المساعد الشخصي الرقمي

مشاهدة النسخة كاملة : فزعة يا إخوان ( أريد ونش وشاشة سيدي للاند كروزرgxr أفيدوني جزاكم الله خير. أبو الحارث


أبو الحارث 4
17/07/2007, 02:01 PM
إخواني في المنتدى آمل إفادتي بالآتي
1- سعر ونش لاندكروزر من التشليح جديد كم سعره وهل يناسب سيارتي 2007لأنها لم تهيأ لذلك.
2- أريد شاشة سيدي في السيارة المذكورة وأفضل الأنواع ذات السعر المعقول ومن أفضل من يبيعه ويجيد تركيبه.
أنا بحاجة إلى رأيكم الذي هو محل تقديري وشكري أخوكم أبو الحارث.الرياض
البيـرق
17/07/2007, 03:20 PM
قواك الله اخوي ابو الحارث بيننا اخو وعزيز...........

بالنسبة للونش انا قد ركبت واحد على موتري من قبل واضطريت اشق الصدام........عشان فتحة الونش

نصيحتي لك اشتر صدام حق ونش وركبه يطلع مظبوط.....لان ان شقيت الصدام مايطلع مظبوط وينزل سعر الموترعند البيع.......

قيمته في التشليح للنظيف مابين ال2000 الى 3500 ان كان جديد.....بس تأكد انها تكون مع قاعدتها........


وبالنسبة للشاشة ان كان قصدك الي في نفس الطبلون فأنصحك ب جي في سي....بس عيبها مافيها تلفزيون....

بس هي احسن الموجود في السوق واكثر عملية...............قيمتها بالغرابي حول ال2350ريال.....والله يوفقك

تحياتي لك اخوك

البيرق.............ابو ناصر
عاشق السيل
17/07/2007, 03:21 PM
حياك الله أبو الحارث ،،

كل ماتريده موجود بالغرابي ،، حتى لو كنت خارج الرياض أنصحك تمر الغرابي وتاخذ معك حدى هالنشاما اللي يبخص هالأمور وتاخذون لفة على الغرابي وتشوف الأسعار والأنواع لأنها كثيرة ،،

وبالنسبة للشاشة خذ نصيحتي ولاتركب اللي تجي بالسقف ترى مشاكلها كثيرة والأفضل إنك تركب اللي على المراتب ( خلف الراس ) أغلى شوي بس أفضلك بكثيييير واسأل مجرب ،، والله يوفقك

تقبل مروري يالغالي ....




http://www.m5zn.com/uploads/00ea3cfba5.bmp (http://www.m5zn.com/)
هاوي الله
17/07/2007, 04:46 PM
بالنسبه للشاشه .... فيه نوع يكون ثابت ... يعني يصير في مكان المسجل ... المهم مر العليان اللي على طريق خريص وتشوفها .

مواصفات الشاشه المذكوره = TV بث أرضي + CD( مع مشغل تلقائي ) + نظام GPS عربي ( نفس الجارمن 276c بالضبط)+كاميرا خلفيه عند الرجوع بالسياره إلى الخلف .... ويمكن فيه مواصفات زياده ولكني ناسيها , الله أعلم .

بالنسبه لي = عيبها الوحيد فقط, إن أزرارها في نفس الشاشه يعني عن طريق اللمس ... وانا لاارغب هذه النوعيه لهذا السبب , ويمكن إنها ممتازه يعني تكد وتمد ,الله أعلم .
هذا كل اللي عندي .. تحياتي ,,

موفق,,
أبو الحارث 4
18/07/2007, 02:08 PM
الإخوة الفضلاء ( البيرق ) و ( عاشق السيل ) و ( هاوي الله ) أشكركم على المرور والتكرم علي بهذه الفوائد جعل الله ذلك في ميزان حسناتكم أخوكم أبو الحارث.
عندك يابعدي
18/07/2007, 02:28 PM
اخوي الغلا كله :خلك من هالحركات الشبابية واذا تبي شوري لاتركب الشاشة الي بالسقف تراى مشاكلها كثيرة ولنا معك لقاء اخر ابين لك الأفضل والأنسب والأرخص والأحلى والأصفى
ابو شكاع
18/07/2007, 03:32 PM
بالنسبة للونش أخوي ماعندي خبر

بالنسبة للشاشة الـ LCD أنا موصي على وحدة من الإمارات ...وإن شاء الله أجربها وأعطيكم فكرة عنها ..وإحتمال أجيب معي كميات من هناك وأبيع ;)
لأن مواصفاتها حلوة
أبو الحارث 4
19/07/2007, 12:56 PM
عندك يابعدي السلام عليكم ونور مكشات بوجودك يابعدي لكن متى تبين لي الأفضل والأنسب والأرخص والأحلى والأصفى؟ يابعدي؟ أبو الحارث
عندك يابعدي
19/07/2007, 02:43 PM
عندك يابعدي السلام عليكم ونور مكشات بوجودك يابعدي لكن متى تبين لي الأفضل والأنسب والأرخص والأحلى والأصفى؟ يابعدي؟ أبو الحارث
اذا انا ركبت شاشة باليوكون حقي 2007 علمتك علشان تصير التجربة بسيارتي يالغالي