المساعد الشخصي الرقمي

مشاهدة النسخة كاملة : كفرات الباث يا اهل الباث واهل الخبرة ....


عاير القارات
26/07/2007, 03:26 AM
السلام عليكم
انا عندي باثفاندر 2005 وابي فزعتكم في الكفرات ...
ايش تنصحون اركب نفس كفرات الوكالة ولا كفرات من نوع ثاني علما اني مركب يايات استراليه ورى وكعكات قدام
وذا كان غير كفرات الوكالة وش الكفرات اللي تصلح للباث قويه ووتتحمل كل شي ومجربه ....
الله يعطيكم العافية
محبكم
عابر القارات
قرناس خلوي
26/07/2007, 05:01 AM
وعليكم السلام ورحمة الله وبركاته
أنا أنصحك تركب هنكوك وماجاك علي لان معي باث ومجربها ولها الآن سنتين ماشفت فيها اي عيب
عاير القارات
26/07/2007, 06:53 AM
يعطيك العافية اخوي // قرناس خلوي ...
بس كم الحجم .. وهل هم اكبر من كفرات الوكالة ...
تسلم على المرور ..
اخوك
عابر القارات
بن محفوظ
26/07/2007, 12:56 PM
السلام عليكم ..

عندك خيارين واختر اقربهم لك ..

1 - تركب هنكوك نفس مقاس الوكاله 245 على 65 ( ونادر تلقاها )

2- فيه دنلوب اكبر مقاس من الوكالة ( 265 ) على 70 هذا ممتاز و الين من هنكوك

بس في اعتقادي ان دنلوب ثقيل على الموتر .. وكذلك الوكالة كاتبين في درج الوتر تنويه عن مقاس الكفرات

يقولون الافضل تركب نفس المقاس ..

أنا ركبت هنكوك لكن نفس الوكاله في المطبات ما تغير علي شي ..

والظاهر ان الخطه الخمسية القادمة ان اركب جنط 16 أو 15 علشان القى كفرات لينه و زينه
عاير القارات
27/07/2007, 05:45 AM
تسلم والله أخوي // بن محفوظ
يعني مالك الا كفرات الوكالة ... بس ياخي بعد مارفعت الموتر صارو صغار كفرات الوكالة على الموتر
وهل يعني هنكوك احسن من البريجستون اللي هي عليه...

الله يعطيك العافية وتسلم اخوي

أخوكم
عابر القارات
راس الرعيلة
27/07/2007, 06:05 AM
البرجيستون قاسي وأنا أخوك

أميل لكلام الأخ بن محفوظ
الكايف2
27/07/2007, 01:01 PM
عايرالقارات السلام عليكم اسمع وانا اخوك انا جربت الثلاث شد بلد البرجستون قاسيه وجربت الهنكوك نفس مقاس الوكاله 245علي65جنط17وجيده مره المطب زين ورخيصه ولينه وانصحك فيها وجربت دنلوب اكبرمن مقاس الوكاله 265علي65جنط17وتحك شوي من جهت اليمين ومطبها قوي قاسيه ارجوا اني افتك بشي تقبل تحياتي 00000
فلر
27/07/2007, 02:47 PM
الحقيقة أني ركبت كفرات فايرستون
لقيتها ممازة جدا.....لاني لقيت السيارة مريحة جدا :D
.أبوعبدالرحمن
27/07/2007, 02:53 PM
دنلوب وبس

انا مركب يوكوهاما قااااااااااااااااااااااااااااااسيه
عاير القارات
28/07/2007, 10:29 AM
ابومالك - الكايف2 - ابو التمائم - ابوعبدالرحمن الصفيان
الله يعطيكم العافية وماقصرتوا
تحياتي
عابر القارات
عبدالرحمن السالم
28/07/2007, 11:02 AM
هلا والله ومرحبا اخوي عابر القارات

والله كفرات الوكاله قاسيات مره وغيرتهن حطيت دنللوب مقاس 265/65/17

لينات بالحيل وزينات وانصحك بهن

والله يوفقك ان شاء الله .. لكن بسألك الكعكات إلى قدام وين ركبتهن ..؟
لاني مركب يايات والموتر نازل من قدام شوي ..

