المساعدات الاسترالية تصلح للفورد فكتوريا

[المنيع]

السلام عليكم ورحمة الله وبركاته

طبعا انا استفيد من الاساتذة اللي في منتدانا لأن أكثر معلوماتي من الله ثم منكم ... فشكرا لكم مقدما .

انا عندي ( فورد فكتوريا ) صغيرة - وودي اركب مساعدات له .
وحسب ما قرأت في المنتدى ان فيه مساعدات استراليه .. ترفع السيارة 3 - 5 سم ولا تنزل السيارة يعني قوية .

سؤالي : هل تركب هذه المساعدات على السيارات الصغيرة - وخاصة الفورد - .

واذا كانت الاجابة لا فماذا تنصحون .

[راس الرعيلة]

نصيحتي لك يالغالي لا تعبث بموترك

الموتر الفورد رفعته زينه إلا إذا كانت مساعداته رايحه
أو أن الهيدروليك خابط عليك

وهذي حلها التصليح

لكن اليايات الإسترالية قاسيه على الفورد بقوة
وتفقده راحته

مجرد وجهة نظر

[المنيع]

الله يجزاك خير على هذا الكلام الطيب


ننتظر بقية الاخوة

[هاوي الله]

يااخي العزيز .... معلومه : ترى المساعدات مالها دخل بمستوى ارتفاع السياره .... أنت تقصد اليايات صح ؟

هذا اللي عندي من عِلم وسلامتك ,,

[شبح الموت]

ركب المساعدات الاصلية وريح عمرك

وسعرها الاربع اربعمائة عند الوكيل

والمحلات اقل بكثير وانحش عن الاسترالي قاسي بالحيل

[المنيع]

الله يجزاكم ألف خير على التوضيح ...

صحيح أخوي ممكن المشكلة من اليايات عندي ...

طيب وش الأنواع اللي تصلح لي الحين ... يعني وش اركب

انتظر ردودكم ..

[ابو ساره 999]

كلام الأخوان صحيح 100%100 وماازيد عليهم شي انحش عن السترالي

[النقيرة]

مساكم الله بالخير ..
ياطويل العمر انا معي فورد وفيه هدروليك دبج علي قبل كم يوم المهم مالك في الطويلة قلت ابركب يايات وشريت امريكية الطقم ب100 وهالحين عند الورشة مابعد شفتها ..
إذا طلعتها رديت عليك بس الله يستر لاتصير كنها دفرنسين وترتفع .

[المنيع]

جزاكم الله الف خير ولمن قام بانشاء هذا الصرح