المساعد الشخصي الرقمي

مشاهدة النسخة كاملة : للمشاركة / وش تفضلون المناطق الرملية (الطعوس) أم الشعبان؟؟؟؟؟؟


الحريق 2007
21/07/2007, 01:14 PM
نرجوا المشاركة من الجميع والتصويت عن المكان المفضل لكم للكشتات هل تفضلون قضائها في الشعبان وتحت ظل الأشجار أم على الطعوس وفوق الكثبان الرملية , ويفضل ذكر منطقتك حتى يسهل لنا إعداد الأبحاث والإستنتاجات المطلوبة ولكم تحياتي...

بالنسبة لي وأكثر أهالي منطفتننا نفضل قضائها في مثل هذه الأماكن ونكره الجلوس والتنزه فوق الطعوس....


http://online-image-resize.kategorie.cz/fotka_tretina.php?src=212.118.128.253_image_218_.j pg&g=

http://online-image-resize.kategorie.cz/fotka_ctvrtina.php?src=212.118.128.252_image_208_. jpg&g=

http://online-image-resize.kategorie.cz/fotka_tretina.php?src=212.118.128.252_image_127_.j pg&g=
راعي الشهامه
21/07/2007, 09:28 PM
اخوي الحريق مشكور على فتح هالموضوع ....
بالنسبه لي فلكل مقام مقال يعني في وقت الامطار والجو المغيم بالنسبه لي افضل النفود (الطعوس) اما اذا كان الجو شمس وصحو فانا افضل الشعبان ... وافضل شعيب بالنسبه لي وقريب من الرياض شعيب الحيسيه وشعيب حريملا وشعيب محارق...
واذا كانت الطلعه في وقت ربيع والارض مربعه فأنسى شي اسمه نفوود .. واتجه للريضان .

وسلمت يمناك على طرح هالموضوع
Abu Saad
21/07/2007, 09:43 PM
اقصرها لك ..
الطعوس في الليل .
الشعبان في النهار .
صياد تكريت
21/07/2007, 09:49 PM
احب اقنص في الكثبان الرمليه او الزروع المناطق العدله انا من العراق
هدد 2006 GX
22/07/2007, 12:41 AM
الشعبان وبس
سلطان العوني
22/07/2007, 05:39 AM
اكيد الشعبان
والسهل
راف
22/07/2007, 05:45 AM
انا من الجوف


بالشتا افضل النفود

وبالصيف الحماد والشعبان

ومشكور على الفكرة
escape_man
22/07/2007, 08:15 AM
اشين شعبانكم ياهل الحريق

انا راعي نفود ومعدل على موتري تعديلات للتخفيف من وزنه ,, كفرات شاهين وجنوط المنيوم ومساعدات مدبله وهدرز

وجيت شعبانكم وطلعت منها خسران كفراتي وانواع القرقعة :)

هي ذي شعبان عندكم؟؟

على العموم انا بالصيف ... بالشتاء افضل النفود فقط لاغير

وعمري مانشدت عن الربيع ولا دورته ومنوتي رشة المطر على النفيدات وعوار قلبي لا رتوت النفود وانقلبت حمر

كثير قالولي تحتاج علاج نفسي !! لكن راضي بقسمة رب العالمين وراجي ثوابه :)
أبو علي 444
22/07/2007, 01:26 PM
الشعبان طبعا
عندك يابعدي
22/07/2007, 01:38 PM
اخي العزيز:قدوضعت استبيان مثل هذا قبل شهر تقريبا ممكن تستفيدمنه
الخديوى
22/07/2007, 01:49 PM
مافيه مثل الشعبان لاتقولى ولاتزيدلى؟
من احلى الشعبان الى جيتها لانها لسه ماانعفست
1-شعب ملاقح\شعب صيدح\الجوه فى موجا وتوجد فى بلاد وايله فى اليمن.
ALBDRANE
22/07/2007, 01:50 PM
يمال السيل يالحريق وشعبانه
فيه أحد يقدر يكشت بالنفود في مثل الايام هذي ؟
كل شي طراته الا وافق على حله .......................

