حرارة الباترول اذا صار المكيف شغال والسيارة واقفة و اللقلقة في السيارة ؟؟

[ابواسامه 2007]

ياخوان عندي مشكلة في حرارة الباترول اذا صار المكيف شغال وانا امشي تكون الحرارة على الربع او تحت (طبيعية) لكن اذا وقفت عشر دقايق ترتفع الحراره بشكل ملحوظ وتوصل النص برأيكم وش الحل .

وعندي اللقلقة في السياره وش علاجها وهل تؤثر على السيارة على المدى البعيد ؟

[ابوشجاع911]

اول شي انت ماذكرت موديل السيارة وهو ضروري

ثانيا ترا بيجيك ناس هنا يقولون لك فك بلف الحراره (المويه) وهذه من اكبر الجرائم التي ترتكب بحق السيارة فانصحك بعدم فكه نهائيا اما استبداله فهو مطلوب اذا تبين من الفحص انه عطلان

ثالثا من خبرتي في النيسان ان السبب هو اتوماتيك المروحة غيره وجرب؟ ....................

[ابونايف الروقي]

السلام عليكم



انا معي باترول 98 سوبر سفاري كانت حرارته توصل فوق الربع شوي وسويت له صيانه والحمد لله زي الورد والصيانه هي :



1- تسييخ راديتر 150 ريال . لان ممرات المويه في الراديتر تكون صغيره معرضه للانسداد والتسييخ يفتح الممرات . <<< ضروري

2- فك القربه حقت المويه ونظفها بمادة الاسيد لانه يذيب حميع الاوساخ المتراكمه فيها ونظف ((الخرطوش ))الاسود الصغير الي رايح لها من الراديتر حق التفريغ . <<<هذي مجانا مع التسييخ .

3- غير المويه حقت الراديتر ونصيحة اخ لا تاخذ اي سي ديلكو لانها مخلوط معها زيت وهي خاصه للسيارات الامريكيه .. عند موية تويوتا الحمراء وسعرها 30 ريال واخلطها بمويه مقطره وسعرها 2 ريال (( يكفي جيك من المويه الحمراء و6 علب مويه مقطره )) <<< انت مغير المويه مغيرها مع التسييخ لان المويه القديمه يكون فيها اوساخ .

4-غيرت البلف حق الحراره جديد من الوكاله قيمتة 65 ريال ولا تشيله <<< انا افضل تغييره لانه لو كان فيه اي خلل لو بسيط يرفع الحراره .

5- شيك على جميع الخراطيش من ناحية التسربات <<<< مجانا

6- شيك على المراوح وعلى تماتيك المروحه .. والطريقه لف المروحه بيدك اذا استمرت في الدوران عندك التماتيك فيه خلل واذا لفيتها ولفت ووقفت انشاء الله مضبوطه ..

7- نصيحة اخ لا تروح للوكاله لان سعر هذي الاشياء الي ذكرتها تقريبا 260 ريال والوكاله 1200 ريال ما تكفيهم .. والشغل واحد .

وسامحنا في القصور وهذا مجرد اجتهاد ....

[قصرصالح البديوي]

السلام عليكم

عزيزي أبو اسامة
واضح ان المشكلة في الرديتر أو المروحه فقط بإذن الله أما البلف فهو سليم (لأنك تقول إذا مشيت الحراره على الربع فهذا معناه إن بلف الحراره سليم ) .
إذا المروحه ثابته وتقيله شوي فهي سليمة . يعني صيخ الرديتر فقط واحرص على الماء الاصلي مع خلطه بما مقطر ترى الكرتون 8 ريال فيه 12 = 1.5

والله ولي التوفيق

[ابونايف الروقي]

السلام عليكم

اضافه بلف الحراره حق الباترول 2002 وفوق ما يركب على 98 انا اشتريته ورجعته لانه اكبر حجمه والاثنين تفتح على درجة
و 76.5 درجه

[المميـز]

اانا قبل فتره كانت ترتفع عندي الحراره عند الوقوف اكثر من 10 دقايق

واكتشفت المشكله

وكانت

المروحه الثانيه حقت التبريد ماتشتغل وكان بس وحده اللي تشتغل

وبعد الفحص على الثانيه طلعت المشكله بالفيوز بس ولله الحمد وتم تغييره والان الحراره حلوه ولله الحمد


شيك على مراوح التبريد

وماتشوف شر ان شاء الله ^_^

[ذيب صعافيق]

واضح ان المشكلة في الرديتر أو المروحه فقط بإذن الله أما البلف فهو سليم (لأنك تقول إذا مشيت الحراره على الربع فهذا معناه إن بلف الحراره سليم ) .
إذا المروحه ثابته وتقيله شوي فهي سليمة . يعني صيخ الرديتر فقط واحرص على الماء الاصلي مع خلطه بما مقطر ترى الكرتون 8 ريال فيه 12 = 1.5

