تبي تذكر أيام الربيع اللي وش زينه !! تبي .. طيب تعال اسمع مطلق النومسي ,, وش يقول ؟؟

[عاشق خلاوي]

مساكم الله بالخير - صبحكم الله بالخير ...

سمعت أنا (واعوذ بالله من كلمة أنا) قصايد واجد عن وصف البر والربيع والكشتات ..الخ.
لكن فيه قصايد تبقى بالذاكرة لا تنسى من قوة البيت وجزالته وتصويراته الرائعه الابداعية , اليوم حبيت أقدم لأخواني المكشاتية قصيدة من أحلى القصايد في الربيع للشاعر: مطلق النومسي ..
[/url]

ابو فهد يقول في احد الأبيات:

تقطف زبيديهم .... بعد يومـــــــــــين=في نفس مقطفها اتعيّن بدلهـــا
تلقى (الزبيدي) مثل روس الصعانــين=لا الارض قابلته ولا هو قبلها

الى ان قال :

ميعادنا بكره على وارد ألفــ2000ــين=جيوب شاصٍ ما نحرك دبلهــا
عيونهن تشبه عيـــون الشياهــــــــــين=كن الرياح الذاريات تحملهـــــا
وأول ما يطري مع زنين الشكامـــــين=زنة خليات النحل من نحلهــــــا


معليش طولت عليكم بالمقدمة اعذرون ما أنلام بالقصيدة وهذا المقطع الصوتي :
[url="http://upload.9q9q.net/file/HFD0YXkkh/drb_al56a.rm.html"]http://9q9q.net/9q9q.net.gif (http://upload.9q9q.net/file/NLJRpOgDd/cc-1139262023.jpg.html)

وبيض الله وجيهكم على المرور وسلمتم ..

[ابوهديل 8]

بيض الله وجهك اخوي عاشق خلاوي وقصيده فى منتهى الروعه اشكرك على حسن الاختيار .

[عاشق خلاوي]

ابوهديل 8 ... أنا من حسن حظي ان أول من يرد على مواضيعي أنت يا ابو هديل لانك تملك ذائقة شعريه وفكر شعري وهذا اللي التمسته منك نتاج ردودك لمواضيعي ومواضيع غيري ... وسلمت على الرد

[سلطان العوني]

اخوي عاشق الخلاوي
مساك الله بالنور والرضا


بيض الله وجهك بياض الشاش
خليتنا نعيش الربيع من جديد
الله يعةده علينا وعليكم بالخير والعافيه

اشكرك بعنف على الاختيار الطيب

تحياتي

[ابوهديل 8]

بيض الله وجهك اخوي عاشق خلاوي وانا يشرفني ردك الطيب طال عمرك والطيبين مثلك وشرواك هم ثمرة هذا المنتدى ولايهونون اخوانا الكشاته بارك الله فيك وكثر من امثالك والله يجمعنا واياك واخوانا الكشاته على الخير والعلم الغانم والسلام عليكم ورحمة الله وبركاته .

[عاشق خلاوي]

اخوي سلطان العوني ... و وجهك ابيض يا طويل العمر والسلامه وهذا اقل ما اقدر اسويه لهالمنتدى ابو الجمايل علينا .. وسلمت.

[عاشق خلاوي]

اخوي ابوهديل 8 ... لا خلا ولا عدم .