تحياتي
هواوي
22/07/2007, 02:13 PM
الطعوس اشرح وانفه وخاصه بعد المطر في الوسمي اذا خالطته ريحه الارط او السمر مع ريحة القهوه

وش خليت
الحريق 2007
22/07/2007, 02:31 PM
الإخوة الإعزاء / راعي الشهامة & Abu Saad& غزال ما ينصاد & هدد 2006 GX& سلطان العوني & راف &escape_man & أبو علي 444& عندك يابعدي & الخديوي & ALBDRANE& هواوي

شرفنا مروركم ويعطيكم العافية ومشكورين على المشاركة وإثراء الموضوع .....

النتيجة حتى الاًن:
8 أصوات للشعبان.
6 أصوات للطعوس والنفوذ.

وللجميع تقبلوا خالص التحية وفائق الإحترام..........
شاعر المستقبل
22/07/2007, 02:31 PM
اكيد فوق العقم
الحريق 2007
22/07/2007, 02:36 PM
اكيد فوق العقم

فوق العقم أو تحت المسناة :no2: :no2: أخوي شاعر المستقبل لا تدخلنا في العقوم والمساييل والتصويت واضح ومحدد وتقبل تحياتي..
الثويرات
22/07/2007, 02:44 PM
http://www.mekshat.com/pix/upload/images39/mk55341_zaz.gif


اخباركم طيبين انشاء الله

من اجمل الاوقات لطلعات او الكشتات بالعربي
هوى الشتاء الله يجيبه ويجيب السيول والارزاق

لاكن بالنسبه لي انا من الناس الي يحب النفود والجلسات بالطعوس والقعور النفود غير يربع حطب لابغيت الحطب ولابغيت الذرى انزل لم القعور وانا من الناس الي يحب الـــثويــرات
ميهاف
22/07/2007, 02:51 PM
وقت الامطار وأنتم ابخص النفود (الله يجيب الامطار)
اما الصيف الشعبان عطية الله للصيد والتكيات حدر السدر
العمري-
22/07/2007, 04:20 PM
الشعبان وبس ...
الطعوس وش ينبغابها ماغير عج بالصيف وعلى ادنات شي يصير العج حت لو الهواء خفيف...
الدبل الثقيل
23/07/2007, 06:18 AM
النفود بالشتا.
الحريق 2007
23/07/2007, 02:50 PM
الإخوة الإعزاء.. شاعر المستقبل & الثويرات & ميهاف & العمري & الدبل الثقيل..

سُعدت بمشاركتكم جميعاً وأثريتم الموضوع بالمرور والتعليق الجميل ولكم جميهاً التحية والتقدير......
برق بريده
23/07/2007, 03:06 PM
السلام عليكم
كل شي بوقته حلو
الطعوس زينه بالليل في الصيف اما في النهار ما تسوى شي
والشعبان زينه في نهار الشتى اما في الليل يعني عاديه
((مجرد رائي))
نور القمر وال
24/07/2007, 12:04 AM
و الله الشعبان لها وقت والطعوس لها وقت
zaxs2010
24/07/2007, 03:33 AM
النفود........
][الكاشت][
24/07/2007, 08:42 AM
اخوي الحريق مشكور على فتح هالموضوع ....
بالنسبه لي فلكل مقام مقال يعني في وقت الامطار والجو المغيم بالنسبه لي افضل النفود (الطعوس) اما اذا كان الجو شمس وصحو فانا افضل الشعبان ... وافضل شعيب بالنسبه لي وقريب من الرياض شعيب الحيسيه وشعيب حريملا وشعيب محارق...
واذا كانت الطلعه في وقت ربيع والارض مربعه فأنسى شي اسمه نفوود .. واتجه للريضان .

وسلمت يمناك على طرح هالموضوع


أنا مثل راعي الشهامة ...

وقريب منه جدا ... والظاهر بطلع ان شاء الله السنة الجاية انا وياه .... :D :D :D :D
سامي العنزي
24/07/2007, 10:40 AM
الطعوس والشعبان الثنتين روح واحده .

افضلهن كلهن .