والله لايهينك
عبدالرحمن السالم
28/07/2007, 11:16 AM
شف الرابط هذا عابر القارات ولو درت بالصفحات تلقى مواضيع كثيره للكفرات

دنلوب على باث
http://www.mekshat.com/vb/showthread.php?t=40536 (http://www.mekshat.com/vb/showthread.php?t=40536)
عاير القارات
28/07/2007, 09:03 PM
هلا والله // دحيم اخر لفة
تحياتي لك وعلى مرورك
يالنسبة للكعكات موجوده في الدمام وفي كل مكان بس تجي مقاسها 3 سم
انت اشترها وبعدين ودها المخرطة خله يسويهالك 2 سم
صدقيني الموتر بصير نصبته نصبه لاند اذا انت عندك يايات الرماية الاسترالية بالخلف
واذا انت بالدمام اوريك موتري عشان تشوفه على الطبيعه ..
تحياتي واشواقي
بن محفوظ
29/07/2007, 09:57 AM
عابر القارات .. صباح الخير

اذا انت رافع الموتر .. خلاص انتهت مشكلتك ... ركب دنلوب ...

ولاتنسى تدعي لنا ..
salehhd
29/07/2007, 12:34 PM
السلام عليكم

افضل كفرات للتحمل وتعيش كفرات الوكالة برجستون او ميشلان وسعرها مثل بعض 540 للكفر
لاكن مشكلة القساوة شوي لاكنها هادية في الخطوط وماتطلع صوت

وركم نفس حجم الوكالة ابرك واريح للموتر
الساهر2003
29/07/2007, 07:20 PM
السلام عليكم
ياشباب نصحني يماني معامله في الغرابي في الرياض قبل اربع سنوات بكفرات للاند يقول حلوه لكل شي لرمل ولينه ولا فيها صوت ولجبال وتتحمل الحرارة والسعر وسط ومواصفاتها عالية افضل من مواصفات كفرات الجيوب وهي الفايروستون ومريته قبل فتره بسيطه وسالته عن كفرات الباث وقال الفايرستون منزلين كفر افضل مواصفات من الفايرستون اللاند يتحمل سرعة 210 كيلو ونفس ارتفاع الوكالة واعرض بشوي والنقشة حلو وسط قريبة من نقشة الهانكوك والسعر 440 ريال والتاريخ جديد وياباني وانا مجرب الفايرستون على اللاند مشت معي 80000 كيلو تحطيم ارقام صمان ودهنا وان شاالله راح اركبها على الباث
والسلام
نمر 33
31/07/2007, 05:21 AM
مشلان حلوه ومريحه بالخط مرررررررره (لينه) بس غالية الواحد 620مع التركيب والضمان مفتوح

والهانكوك سعرها معقول وممتازه
بن محفوظ
31/07/2007, 08:36 AM
الساهر ...

هل فايرستون لينه .. مثل دنلوب
عاشق مكشات
31/07/2007, 09:43 AM
السلام عليكم

أفضل كفر هنكوك أنا مجربه ولها الآن سنتين ماشفت فيها اي عيب
الساهر2003
31/07/2007, 10:49 AM
السلام عليكم
الفايرستون اقسى من الهانكوك بقليل والين من البرجستون لكن جبلية رملية طرق بتاع كله
وان شاء الله بعد تقريبا شهر راح اغير الكفرات واعطيكم خبر من ناحية الليونه والاستعمال بعد كذا شهر من الاستعمال
والسلام
عاير القارات
31/07/2007, 10:37 PM
الله يعطيكم العافية يالربع واللي عنده افادات رجاءا لا يبخل علييييينا الله يجزاكم خيير
وتحياتي للي مروا من خلال الموضوع
اخوكم
عاير القارات
12/08/2007, 03:25 AM
يالربع نبي آرائكم بعد بخصوص كفرات الباثفندر مع التجارب
لتعم الفائدة
شاكرين ومقدرييييين
بن محفوظ
12/08/2007, 09:02 AM
بالنسبة للدنلوب .. ياليت الاخوان يأكدون لنا المقاس من جديد..
لان فيه محل دنلوب في شارع الضباب في الرياض يقول مافيه دنلوب نفس مقاس الوكالة ..

