مشكله في الباث ابي لها حل (الفزعه تكفون )

[الكايف2]

;) السلام عليكم اخوني اعظاءمكشات الله لايحرمنا منكم وفزعكم وشوركم وعلومكم الطيبه00
معي جيب باث فندر2002مطلعه جديد وكاله يعني مايسوقه الاانا لكن المشكله فيه قربعه قدام تقول الكفرات ماركبت مساميرها مطب قوي مره وحبت استشيركم واخذ رايكم قبل مااروح للصناعيه وتعرفون كلن يجيب من راسه علم وهوماعنده علم اللي حصل له نفس المشكله والاعنده علم عنها يدلني عليها والله اسأل ان يوفق الجميع والسلام عليكم وآسف علي الاطاله
00000000000:confused:

[ابو فيصل 99]

السلام عليكم

اخوي وضح المشكله اكثر
هل الصوت عند المطبات
اواثناء السير
وشف ربل العكوس وعمود الدبل يمكن صليبات

[راعي العقربيه]

السلام عليكم ورحمة الله وبركاته....
جرب وأخرط الهوبات ..

ولا انت متحسف ان شاء الله ..

تحياتي ...دمت بخير

[alkongrs]

شف كراسي المكينة وتقبل تحياتي

[الثويرات]

شف اخوي لاجت القرقشه عط رجلك على البريك شوي ان راحت فالمشكله هي

من المسامير الي ماسكه جرم الفحمات ويحتاج الى تبديل ربلات المسامير

[خ الفياض]

انا اتوقع انها من مسامير التوازن الاماميه يبالها تغيير

[الكايف2]

اخوي الشرق م م حياك الله مثل ماقلت اناالصوت عند المطبات وعند ما انزل في التراب تقول الكفرات بتطيح قربعه قويه
مشكورعلي مرورك000

[الكايف2]

اخوي راعي العقربيه هلابك تسلم اخوي وابشوف الهوبات واجرب تقبل تحياتي

[الكايف2]

اخوي ولد العمده حياك الله ياغالي ما اتوقع انه من كراسي المكينه والله اعلم مشكورعلي مرورك

[خير المزن]

رح لم البنشري وخله يرفع السيارة من وراء ودس البنزين وخل الكفرات تدور وامش 100
ثم إنزل والامبير على 100
وناظر تحت السيارة وشف ممكن تلقاه من العمود ولا الصليب
ورد خبر.........

[الكايف2]

اخوي الثويرات هلابك جربت اربط فرامل وخف الصوت شوي بس ماراح الصوت كله تسلم علي مرورك

[الكايف2]

اخوي الفياض حياك الله احتمال انه من العمود ان الربلات خربانه بس الصوت قوي كل من ركب معي لاحظه مشكوراخوي

[الكايف2]

خيرالمزن مرحبا بك العمود والصليب اذا صارت خربانه طلع هالصوت والقربعه تجي مع المطبات بس تقبل تحياتي

[سمير]

ممكن المساعدات إذا كان الصوت في الرمل
لأن الموتر معك وكالة ولا ظني يجيه خراب عمود أو صليبات
أو أي خلل من سوء الاستخدام
وعموما قيمة المساعدات الأماميات1400ريال
ولكن هناك بديل استرالي أو برازيلي ماتأكدت
لابد من التشييك أولا وشكرا

[الكايف2]

حياك الله اخوي سميربالنسبه للمساعدات مهيب شد بلد مغيرها امريكيه الظاهروانا بغيرها واشوف تسلم علي المرور

[الدحبول]

كراسي المكينة أو القير

[الكايف2]

اخوي الدحبول حياك الله ما اتوقع لأن الصوت تحس انه في الكفرات مشكورعلي مرورك

[الساهر2003]

اخوي الصوت هذا ممكن يكون احد اثنين ممكن يكون من قلب المساعد والثاني ممكن يكون من ذراع الدركسون الخارجي وطريقة فحصه بسيطه ارفع كل كفر لحاله وامسك الكفر بيدينك زين من يمين ويسار في النص ولف يمين ويسار بشكل بسيط وراح يكون فيه فضاوه بسيطه وراح تسمع الصوت لكن بشكل خفيف والمساعد لزم يشوفه خبير يفكه ويتاكد وهذه المشكلتين دايم الحدوث في السيارات
واسف على الاطالة
والسلام

[ق ب م 632]

يااخوي اترك الكلام اللي يعور الرأس



رح وش ربلات حقت عمود التوازن ترا صارت معي نفس اللي تقوله بالضبط وطلعت ربلات عمود توازن وسعرها الثنتين بـ50 ريال وتركيبها مايتعدى 30 ريال وصلى الله وبارك

[الكايف2]

اخوي الساهر2003حياك الله ومشكورعلي مرورك بالنسبه للمسعدات غيرت الثنين وغيرت ربل عمود التوازن وصلحوا ربلات المقصات
اما بالنسبه للدركسون فيه صوت قوي في الذراع والي حركة الدركسون بس من اللي بيصلح لي الدركسون ابي واحدمتخصص ان كانك تعرف احد ومشكور

[الكايف2]

ق ب م 632حياك الله
مشكوراخوي علي المروربالنسبه للربلات حقت عمود التوازن غيرتها ولافيه فايده

[همّام]

اخوي الصوت هذا ممكن يكون احد اثنين ممكن يكون من قلب المساعد والثاني ممكن يكون من ذراع الدركسون الخارجي وطريقة فحصه بسيطه ارفع كل كفر لحاله وامسك الكفر بيدينك زين من يمين ويسار في النص ولف يمين ويسار بشكل بسيط وراح يكون فيه فضاوه بسيطه وراح تسمع الصوت لكن بشكل خفيف والمساعد لزم يشوفه خبير يفكه ويتاكد وهذه المشكلتين دايم الحدوث في السيارات
واسف على الاطالة
والسلام

عندي نفس المشكلة

وكلام اخونا الساهر 2003 أقرب للصواب والله أعلم

بدون ما ترفع السيارة حرك الدركسون يمين ويسار على خفيف

إن سمعت الصوت طقطقة فهو من الأذرعة

وإن كان مع المطبات فقط فأظنه من جلد المقصات ،، والله يعينك

لأن المقص يباع كامل ،، ولا تباع الجلد لوحدها ،،

وهذا ما عودنا عليه الحمراني ..

أتمنى إني أفدتك

[الكايف2]

اخوي همام تسلم علي المروراولا بالنسبه للمقصات مغيرها العام الماضي ومثل ماقلت شريتها كامله وصلحواامس الجلد حقتها ولااضن الطقطقه منها وحسبنا الله علي الحمراني

[الساهر2003]

السلام عليكم
الصوت يبين اكثر اذا الكفر مرتفع عن الارض وانت تحرك الكفر مو المقود الطاره والعامود اذا خربان او الصوت منه عادي يباع لحاله والتركيب سهل وموجودين في الصناعية القديمه اشوام متخصصين لكن خلك فوق روسهم كنك فاهم الكفت وسعر العمود اذا ماني واهم 150 ريال
والسلام