راح الشـباب 00 وراح شوف التهاويل

[القرناس المهاجر]

خرجنا مع الشباب للمقناص ولكن الشوف مامكني مثل اول :D وشفت لي طير على العمود وما حقيته وش هو 00 فتناولت الدربيل وكذلك شفت شي ماهو واكد 00 فجريت ونه على الماضي الجميل 00وعندما رجعنا قلت هذه الأبيات آمل أن تحوز على رضاكم واستحسانكم 00




الله واكــــبر يازمـــان الغـــــــرابيل= ماترحــم ابن ادم ولافــــيك روفــه

جاني مع الايـــام بعـض العراقــــيل= بيني وبين اعضاي ماشي ولوفـــه

أول نشــوف الطـير من غير دربيل= واليــوم بالدربيل ياكـــود اشـــوفـه

راح الشـباب وراح شوف التهاويل= حتى الظهر يشــكي عناه وظروفــه

ويــزيد همي لاذكــــرت المقــــابيل= يارب تكفـــينا الزمـــان وصـــروفه

ماغــير اونّس خاطــري بالمواويل= وذكر الليالي إللي عليها الحســـوفه

ويرتاح بالي لاذكــــــرت المقــاييل= ومقناصنا اللي نهتني في صــدوفه

وشوف الديار اللي دوى للمعــاليل= اللي بهـا مســـراحنا والنكــــــوفه

بذيك الخبوت اللي سقتها المخاييل= ليلــي وهو ســـاري وبرقه يحــوفه

ربيعهــــــــا دايــم ونبتـــه مدابيــل= والصــيد وافـــــر مالقــينا كلـــــوفه

واليوم لو نقنص ضحاها مع الليل= يعـــــوّد القـــنّاص يصفــق كفوفـه

خـص الذي مثلي عظــامه محـابيل= مازان له ممشــى ولازان شـــــوفه

:D :D

تقبلو تيحاتي 00 القرناس المهاجر :good: :good:

[جبل راف]

ويرتاح بالي لاذكـرت المقاييـلومقناصنا اللي نهتني في صدوفه

وشوف الديار اللي دوى للمعاليلاللي بهـا مسراحنـا والنكوفـه

بذيك الخبوت اللي سقتها المخاييلليلي وهو ساري وبرقـه يحوفـه

ربيعهـا دايـم ونبتـه مدابـيـلوالصيـد وافـر مالقينـا كلوفـه






صح لسانك عز الله انك جبتها على الجرح

[أسامي]

نهى العلماء عن قول الله واكبر
والصحيح الله اكبر
مع يقيني بحسن نيتك وعلمك
ولكنه تذكير لاستاذنا
تقبل تحيتي

[زهرلند]

نهى العلماء عن قول الله واكبر
والصحيح الله اكبر
مع يقيني بحسن نيتك وعلمك
ولكنه تذكير لاستاذنا
تقبل تحيتي

اخي اسامي بارك الله فيك

بدل ماتقول صح لسانك لصاحب القصيدة الزينة الله يعطيه العافية

قاعد تدقق على اشياء كلنا عارفينها اشياء واردة في حياتنا بشكل

طبيعي وبحسن نية .. صدقني ياعزيزي لو نبي نطلع مثل هالاخطاء اللغوية

والعفوية كان طلعنا منها الكثير على كل شخص سواء عالم

اوجاهل بس احنا عارفين ان الامور ماشية بحسن نية ولا داعي لأن

ننظر لها بهذا الاهتمام والتدقيق ..

تقبل تحياتي

[القرناس المهاجر]

اخي 00 عبدالله الحربي

صح بدنك 00 ومشكور على المرور الرائع 00 لاعدمناك :good:




لك مني اجمل التحايا 00

[القرناس المهاجر]

نهى العلماء عن قول الله واكبر
والصحيح الله اكبر
مع يقيني بحسن نيتك وعلمك
ولكنه تذكير لاستاذنا
تقبل تحيتي


أخي الحبيب 00 اسامي 00 :)
مشكور 00 وماقصرت على المشاركه 00 جعلها الله في موازين حسناتك


لكن ليتك الحقت هذه الملآحظة 00 كلمة شكرٍ واحده على الأقل :D :D حتى تشعرنا بدفء أخوتك في الله :( :(




لك مني اجمل التحايا :good: :good:

[القرناس المهاجر]

أخي الحبيب 00 زهرلند


مرورك الغيور 00 تشريفٌ لي ولمشاركتي المتواضعه :good: ومثلما تفضلت الملآحظات كثير ولا داعي لأن ننظر لها بهذا الاهتمام والتدقيق ..؟؟؟
لكن تبقى القاعده الدينيه وهي ( الدين النصيحه ) ولكل امرء مانوى ;) ;)
كثر الله من امثالك 00 ولآفُض فوك :D


تقبل مني أجمل التحايا 00:heart:

[أسامي]

