ليش يطفى موتري براس الطعس ؟!

[أيمن]

السلام عليكم ورحمة الله وبركاته ..يالله حيهم كل باسمه ..
فيه مشكلة تواجهني باستمرار ولم تواجهني إلا من حوالي ثلاثة أشهر وهي حينما آخذ عزم لنفد "طعس" أو حتى في أرض رملية غراز، المراد أنه في نهاية الطعس يكربن الموتر ثم يطفا ..
مع العلم إني حتى ماتعديت الضغط إلى ثلاثة، وأيضا مقارنة مع غيري مثل موتري ما يحدث له مثل ما يحدث معي؟ ..
سألت أحدهم فقال يمكن كنداستك مكتومة هل هذا صحيح؟
أفتوني مأجورين ..

تحيتي

[Bader-M]

سألت أحدهم فقال يمكن كنداستك مكتومة هل هذا صحيح؟
ربما صحيح
ولكن عندي
اساله
هذه المشكله ما توجهك الا في الرمل بس ؟
هل تشعر المحرك مكتوم ؟
هل الاحراره طبعيه ؟
تقبل تحياتي

[الباهي]

هلا بايمن

اعتقد والله العالم انه يبيله وزن بلوف
اخوك الباهي

[ابو الريم]

اخوي ايمن ياليتك تقولي وش نوع موترك ....... وعموما بعض السيارات عند الدخول في طعس او تغاريز تحتاج الى ضغط اعلى من ثلاثة الاف ....... لكي يعطي المحرك كل قوته ولا يضعف ........ اما قضية الكربون فهي بسبب زيادة البنزين في غرفة الاحتراق ( بسبب ضغطك عليه ) وفي نفس الوقت انخفاض في دوران المحرك فيكون هناك بنزين لم يكتمل احتراقه ...... وسبب انخفاض ضغط المحرك هو تحميله جهد اكبر منه وهو في حالة الخمول ......... عموما اذكر لي موترك وياليتك تقولي اذا جربت وانت ماشي على ضغط عالي وش يصير يعني اربعة او خمس الالاف ......


تحياتي ابو الريم ,,,,,

[ابو محجن]

الحل سهل جدا

بيع السياره واشتر غيرها ههههههههه

بس هل دوستك نفسها او انك تزيد الدعسه في النهاية او انك تقللها كل هذا تراله تأثير على المحرك

[أيمن]

الله يعطيكم العافية جميعا ..
أخوي طاير بالعجة ..
المشكلة هذي في كل ما "زّريت" الموتر بنمرة ثم وخرت رجلي عن الابنص، لكن في المزفلت غالبا ما تصل إلى حد أنه يطفا بل ينزل الضغط أقل من واحد وربما إلى 500 فقط .
هل أشعر أنه مكتوم : ما أدري !!
الحرارة نوعًا ما طبيعية ..

عزيزي الباهي :
هل هذا العرض سببه البلوف !!

أستاذنا العزيز "أبوالريم" :
الموتر هايلوكس 2700 كلبريتر ..
وإن زدت الضغط أعلى من ذلك فالمشكلة هي هي ..
يقل الضغط ثم يطفا ..
طبعا يطفا في حالة أني أرفع رجلي عن البنزين بعدما أقف ..

أخوي أبو محجن ..
على يدك :)

تحيتي

[سيرفر]

الاخ العزيز ياليتك والله تشيك علي الديلكو واسلاك البواجي والبواجي وشف لا يصير فيها تهريب كهربا

مع تحياتي لكم

[أيمن]

الله يحييك أخوي سيرفر شاكر مرورك ..
الديلكو سبق وتم وزنه، والبواجي مغيره جديد، وأسلاكه من شد البلد، لأن الموتر بقي له حوالي 10 آلاف ويكمل 100 ألف .. وكل مائة ألف وأنتم بخير :) ..

تحيتي

[مهيلان]

مشرفنا ايمن سلام عليكم
تراني متعاطف جدا مع موضوعك
لانه يعز علي ان ارى ربعك طلعوا النفود وانت ما طلعت لكن يمكنك مراسلتهم
وتقول : الله لا يهينكم واحد منكم يجي ياخذني :p
عموما اتمنى منك ان تغير صفاية البنزين ..
لن تضرك ان غيرتها لرخص الثمن .. وكما قيل ( ان لقحت والا ما ضرها )
دمت سالما

[Y&Y_4X4]

الحاله هذي طال عمرك انا اسميها شهقة وغالبا في الكلبريتر يبيلك تشيك على افياش اسلاك الكهرب الي رايحه للكربريتر يبدولي من طرحك ان فية تهريب كهرب وخصوصا البلية الي يخلي الدعسة زايدة شوي قبل ماتركد المكينة عقب الشحط .. وجرب ادعس قبل ماتركد المكينة هي تطفئ ولا ؟؟؟

[أيمن]

الله يحفظكم جميعا ..
أخوي مهيلان :
من قال أني ما طلعت النفود!!
أنا أقول إذا طلعت النفود ووصلت الراس :) ووخرت رجلي عن الابنص يطفا الموتر :( ..
يعني الموتر ما يقطع أو يتفتف، علما بأن صفاية البنزين تعتبر جديدة ..