والله ولي التوفيق :no2: انا رأيي وحسب خبرتي -35-سنه ان الحراره إذا كانت ترتفع ولكن تقف عند مكان محدد فإنه لا تظر أبد اكرر _تقف عند مكان محدد_:hot: وخاصه في الصيف فلاتخسر نفسك :redcar: :bounce: وإذا ارت تنظيف الاديتر فك الصره اللي اسفل الاديتر حتى ينتهي الماء اغلق الصره وصب قارورة -كرولكس-الاصلي-3لتر-ثم أملا الاديترماء من البيت ثم شغل السيارة ربع ساعه مع زيادة السرعه قليل ثم فرغ الماء وصب مكانه ماء الوكاله الاحمر +ماء مقطر :heart:

[ابواسامه 2007]

ألف ألف شكر لجميع من شارك في الموضوع وبصراحة مداخلاتكم اثلجت صدري وتجاربكم راح احطها في عين الأعتبار وهذا التفاعل اللي يبرد الكبد بصراحة ان عاجز عن الشكر ....وراح ابداء بتسييخ الرديتر واشيك على مراوح التبريد وان شاء الله خير .

اشكر كل من شاركني وادلى بدلوه فلكم كل التقدير اخواني ....

ابوشجاع911
اعتقد ان التماتيك شغال لأن المروحه تشتغل والدليل اذا مشيت انخفظت الحرارة .تحياتي لك

P52
راح اشوف الرديتر واشيك على اللي ذكرت والله يكتب اللي فيه خير . لك صادق الأحترام

المميز
مثل ما ذكرت اول المروحه تشتغل والحرارة طبيعية اثنا المشي ولكن راح اشيك على التماتيك ووضع المروحتين . تقبل خالص التحية

ذيب صعافيق تعتقد ان هذي الطريقه تغني عن تسييخ الرديتر عند الفني والا التسييخ اضمن .تقبل تحياتي وتقديري .

[أبو_خالد]

أدري الموضوع قديم لكن لا بأس
بالررررررد


حبيبي لا تعب حالك
معي باترول 2001

مثل مشكلتك بالضبط يحتر إذا وقفت فقط

غيرت طرمبة الماء
فكيت البلف
الراديتر جديد ومع ذلك صيخته
الزيت تمام التمام وكذلك السيور والمراوح

ومع ذلك لا يزال يحتر إذا وقف!!!

[ahmad995]

تاكد من راس المكينه قبل تركب اي شي

[داود الحمد]

اخوي اسمع نصحيتي وعن تجربه مع احترامي لكلام الاخوه الافاضل جميعا
قبل كل شي شيك على المراوح الخارجيه الثنين هن يشتغلن تمام والا لا
لانه كان عندي نفس المشكله وصارت وحده عطلانه ووحده تشتغل نفس كلام اخوي المميز
نصيحة وانا اخوك شيك تكفى قبل تسوي اي شي

[مآإآإآجد]

اخوي اسمع نصحيتي وعن تجربه مع احترامي لكلام الاخوه الافاضل جميعا
قبل كل شي شيك على المراوح الخارجيه الثنين هن يشتغلن تمام والا لا
لانه كان عندي نفس المشكله وصارت وحده عطلانه ووحده تشتغل نفس كلام اخوي المميز
نصيحة وانا اخوك شيك تكفى قبل تسوي اي شي

:good2:

نصيحه مابعدها شي

[فرخ شوزن]

غير الرديتر بواحد اصلي
وراح تدعيلي

[kings.1998]

ياخوان عندي مشكلة في حرارة الباترول اذا صار المكيف شغال وانا امشي تكون الحرارة على الربع او تحت (طبيعية) لكن اذا وقفت عشر دقايق ترتفع الحراره بشكل ملحوظ وتوصل النص برأيكم وش الحل .




وعندي اللقلقة في السياره وش علاجها وهل تؤثر على السيارة على المدى البعيد ؟

يا الغالي انا ماكنت مسجل ولا كنت ناوي اسجل لاكن عشانك والله سجلت اخوي والله ان ماشكلت موترك تماتيك المروحه انا كانت ترتفع اذا وقفت واذا مشيت رجعت المشكله كتالي اذا كان الموتر ماشي الهواء يدخل ويساعد على التبريد على المكينه واذا وقفت مافيه هواء يدخل على المكينه زي ماكنت ماشي وتماتيك المروحه مايشتغل كويس اذا كان يشتغل يطلع له صوت حنه عاليه هاذا اذا كان كويس اما انت ما يشتغل عندك ابد والله انا متأكد

[وعيد]

شكرا لرجالات مكشات ماشاء الله اي بحث اكثر مايطلع مكشات الوفي باعضاءه
انا عندي نفس المشكلة حصلت وانا مسافر وقفت اخذ اغراض من البقالة وارجع والقى الحرارة فوق النص وشكلها مرعب صراحه واحط رجلي امشي بالسيارة تصدقون خلال دقيقه نزلت اقل من الربع بل مشيت 150 مع المكيف وهي الربع
وحصلت امس وقفت اشتري داخل البلد وارجع والقاها فوق النص مشيت ونزلت الربع بل اقل
وترا كل المراوح الي قدام شغلات الي على الكهرب مااجري وش السبب ممكن الافادة ياخوان