اما قول صح لسانك والرسول صلى الله عليه وسلم يقول من رأى منكم منكرا فليغيره .... الحديث
فعقيدتي تمنعني ان أشترك واطبل لهذا الخلل بالعقيده
فالقول والعمل في مسائل الايمان جميعها مطلوبه
لذلك ننكر على الاخ المصري حلفه بالنبي وهو شرك بالله مع انه يلومنا على الانكار
ويدعي عدم القصد
اما من اتهمني بالتقصير مع صاحب القصيده فهو لم يقرأ أو لم يفهم ماكتبت
فقد اسميته استاذي وهو كذلك
اما الدفء والحنان فهما ميزانان خاسران في النقد الادبي والكلمة الصادقة
والله من وراء القصد

[سلطان العوني]

اخوي القرناس المهاجر
صح اللسانك وفكرك

واشكرك على القصيده الطيبه والجزله
وفالك التوفيق في حياتك

تحياتي

[القرناس المهاجر]

اخي الكريم سلطان العوني


صح بدنك 00 ومرحباً الـــــ1000ــــف 00 لآهنت وجزاك الله كل خير 00


تقبل تحيات اخوك 00:)

[نديم السهر]

صح للسانك

الله يطول عمرك ويعطيك الصحه والعافيه ...لاتنسى غيرك لو مكان الطير فيل ماشافه لو بدربيل

وعليك بعصير الجزر مفيد للنظر

[القرناس المهاجر]

نديم السهر 00 مرحبابك ياعزيزي 00 والله انك جبتها 00بس والله ماأدري يصلح عصير الجزر مع كبار السن والا لا00ههههههههههه :D :D

شكرا من الأعماق لمرورك المرح :)





لك مني أجمل التحايا 00

[ابوهديل 8]

صح لسانك اخوي القرناس المهاجر على هذه القصيده الرائعه وان كان قصر النظر وانا اخوك ماقصرت في قولك وقصيدتك اللي صورت فيها الموقف ببراعة الشاعر المتمكن بارك الله فيك وهذا حال الدنيا من ضعف الى قوه الى ضعف والله يحسن خاتمتنا جميعا ًبالعمل الصالح ويوفقنا الى مافيه الخير وعلى ماقال اخونا عليك بعصير الجزر وعسى ايامك كلها سعاده ومقانيص وفلة حجاج والسلام عليكم ورحمة الله وبركاته .

[عاشق خلاوي]

أول نشوف الطير من غير دربيلواليوم بالدربيـل ياكـود اشوفـه





راح الشباب وراح شوف التهاويلحتى الظهر يشكي عناه وظروفـه






صح الله لسانك اخوي القرناس المهاجر على القصيده السلسه الرائعه .. وانشا الله فيك الخير والبركه يا طويل العمر .

[القرناس المهاجر]

ابوهديل 8

حي الله هالطله 00 وبيض الله وجهك على الرد الجزل :good: تستهالون طال عمرك 00 وعسى ايامنا وايامكم كلها فلة حجاج وأتمنى للجميع في هذا العام مقناص خير وصيدٍ وآآآآآفــر:)


اخـــوك 00 القرناس المهاجر:good:

[القرناس المهاجر]

اخي عاشق خلاوي :)


لآهنت على كلآمك الطيب 00 ومرور الرائع 00 وفينا وفيكم كل خير إنشاء الله :D



تقيل تحياتي 00:good:

[جلمود الجبيرى]

صح السانك على القصيده الاكثر من رائعه وخل عنك عصير الجزر عليك بكحل الأثمد الأصلىكما وصى فيه الرسول صلى الله عليه وسلم وماحصلته إلافى فى سوق مكه للتعمير الى قبال باب الملك فهد الدور الثانى عند عطار محله على زاويه وسعره بحدود الخمسين ويستخدم قبل النوم وسئل مجرب والله يعطيك العافيه

[القرناس المهاجر]

جلمود الجبيرى 00

الله يجزاك بالخير 00 والله انك ماقصرت بهذه الوصفه والطب النبوي 00 إنشاء الله إني رايح 00 ونخليها عمره وحاجه :D :D تسلم ولآعدمناك 00 :good:




تقبل تحياتي 00

[عاشق الصحراء]

العزيز القرناس
صح لسانك و الله يعيد المقانيص على خير .
ماش يالقرناس قمت تشكى من هالحين ..... تراني مثلك الجوال كود بالنظارة...اعتقد ان الكبـيوتر له دور في اضعاف
النظر... ولا يفوتك مرق الوبر .
تقبل تحيتي

[القرناس المهاجر]

أخي عاشق الصحراء


صح بدنك يالغالي :) 00 والله يعيد الأيام الخوالي على خير 00 ولو ان التمني شي والواقع شئ آخــــــر;)

اخي 00 المؤثرات على ضعف النظر كثيره :j لكن يبقى أهمها الكمبيوتر والدربيل والقرائه :)
اسعدني مروك وثنائك 00 جزاك الله كل خير


اخوك القرناس المهـاجر