يقول مافيه الا 265 على 70 جنط 17

ودمتم سالمين ..
عاير القارات
13/08/2007, 12:47 PM
هلا والله بن محفوظ ..
الا موجود انا سائل عنه بس المقاس الزين على قول الربع 265/65/17 وانا البارح شايفهم اربعه بـ1880
يجي زي الشد بلد بس اعرض شوي
والي عنده معلومات لايبخل علينا
تقبلو تحياتي...
ابو رسيل
15/08/2007, 02:25 PM
اخوي عاير القارات
انا معي باث 2003 وتعذبت من كفرات الوكاله البرجستون (ياكرهيلها) وحست ودورت مالقيت مثل مشلان شريت الطقم 4 ب 2500 ريال من اكثر من سنه رزه على الموتر ومريحه ومالها صوت على الخط حتى 180 ماكنك تمشي وبالبر حلوه بعد لينه والمقاس نفس الوكاله 17*65*245 لا تغير عن مقاس الوكاله والدنلوب حلو مره بس مافيه مقاس الوكالة للاسف
دمت بود
راعي الخطوط
15/08/2007, 02:57 PM
صحيح إن البرجستون قاسيات شوي
لكنها تتحمل الظروف الصعبه والوعره
وأنا بوجة نظري أنك تاخذها ولا تاخذ دنلوب
لأن مضره على السياره وشكلها قبيح جدا
وإن كان تبيها للنفود ونصبه خذ هنكوك بس ترها ماتتحمل الصخر والشعبان تتشقق على طول
وشكرا
الباثفيندر
16/08/2007, 03:44 AM
اخوك مجرب الدنلوب مقاس 265\17\70 نفس حق البرادو لكن مشكلتهن الكبر ويثقل الموتر وانصحك اذا مانت راعي حصيان وشعبان خذ هانكوك او فايرستون مقاس البلد
خ الفياض
16/08/2007, 10:51 PM
دانلوب ورفع يدك واذا مره مره مره برجستون
ميهاف
16/08/2007, 11:31 PM
اسال مجرب الهنكوك عطي الله
العليمي
17/08/2007, 12:14 AM
الفايرستون الي نقشة دعسته اربع خطوط مستقيمه . يتحمل خطوط و نفود و لين مره . لاكن ما يتحمل حصى لأن جوانبه ضعيفه و هذا من تجربتي له .
ابوعبيده
18/08/2007, 03:28 AM
ياشباب نريد كفرات للباث فندر للخط والطريق اهم شي ثمن الشعبان ..................

من يدلنا علي هالكفرات ........

عااااااااااااااااااااااااااجل
ابو رسيل
18/08/2007, 08:50 AM
ياشباب نريد كفرات للباث فندر للخط والطريق اهم شي ثمن الشعبان ..................

من يدلنا علي هالكفرات ........

