يا هل النجر والدلال وباقي المعاميل ادخلوا...

[الدبل الثقيل]

السلام عليكم ورحمة الله وبركاته.......
الله يحييكم ويشنى شانيكم..... اقلطوا....
ياربعنا نبغى كل واحد يعطينا اللي عنده من المعرفة عن الدلال وافضلها هل البغدادية او الرسلان او السورية (ترى ماني بخيص)و وين احصلها في الرياض اوالقصيم او حايل وكم اسعارها وايظاً اللي يصنعون الدلال في بريدة كيف دلالهم واسعارهم و وين الأفضل...
وايظاً فناجيل القهوة والشاهي وبراريد الشاهي انواعها وافضلها
والبن والهيل والشاهي... يعني نبغى موضوع متكامل عن كيف النشامى... يانشامى
المعذرة عن الاطالة... وجزاكم الله خير... وهذي ابيات في القهوة لمحمد بن مشعي الدوسري..

البن هو الكيف مع شبة النار وباقي الشراب اللي يقولون ... خله
ياما حلا بالبيت مسير وخطار البن الأشقر لاتباغش بدله
في مجلسٍ به الرسلان صفن اسطار من خمرته لين لقمته لامزله
وقنادها من معدنه زرعٍ يبار وهيلٍ خضر مايقطع الا بحله
وخطوات يوم ذكروه بمسمار بعض العرب يحبه وهوجه يزله
يطرد خوا راس المولع اليا فار في مجلسٍ من راوده ما يمله
واليا حمسته ريحته توقف المار والباب مفتوح وكلٍ يدله
بن اليمن يشرى ولو غالي اسعار آخير من كيفٍ يجي منه عله

وسلامتكم..............

[أيمن]

موضوع جميل ..
وياليت من الجميع إبداء آراءهم وتجاربهم، ولنا عودة بمشيئة الله ..

تحيتي

[ابو عمر اللاحم]

بالنسبة للدلال احسن شئ هي دلة رسلان القديمه. وهذا شئ معروف، ولاكن قليل ماتوجد للبيع الا اذا كان في سوق الديرة بالرياض واضنه غالية الثمن قد يصل سعرها الى الـ 500 ريال للدلة الواحدة.

ومن مميزات هذه الدلة ان القهوة لا تتغير فيها لا اللون ولا الطعم اذا وضعتها بجنب الجمر ولوجلست يوم كامل .
واما بالنسبة للفناجيل ما فيه مثل فنجال السيف .

تحياتي ،،،،

[هلكس]

السلام عليكم ..

ليس لدي اي علم على شان افيدكم فيه

بس انشاء الله يجون النشامى ويعطونا من خبرتهم شوي

[الدبل الثقيل]

السلام عليكم ورحمة الله وبركاته...
ياربعنا وش هذا الكلام 40 يقرون الموضوع ولا يردون ولو معلومة بسيطة من امك او جدتك او جدك......

[الشيخ]

السلام عليكم ورحمة الله وبركاته

بالنسبة للدلال من رايي الشخصي دلال السيف هي الافضل وتجي بعدها دلال رسلان
اما براريد الشاهي ما في فرق بينهم لان الفرق يجي من ورق الشاهي الي تستعمله
وللتجربة لا تزل السكر في البراد خله برا يطلع الشاهي افضل لان السكر يعقد بالحرارة واذا تأخر خرب الشاهي اما الشاهي الي ما يخالطه سكر فهو يعطيك طعم اطيب وحتى لو تأخر ما يخرب الطعم

اما الفناجيل والبيالات افضل ماركة هي السيف ايضا ولهم شنطة بلاستيك عليها اسم السيف بعد ممتازة جداه تشيل 24 بيالة و12 فنجال واعتقد تلقاها عند محلات المكاشيت سعرها تقريبا 30 ريال