أخوي Y&Y_4X4 :
أسلاك الكربريتر فيها تهريب !!
نشيك ليش لا ..

يعطيكم العافية وأتمنى أن تزول هذه المشكلة ..

[أيمن]

للرفع لزيادة النفع ..

[Y&Y_4X4]

رفعت ونفعت ان شاء الله

لاكن هل زالت المشكلة :confused:

[محمد العنزي]

الله انه يمسيكم بالخير ...

اخوي أيمن ....

هالمشكله صارت معي وبهذلت بي لين عرفت السبب بنفسي .. وبالصدفه

مع العلم اني عرضتها على الكهربائي والميكانيكي وكل اللي يقول اني فاهم .. المهم

طلعت المشكلة بعوامة الكربليتر .. اللي غالباً يجي لونها اسود اللي بقدام الكربليتر ..

فطلع انه اليادست بقوه وطلعت المكان اللي ابي تضل العوامة معلقه ويصير البانزيم يكب لين يطفي الموتر ..

واحيانا اليا ضربت مطب ماله داعي يطفى الموتر ..


فياليت تشيك على العوامه وتتأكد منها عدل ...


وتحياتي ...:confused:

[القناص]

والله اجابة الاخ محمد العنزي تستاهل العنوة
مع ان اظن ان تصفية الكبريتر تشمل تغيير الابر والجلد والعوامة
فكرة تستحق البحث

[ابوياسر 11]

السلام عليكم

مشرفنا الغالي ((أيمن)) ، أنا حصلت معي أكثر من مره بزفلت(بالشارع)
وحاولت أسئل ماخليت أحد ماسئلته [ كل واحد يدخله عنده يوم ويقول تعال بكرى]
وآخذه إذاراح يوم أو يومين صار نفس الشيئ...!!!

آخرتهااااا صار طرمبة البنزين ، وغيرتها والحين زي الحلاوه...

وقال لي العامل اللي صلحها: أنصحك لا تخلي البنزين حول يقضي أو إلى آخر شيئ
تراه يتجمّع الوصخ ، همن رح غير بداله،،
قلت له والله الطفره حدتنا وإلا والله ودي كل ماركبت أشوف الامبير
مرتفع ، لكن (( كل شيئ بوقته حلوو))
إن شاء أباخذ لي ديزل أصير أنسى شيئ أسمه( محطه)؟؟؟؟؟

تقبل تحيااااتي،،



محبكم : المجرووح.

[مقطع أربع]

أنا مع أخوي مهيلان
يالحبيب غير صفاية البنزين لانه قد صار معي نفس الكلام

[عاشق الجبال]

السلام عليكم ورحمة الله وبركاته
اخوي ايمن ولايهون باقي الاعضاء
انا مع الاخوان الي قالوا غير صفاية البانزين
فعلا عليك تغييرها حتى لو كان الموتر جديد لانها حصلت معي شخصيا مشكلة
ضعف عزم الموتر واحيانا يطفئ رحت لمجموعة من الورشات بمافيهم
الوكاله اللي يقول افحص كمبيوتر واللي يقول بخاخ واللي يقول طرمبة البانزين
اخوك اخذ صفاية بانزين وبواجي مع العلم ان الصفاية صار لها سنة جديدة
والبواجي تقريبا 20 يوم قلت لهم غيرو الصفاية والبواجي واذا ماضبط الموتر
ارجع لكم مرة اخري فعلا تم تغيير الصفاية والبواجي وانتهت المشكلة .
تقبل تحياتي

[ميراج]

الاخ ايمن السلام عليكم

سيارتك تحتاج تصفية مكينه وياليت فى الوكاله

ومن وصفك للمشكله منحصره المشكله فى الكلبليتر + الديلكو ولاكن يفضل تغيير البليتين و البواجى

لانها تساعد على تصفية الكلبليتر و الديلكو بشكل افضل

تحيات اخو ك ميراج

[اعقاب]

عزيزي أيمن (اقصد المشرف)
اللي يحدث هو أن دورة المكينه تضعف عند زيادة الجهد
فتبعا لذلك يقل دوران الدنمو فتقل الكهرباء نسبيا فيحدث ماحدث معك
لكن فيه مثل يمكن انه غير منتشر الا وهو ماخلوا شي اهل البحرين






فيه جهاااااااااااااااااااااااااااااااااااااااااااااااا اااااااااااااااااااااااز
يحل المشكله
حسب علمي
ماهو غالي
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