عيار هواء ميشلان صغير

[جلوبلستار]

شاهدت مع احد الأصدقاء عيار هواء ميشلان صغير بحجم اصبعين جنب بعض وفي وسطه ساعه ( مؤشر ) وصناعته اصليه يا الماني او انه فرنسي المهم انه زين وعملي ويعطيك القراءه الصحيحه ما يزود من عنده او ينقص يعني قراءته لضغط الهوا تتطابق مع عيار مشلان المعروف ورحت للمحل الي شراه منه في البطحا وقال انتهت الكميه الي كانت عندي .. الي منكم وقد شافه في محل يذكر لي وينه فيه
وله جزيل الشكر ..
ترا فيه تقليد له ما ينبغى بريال للمعلوميه

[مهيلان]

جلوبلستار سلام عليكم
ماذكرته صحيح العيار صغير الحجم وقرائته جيده
تجده عند محل السلام لقطع غيار السيارات بالغرابي
سعره من 60--75 ريال سعودي ..
دمت سالما

[جلوبلستار]

شكرا

[الدلولة]

العيار الي ذكرت موجود عندنا بالقصيم عند أغلب محلات بيع الكفرات وسعره ( 50 ) ريال وذا بغيت أجيبه للرياض على العين والراس0

[جلوبلستار]

مشكور وماقصرت وما ودي اكلف عليك ..... ودي تدلني وين احصله في القصيم ...دورته في بريده عند السنيدي وما لقيته ....فيه محلات ثانيه تبيعه ؟؟ مع العلم اني سألت وكيل مشلان في الرياض قال اسوردنا الف وثمانميه حبه ( عيار هواء ) وانتهت كلها بعناها وما جبنا شي الى الحين .

[الدلولة]

العيار عند محلات بيع الكفارات
طريق الملك عبدالعزيز ( الخبيب سابقاً )

[مكشات]

السلام عليكم
للفائدة :
حبيت أساعد بوضع صور توضيحيه لللعيار اللي أتوقع أخوي جلوبلستار يسأل عنه :

http://www.mekshat.com/pix/upload/images2/air01.jpg

http://www.mekshat.com/pix/upload/images2/air02.jpg

http://www.mekshat.com/pix/upload/images2/air03.jpg

تحياتي للجميع

[مخاوي الذيب]

السلام عليكم
اعتقد ان العيار الي على شكل قلم افضل لسهولة حفظة واستعمالة

[سمنان]

السلام عليكم ..

ياخوان انا صار لي كم شهر ادور على هالنوع " ميشلان "... وكنت كل ما بين فترة وفترة امر معرض السلام اللي في الغرابي اسال عنه ويقول إلى الان ما وصل ...فا ياليت اللي يعرف وين ينباع في الوقت الحالي يعلمني ... وانا له من الشاكرين .

[al-nashmi]

اخوي سمنان مساء الخير
هذه النوعيه جيده ودقيق وانا استخدمه من فتره طويله ن وسبق وان شريته قبل 6 شهور لواحد من الشباب من محل مقابل لبنك الرياض اللي في الشارع اللي جنوب محطه بنزين الغرابي، واللاسف المحل
ناسي اسمه .
وفيه عيار ثاني احسن منه وهو صناعه مشيلان ولاكنه رقمي( له شاشه مثل شاشه الجوال) وهو على شكل قلم بس اكبر من حجم القلم العادي، شفته مع واحد من الشباب وسالته من شراه وقال جايه هديه
ولا يعرف وين المكان اللي يبيعه..

اخو هذا مالدي حول العيار

وتقبل تحيات اخوك النشمي

[al-nashmi]

اخونا قلوبل ستار مساء الخير ترى ردي السابق كان موجه لك ولخونا سمنان ولكن اسمك سقط سهوا

فالمعذره.......

اخوك النشمي

[سمنان]

اخوي النشمي
مساك الله بالخير

الله يعطيك العافية وما قصرت .. ومشكور على تجاوبك وردك .. والحقيقة انا حريص على عيار الميشلان لان كل اللي استخدموه يمدحونه بالحيل .. بالاضافه لصغر حجمه .. ومعه علبه تحفظه.. وانا صار لي فترة طويلة انشد عنه بالغرابي ويقولون ان وكيله ما بعد جاب منه .

عموما اكرر شكري وجعلك تسلم ،،،

[مدور الفلّة]

العيار هذا موجود في الرس بمحلات العلاج للعدد الصناعية آخر طريق المدينة
وسعرة 60 ريال
ومتوفر عندهم :)

[المساجدي]

الاخ جلوبلستار الاخوه الاعزاء اعضاء المنتدي اشكركم على هذا الموضوع وعلى اهتمامكم بكل ماهو

جديد في عالم المكاشيت 0

واذا ماعليكم كلافه ودي اعرف وين القاه في الشرقيه

وشكراً

[عين الداب]

مشكووووووووووور وموفق

[ممتر البران]

يالربع العيار هذا يجي هديه الا شريت كفرات غاليه من نفس الشركهيعني لنفرض عندك سياره جاكور او مرسدس او بي ام او اودي او اي سياره من الغاليات اللي دعست الكفر حقتها واطيهطبعا مثل ما هو معروف كفرها غالي وارداهن بحول ال 900الا غيرت لك طقم من مشلان بحول ال 4000 يجيك هديه وكان عندي 3 ووزعتهن تراهن يجن ببلاش ويبيعونهن الزيود الحرميهزي حافظت السقاير اللي تجي من دنهل سوو عرض قبل فتره ثلاث بكتات وحافضة سقاير حديد مغلفه بجلدقامو الحرميه فككو البكتات وباعوها تفريد وباعو الحافظه لحالها بعشره الا البقالات الكبار هذا اللي عنديتحيتي لكمابو سعد

[بارق تميم]

انا شريته من عروق الشمال ببريده قبل خمس شهور تقريبا ب75ريال والصراحه ممتاز إلى ابعد حد

اتمنى إنك تحصله عندهم الحين

تقبل مروري

[سرهيد]

السلام عليك

سبق وبحثت عن مثل هذا النوع في الرياض وللآسف ما لقيت

فاتمنى احد يخدمنا بتوفيره لنا

ومشكورين

تقبلوا احترامي

اخوكم

ابو عبدالله

[ابومحمد vtc]

اضم صوتي مع اخوي مهيلان
انا شاريه 75

[منصور ع]

الموضوع هذا له خمس سنين على مااعتقد
موفقين ان شاء الله00000

[مسامرالليل]

شفونا حل يااخوان فى العيار وين نلقاه فيه

[أسد تميم]

السلام عليكم انا مجرب العيار هذا من تسع سنوات او اكثر ولا زال معي حي يرزق , وان كان الذاكره ما خانتني تحصله عند محلات المحيميد وشكر للجميع