هالمشكلة مالها الا خبراء مكشات

[عاشق الجبال]

السلام عليكم ورحمة الله وبركاته
تحية طيبة للجميع

عندي باترول م 98 بخاخ اذا مشيت مسافة اكثر من 350 كلم وقفت عند محطة البنزين للتعبئة
يحصل تقطيع ولايقبل دوسة البنزين اتركه شوي بدون دوس يضبط من كيفه وتنتهي المشكلة
علما ان المكيفات شغاله .
- البواجي جيدة من الوكالة .
- مصفي البنزين جديد
- طرمبة البانزين لها سنة

من عنده حل لهذه المشكلة .

[الدحبول]

يمكن من الديلكو يبيله وزن ديلكو

[عاشق السيل]

وعليكم السلم ورحمة الله وبركاته ،،

أنا أبصم بالعشرة إن التانكي عندك يحتاج لغسيل لأنه مليان أتربة شوائب ،،

وللأسف هذي الشوائب ماتتكاثر إلا من تطفئة السيارة عند تعبئة البنزين والخطأ هذا يكثر عند كثير من الناس ويقول علشان مايروح التراب للمكينة !!
والصحيح والمفروض تكون السيارة تشتغل عند التعبئة وبالتالي لاتدع فرصة للشوائب أو التراب بالترسب في قاع التانكي ،،

أتمنى أكون أفدتك وانتظر غيري بيفيدك أكثر وتقبل مروري يالغالي ...




http://www.m5zn.com/uploads/00ea3cfba5.bmp (http://www.m5zn.com/)

[برنو بيشة]

الله يعينك ويخارجك

[صقر الحرس]

بعد التحيه : اخوي المشكله هذه صارت لي في موديل 91 نفس سيارتك

ولكن تاكد من حاجتين مهمات جدا
1 : تاكد من عوامه البنزين اللي بالتانكي ( على حد قولك اذا عبيت بنزين )
ثم غسل التانكي وذللك بسب طرمبه المحطات مليانه ( وسخ )

2 : الديلكو وهذا اللي كنت اعاني منه بس بعت الموتر والعله فيه .
طيب ياطيب

[عاشق الجبال]

الاخوة / الدحبول - عاشق السيل-برنو بيشه - صقر الحرس
اشكر مروركم والمشاركة
اخي الدعبول
-الديلكو شد بلده لم يعبث به أحد
- اخي عاشق السيل اشك بشوائب داخل التانكي من اثر التعبئة لاني احيانا اعبي من محطات توانكها اكيد قديمة .
علما ان التقطيع يحدث عند لحظة الوقوف قبل التعبئة وبعد التعبئة وترك الموتر لوحده فترة بسيطة يصفي ولاتلاحظ عليه أي شي.
اخي برنو بيشة -جزاك الله خير
-اخي صقر الحرس الديلكو شد بلده والاوساخ وارده
عند تغيير البواجي لاحظ العامل وجود فتحة يدخل من خلالها الغبار الى البخاخ بين فتحة البخاخ ومطفي الهواء اتوقع يكون الرمل هو السبب
-

[المسعسع]

هذي من اكبر مشاكله وصحيح لي خوي عنده نفس المشكله لاكن صار اذا عباااااااااااا مايمشي الا بعد دقيقه او يعني يتركه شوي على الاقل
والله يعينك ويوفقك ويفكك من هالبليه .................................................و تقبلوووو تحياتي

[عاشق الجبال]

مشكور اخي الكريم المسعسع على المرور فعلا عند حصول المشكلة اتركه شوي شغال حتى يصفي من كيفه

[طناف]

100% التانكي وسخ

[الشاقي]

فك الصفاي وطقة بالأرض ورجعة ودس بنزين قوة وشف النيجة
الا اذا كنت تشم ريح البنزين فغير اللي اللي يروح من التانكي للـ injection

[shaheenshah]

انت تقول اذا وقفت قبل ما تعبي البنزين تحصل المشكلة شيك على طرمبة البنزين ولو انها جديده لانها يمكنها تحتمي وتبدا تقطع
واذا كان التقطيع بعد التعبئة يمكن التانكي يكون وصخ

[.أبوعبدالرحمن]

الله يوفقك ويعينك