عااااااااااااااااااااااااااجل

هلا اخوي انا مركب (مشلان ) بس تراه غاليه وحلوه وين ماتبيه واسأل بعد قبل ماتركب احسن لك ويمدحون الدنلووووووب حلو وارخص من المشلان شوي بس صعبه تلقا مقاسات الوكالة .
المطرطع
18/08/2007, 12:23 PM
ورى ما تبيعني السيارة الباثفندر وتفتك من الغثاء وهذا جوالي 0507477162
جول قميري
18/08/2007, 02:54 PM
وانا بعد ابي كفرات زينات للباترول ابي شي زين للحصى والجلاميد وهو رخيص تكفون لا تخلوننا
سبيع الغلباء
18/08/2007, 03:03 PM
اخوي عابر
ولا يهونون الاخوان
انا اذا كانك راعي بر ونفود وجلد
لا تعدا ميشلان
انا اشهد انهن كفرررررات
ابوعبيده
19/08/2007, 05:27 AM
ياشباب نريد كفرات للباث فندر للخط والطريق اهم شي ثمن الشعبان ..................

ننتظر الاجااااااااااااااااااااااااابه
ابوعبيده
19/08/2007, 10:27 PM
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ابو رسيل
20/08/2007, 01:56 AM
ياشباب نريد كفرات للباث فندر للخط والطريق اهم شي ثمن الشعبان ..................

من يدلنا علي هالكفرات ........

عااااااااااااااااااااااااااجل

ياخوي خذ ميشلاااااااااااااااااان ولا تدردد وتلقا مقاس الوكاله الكفر الواحد ب 625 ريال
salehhd
20/08/2007, 02:24 AM
السلام عليكم

كفرات الميشلان مقاس الوكالة سعرها 540 ريال وانا مغير طقم قبل اقل من شهر
وتاريخها اسبوع 8 عام 2007
عبدالرحمن السالم
20/08/2007, 12:49 PM
ياخوي المشلان قاسيه

واحد من اخوياي معاك فورد اكسبلورر يقول قاسيه بالمره ومطبها ينفض الموتر نفض
وفوق كذا ماتنفرش بالنفود وهي زينه بالحصى وحقت خطوط ..

بالنسبة للباثفندر آرى ان الدنللوب هو المناسب .. مقاس 265/65/17
ابوعبيده
21/08/2007, 02:46 AM
شكر لكم وننتظر المزيد
ابو رسيل
21/08/2007, 12:08 PM
السلام عليكم

كفرات الميشلان مقاس الوكالة سعرها 540 ريال وانا مغير طقم قبل اقل من شهر
وتاريخها اسبوع 8 عام 2007

يمكن هذا عرض جديد ما عرف عنه شيء تقول اقل من شهرانا معي باث 2003 مغير لمشلان عن الوكيل الي على خريص بشرق الرياض من سنه تقريبا 4 كفرات ب 2500ريال وكان فيه عرض خاص ردولي من ال 2500 ريال(200 ريال كاش + عيار هواء الكتروني صناعه فرنسيه)الكفر قبل الخصم 625 ريال وبعده 575 ريال والي اعرفه ان العرض انتهاواما عن كفرات ميشلان انا انصح به نفود بر بشكل عام وخط ومالها اثر مع المطاب ورزه على الموتر بعد ومفاس الوكاله
ابوعبيده
21/08/2007, 04:44 PM
بورك فيك اخي
العـابر
23/08/2007, 08:51 PM
والله انا مركب ميشلان والحمدلله مرتاح معهن على الاخر خط وبر
صحيح ان سعرهن مرتفع شوي بس ما شاء الله لك وللزمن
salehhd
02/09/2007, 02:37 AM
السلام عليكم

لما ركبت الكفر ركبتة برى الوكالة لان الوكيل مع الاسف يزود الاسعار بجنون وفرق اكثر من 80 ريال في الكفر
وصناعتها كندية
أبو ذولا
02/09/2007, 03:41 AM
يا خوي لا تعدى ميشلان تراه مجرب أنا معي باث فاندر لكن ماعندي نية أغير الحين لكن واحد من الجماعة صارت له نفس المشكلة ومعه باث فاندر وسأل عن أحسن نوع وقالوله ووصوه بققوة بـــ ميشلان / لكن عندي استفسار للي رافع جيبه .. كم تكلفة الرفع للسانتيمتر الواحد؟؟؟؟؟ ردوا علي تكفوووون