ومازالت الكوارث تتكرر في شوارعنا الحبيبة

[شبح الموت]

بسم الله الرحمن الرحيم

حياكم الله ....

الصراحة مسيكين راعي الموتر توه جديد

كان عنده نيه يوقف لأحد المحلات

وكانت فيه ماصوره منكسره تحت الأرض وطبعا تحت الاسفلت صار طين

وهو يوقف ..... !!

http://www.l22l.com/l22l-up-1/08a3c28971.jpg

http://www.l22l.com/l22l-up-1/95631eae17.jpg

http://www.l22l.com/l22l-up-1/bd3011d346.jpg

والله يعوض على راعي الموتر

[عقيد الخيل]

الله يعوض راعيه خير......

وبصراحة لازم يشوفون حل لهذه المواصير كل كم يوم طايح موتر.....وعساهم يعوضونهم؟؟؟

ما اظن..............

[.أبوعبدالرحمن]

والله من جد


كلامك صحيح اخوي جلابص

[غضنفر]

الله يعوض راعيه
اتوقع مثل هذه الحادثة يشملها التأمين
ولو ينشب راعي الموتر لشركة التأمين
ويوصل القضية للمحكمة
صح انها بتطول القضية
لكن
اتوقع القاضي بيتعاون معه وبياخذ حقه

[شبح الموت]

يعطيكم العافيه على المرور

وان شاء الله يشمله التامين

[راعي الهـــدد]

الله يعوض راعيه خير......

وبصراحة لازم يشوفون حل لهذه المواصير كل كم يوم طايح موتر.....وعساهم يعوضونهم؟؟؟

ما اظن..............




جلابص وش مسلطك علي ضحكت الين ديورت وخذت اللفة غلط هههه

اقول

والله لو يحفر ويدفن مايعوضونه بشي

اقصد البلا والأذية (( البلدية ))

حقيقة مانشاهده في شوارعنا مهزلة والله كل يوم شاقين الشوارع

وكل يوم دافنين

اعطيك مثال

انا ساكن بحي من احياء الرياض وحي معروف

فيه شارع عام وكبير ورئيسي ومغذي للحي بأكمله ومع ذلك كل يوم تشوفهم ياحفرينه يا ارصفة يابلا والا جلى

وعقب كم يوم محفور ثانية وعقب فتره مدفونة الحفرية

وعقب كم يوم مسفلت الشارع بأحسن شي

ماودك الا تفرش زوليتك على هالسفلت الجديد وتقهوى شاهيك عقب العصر عليه ههههه

ثم ماتآخذ يومين بالكثير من سفلتته الا وجايينك وشاقين ابوه شق

تقول ليه ..... ؟؟؟؟

يقولون مشاريع كذا وكذا هههههه هههههههاي ياهوووههههاااي يااااااااااااااااااااااااك ياقلبيييييييييه (( ترى من حر مافيني لاتشرهون يالربع ))

طيب وينكم قبل مايسفلت بشوي .... ؟؟؟؟

ليش ماجيتو وصلحتو كل شي ثم يسفلت بعد

لالالالا

الدعوى ومافيها فيه هوامير مابعد اشبعو لازم ينالهم نصيب شوي ويجون ويسفلتون من جديد

يعنبوكم خافو الله خافو الله

اخلصو اشبعو يكفي اكل درآهم تعبنا نصيح

هاه وش ذنب هالمسيكين الي راح موتره بالطين والماء

وهل ستتحمل البلا والأذية (( البلدية )) تكلفة الإصلاح

اقول الله يعين المرارة بتنفقع

ولاة الأمر يصلحون ويعدلون ويدفعون على مشاريع

وفيه حرامية تسرق من تحت لتحت

اقول الله يعين وبس

[أبوأسامة]

قدر الله وما شاء فعل
الحمد لله على قضائه وقدره

[حطاااااب]

السلام عليكم ورحمة الله وبركاته
لا حول ولا قوه الا بالله
الله يعوضه خير