16/08/2010, 02:37 PM
مشكور مشكور مشكور
hamido
16/08/2010, 02:51 PM
الله يعطيكم العافيه جميع انا معاي باترول 99 فيه مشكله كل شوي يطفأ اذا هديت عند اشاره او لفه ويطلَع صوت ضرب مع الشكمان والتشغيل مره صعب
التصليح
تغير كلبليتر 2000 ريال
وزن ديلكو
الكشف على البليتين سليم
البواجي جديده
النتيجه
مثل السطر الاول اعلاه(مافيه فايده)http://www.mekshat.com/vb/images/icons/icon9.gif


http://www.mekshat.com/vb/images/misc/progress.gif

اتوقع والعلم عند الله ان مشكلك من الكويل تاكد منه بتجريب واحد ثاني من سيارة واحد تعرفه
ناصر الدهمشي
16/08/2010, 02:53 PM
لمشكلة الأولى
سوله تصفيه كاملة ( تغير فلتر البانزين - بواجي اسلاك - عيار الديلكو - وشيك على طرمبة البانزين )

المشكلة الثانية
ماعندي علم فيها

المشكلة الثالثة
تشييك على الدبل والعيار مايبين عندك عدل

وان شاء الله انها مشاكل بسيطة ولا تضيق صدرك
جلاد الحباري
20/08/2010, 01:38 AM
الله يعطيكم العافيه جميع انا معاي باترول 99 فيه مشكله كل شوي يطفأ اذا هديت عند اشاره او لفه ويطلَع صوت ضرب مع الشكمان والتشغيل مره صعب
التصليح
تغير كلبليتر 2000 ريال
وزن ديلكو
الكشف على البليتين سليم
البواجي جديده
النتيجه
مثل السطر الاول اعلاه(مافيه فايده)http://www.mekshat.com/vb/images/icons/icon9.gif


http://www.mekshat.com/vb/images/misc/progress.gif


انا اقول وأحتمال ضعيف 1% شيك على بلوف المكينه يمكن فيه مشكلة بالوزن
ابوطاقية
20/08/2010, 02:39 AM
يا اخوان نصيحه لوجه الله الموتر من يبدا يطلب حاول تخلص منه باقل التكاليف بغض النظر عن نوعه ولاتنسي انه بالخدمه اكثر من 11 سنه خلاص
يعني الاخ الي دفع قيمة كلبليتر 2000 ريال وغيره من تصليحات بيوصل فوق خمسة الاف وهو مايدري نصيحه بعه وزده شوي دراهم وخذ موتر يغنيك عن التصليحات ويوفرلك الجهد والمال
التعـ King ـديل
20/08/2010, 04:35 AM
حل المشكله الاولى
تسوي تصفيه مكينه كامله وتغير القطع الاستهلاكيه
وتركب فرارات برازيليه
المشكله الثانيه طالما التغيرات مافيها ثقل عادي ولكن اذا حسيت بالتغيرات اي ثقل معناتها الكلتش بدا يودع
الثالثه شيك على الصوف حقت الدفرنس والمكينه اذا مشى الموتر اكثر من 4000 كيلو بنفس الزيت
وغالبا الصوفه رخيصه مب غاليه
اهل الردات
20/08/2010, 05:24 AM
خخخخخخخخخخ خل تفعكم نيسان ههههههههههه
أبووليد..
20/08/2010, 05:29 AM
بالنسبه للصرفيه هل انت رافع وجهيه السياره .. ؟
التعـ King ـديل
20/08/2010, 05:38 AM
خخخخخخخخخخ خل تفعكم نيسان ههههههههههه

سبحان الله عقليات حقوده لا اكثر

بدل ماتعطيه نصيحه جاي تقول هالكلام
RW7..ALBDAWA
28/12/2011, 01:44 PM
والله ونآ اخوك انآ مغير الديلكو حقي ومركب ديلكو الكتروني مع الكويل ومركب كربريتر جديد ومركب فرآر برآزيلي ومغير البواجي والاسلاك وصفآيه البنزين وطرمبـه وكل وكل وكل شي يخطر ببآلك مغيره مـآشاء الله و مع ذآلك اروح من الريآض اعبي فل اوصل للخبر الا وهو فآآآآآآآآآآآآآآآآآآآآآآآآآآآآآآآآآآآآآآضي مآبه ولا نقطه يعني تقدر تقول 400 كيلو بس امآ انت احمد ربك انه يوديـك 500 مع ذآلك سرعتي 150