ليتات الدبل في اليوكن حمر

[سرداح]

السلام عليكم ورحمة الله وبركاته


اخواني الاعزاء اخوي عنده يوكن 2004

وساعات نور حمر يظهر عنده في الدبل مكان حرف N وهو يمشي عادي يرجع اللون الاصفر على ال H2 يعني طبيعي

ويقول ماهو مبين على الموتر اختلاف في المشي ابد وايضا بعد ماصارت عنده طلع للبر واستخدم الدبل واشتغل معه عادي

بس هو خايف لايوهقه الموتر وهو في البر ثم يبلش لان تشكيل النور لازال مستمر معاه

ارجو اللي يعرف شي عن العله ذي انه لايبخل بالرد وجزاه الله خير

[alkongrs]

هاذي صارت لخوي وداه للوكاله كلوله عندك الكمبيوتر خربان كله يروح يشيك عليه وان شالله يطلع كلامي محله

[سرداح]

لاااااااااا تقول روعتنا ياولد العمده كمبيوتر مره وحده يعني كم بيكلفه كمبيوتر الفين ثلاثة الله يعين ابو محمد

الله لايهينك يابعدي لو تسأل خويك كم تكلفة الشغله من - الى .

يحفظك الله

[هاوي الله]

ممكن والظاهر إنه حساس الدبل والله أعلم

[سرداح]

يالله الخيره والله هونتها شوي ياهاوي الله الله يهون عليك

شكل ذا الحساس اهون شوي بس وين يجي محله فيه وبعدين اهم شي كم يكلف اصلاحه

خل نشوف يمدينا نطلع من السلف التلف ههههههه نتف ريشي ابو محمد ههههههه

لاعدمتكم

[هاوي الله]

تبي حساس الدبل = إبحث عنه وبلتقاه إنشاءالله .... رح إلى أقرب ورشه مختصه ويعلمونك بمحله .

[سرداح]

بل بل مايتحاكا هاوي...... نار وبارود ياكافي هههههههههه

ياخوي كلامك عل العين والراس ولو على روحة الوكاله او الورش كان منذ مبطي بس مثلك عارف لو يقولون السبب من الرادو وسعره كذا قلنا سمو

ودربينا رويساتنا معهم ولكن حنا هنا نتبادل الخبرات والمعارف من بعض ونستفيد الله يحفظك

هاه ياشباب هل من حلول اخرى للمشكله ذي ( وكم تكلفة ) اصلاحها

[مغلي]

اقراء في الكتلوج وبتلاقي الحل

انا قريت فيه واذكر اني شفت صفحات عن هذا الكلام بس اي صفحه ماني فاكر

[abunaser]

السلام عليكم
عندي يوكن 2005 ولاحظت لخبطه في لمبات الدبل ثم صار القير يفضي احيانا ورحت لورشة عبد الرحمن الجميح وفحصوه بالكمبيوتر وقالو يحتاج توضيب الدبل وتغيير حساس الدبل فطلبت منهم تغيير حساس الدبل فقط
وكلفني 900 ريال (أجور اليد + ثمن الحساس ) واتوقع عند غيرهم ارخص . مع العلم ان سعر الحساس 400 ريال .
والحمدلله ضبط معي تماما وماحتاج للتوضيب . ولذلك الواحد لازم ينتبه ولايستعجل وايضا يشاور اكثر من ورشه والله يسهل علينا وعليك .
اخوكم ابو ناصر