[sultan911]

شكرا لرجالات مكشات ماشاء الله اي بحث اكثر مايطلع مكشات الوفي باعضاءه
انا عندي نفس المشكلة حصلت وانا مسافر وقفت اخذ اغراض من البقالة وارجع والقى الحرارة فوق النص وشكلها مرعب صراحه واحط رجلي امشي بالسيارة تصدقون خلال دقيقه نزلت اقل من الربع بل مشيت 150 مع المكيف وهي الربع
وحصلت امس وقفت اشتري داخل البلد وارجع والقاها فوق النص مشيت ونزلت الربع بل اقل
وترا كل المراوح الي قدام شغلات الي على الكهرب مااجري وش السبب ممكن الافادة ياخوان
اذا سيارتك فيها مروحه على المكينه يعني يوجد كلتش مروحه يكون هوالسبب حتى لو كان ثقيل عندما تدوره بيدك صارت معي وقلت اكيد هذا المشكله ماهي من الكلتش ومريت واحد قلت ابسيخ الاديتر عنده جزاه الله خير شاف الماء حق الاديتر وقال نظيف مايحتاج تغيير وشاف كلتش المروحه وقال غيره قلت هو كويس قال صحيح انه كويس الحين اذا صارت السياره بارده بس بعد ماتحمى السياره ويحتر يضعف وغيرته وطلع كلامه صحيح ماتطلع الحراره اذا وقفت

[(ابو عبدالله)]

اخي العزيز
افضل شي انك تركب لك مراوح كهربائيه حقة سبارو وتريح راسك

[سفاري959]

غير الرديتر بواحد اصلي


وراح تدعيلي


هذا الكلام اللي ما بعده انا جربت السيارات الجديده ما ينفع التسييخ شيك على مراوح التبريد وغير اديتر جديد بس نظف السلندر قبل وراح تنسى الحراره باذن الله

[وعيد]

اذا سيارتك فيها مروحه على المكينه يعني يوجد كلتش مروحه يكون هوالسبب حتى لو كان ثقيل عندما تدوره بيدك صارت معي وقلت اكيد هذا المشكله ماهي من الكلتش ومريت واحد قلت ابسيخ الاديتر عنده جزاه الله خير شاف الماء حق الاديتر وقال نظيف مايحتاج تغيير وشاف كلتش المروحه وقال غيره قلت هو كويس قال صحيح انه كويس الحين اذا صارت السياره بارده بس بعد ماتحمى السياره ويحتر يضعف وغيرته وطلع كلامه صحيح ماتطلع الحراره اذا وقفت
الله يجزاك خير انا لقيت احد المراوح الاماميه ماتشتغل طافيه وحركت السلك واشتغلت ابي اشوف واذا استمرت ابي اغير اكلتش

[راعي ضياع]

نصيحه اول شي غير لديتر الوكاله

وثاني شي غير كلج المروحه

وثالث شي ركب مروحه كهربائيه 4واير مكان مروحة المكيف

روح ولا تشوف الحراره مووووول

[ابويارا1001]

شيك على كاور المروحة

وتاكد انه سليم وما فيه اي مشكلة

اذا موترك تحت 98 ترى الكاور له قطعة ترب تحت المروحة هذي ضرورية

عانيت في موتري وخسرت كثير وطلعت المشكلة الكاور حق المروحة ما يحكم الهواء


وبالتوفيق

[معدني]

السلام عليكم ورحمة الله
انا عندي باترول 99
ونفس المشكله تحصل احيان معي
مع العلم ان كل المراوح تمام
لفت انتباهي شغله ماتهم كثير الا اني اشك انها سبب هالمشكله وهي الهوايه والفتحات علي جانب المكينه من ناحيه الكفرات الاماميه اذا الربلات طايحه هل لها تاثير
وشكرا

[abo naser 1]

السلام عليكم ورحمة الله
انا عندي باترول 99
ونفس المشكله تحصل احيان معي
مع العلم ان كل المراوح تمام
لفت انتباهي شغله ماتهم كثير الا اني اشك انها سبب هالمشكله وهي الهوايه والفتحات علي جانب المكينه من ناحيه الكفرات الاماميه اذا الربلات طايحه هل لها تاثير
وشكرا
الحرارة عند التوقف مع التكييف اذا المراوح كلها شغالة
1/ طرمبة الماء متأكلة
2/ تماتيك المروحة الميكانيكية ضعيف
3/ تسييخ الاديتر

لقلقة البلوف تسمعها مع الحر بالصيف حتى اذا كانت حرارته تحت الربع في الشتاء تختفي

الموضوع قديم ﻻكن قد يستفيد من الاخوة خصوصا بدخول الصيف وصيانة دورة الماء