فزعت الاخوان عامه ,, طيري مصاب بمرض [الأرشيف]

مشاهدة النسخة كاملة : فزعت الاخوان عامه ,, طيري مصاب بمرض

وشــــام

26/07/2007, 01:33 PM

السلام عليكم

اخواني عندي مشكله بالطير و هي من اجازة الحج موجوده ورحت للمستشفى بس مافيه فايده .

المشكله هي ان الطير اثناء النفس يبدا يتنفخ اللي بين منسر الطير وعينه استخدمت حبوب قلاع وسويت له تنضيف لمنخر

الطير بس مافيه فايدة الطير ماعنده مشكله بالطرد لكن بعد الربطه مادري عنه ....

اخذت عينه من السائل اللي طلع من التنضيف ولقيت به نسبه من الفطريات لكن المشكله ماحصلت علاج متخصص او

يمكن استخدامه موضعي بالمنخر ....

كلمت خالد العويدي وقالي هذا قلاع نشب بمنخر الطير جبه و افتحه وانضفه لكني خايفمن الطريقه هذي وابي اذا احد

عنده خلفيه عن الطريقههذي يفيدنا عن مدى نجاحه و اعراضه الجانبيه....

بالختام اطلب فزعت الاخوان عامه واهل الامارات و ابو رداد و الدكتور ايكو خاصه اذا يه علاج او مضاد

للفطريات يستخدم عن طريق الانف ا وحبوب او حقن مع اني ما احب الحقن بمستشفى الطيور بالامارات او خارج

الامارات يمكن ارسال عنوان اي مستشفى او شركة يمكن مراسلتهم وشكرا

وجزاكم الله خير مقدماً .

أبو رداد

26/07/2007, 01:58 PM

وعليكم السلام ورحمة الله وبركاته

الله يحيك اخوي
وانا حاضر للمساعده في اي شكل
واذا كان احضارك للطير الى الامارت سهل
فانا اتكفل بعرضه على الطبيب وعلاجه
,,,
وبخصوص طريقة العلاج فما اقدر افتي لك باي طريقه اصح
قبل استشارة الطبيب .. لان ماسبق ان مرت علي طير من طيوري مثل هذه الحاله
واليوم خميس والدوام منتهي وهذول انقليز (الدوام دوام والاجازه اجازه)
,,,
والعويدي الرجل ماعرفه لكن شفت اللقاء الي اجري معه
يجمع بين الخبره والطب القديم و الطب الحديث
وفاهم في مجال اختصاصه
ولك الحريه في اختيار طريقة العلاج والشخص المعالج
,,,
وان شاء الله يساعدوك الاخوان الي مرت عليهم مثل هذه التجربه
والله يعينك ويشفي طيرك
والسلام

قلب شاهين

26/07/2007, 02:20 PM

والله وانا اخوك ماعندي علم بالحاله الي في طيرك ،،

بس أنا أنصحك انك تسوي العمليه عند العويدي واذا ما ودك ارسل الطير الى الخارج يمكن يكون عندهم علاج لهذه الأمراض ،،
تحياتي ،،

طارق الحربي

26/07/2007, 03:18 PM

الاعراض اللي ذكرتها اظنها اعراض رداد

على ما اظن

طيرحوران

26/07/2007, 03:44 PM

وده للعويدي
وبإذن الله انه يشفى

الاشعل 316

26/07/2007, 04:56 PM

وانا خوك انصحك انك تودي الطير عند العويدي

مادام انه يعرف المرض

وتقبل تحيات

اخوك ابو سطام

وشــــام

26/07/2007, 10:03 PM

السلام عليكم جميعاً

اخوي ابو رداد مشكور على الرد وياليت تشوفلي الدكتور وتسألي مستشفى الطيور بالامارات عن علاج الفطريات بالمنخر وماقصرت على سرعت الرد ...

صقار القصيم
الطير ماهوبرخيص لكن مادري عن السماح بالخروج بالطير...

الاخ طارق الحربي ..
90 % انه رداد لان المسبب فطريات وقريت موضوع بالمنتدى للعضو سرهيد على ما اضن وذكر علاج للرداد ولكن هل هو مجدي او لا مادري راح اجربه لكن بعد الربطه ان شاء الله اذا مالقيت علاج متخصص للفطريات يعطى عن طريق المنخر ..
مشكور على ردك

طير حوران ...
يشرفني ردك وابوديه بس بعد الربطه لانه قالي اذا ماعنده مشكله بالربطه جبه بعد الربطه ...

ابو سطام ...
اخر العلاج الكي ماودي افتح لهات الطير الا بعد ما ايس من عدم وجود دواء مخصص للفطريات لاني عملت زراعه و توصلت للمسبب بس باقي العلاج مالقيته ...
وليت اذا فيه احد خريج كلية الصيدله يفيدنا بنسبة تخفيف ادوية الفطريات مثل النستاتين لانه يحتوي على الكحول وهي ماده تسبب تهيج للاغشية المخاطيه.

ومشكورين على استجابكم وفزعكم

algnaa9

26/07/2007, 11:57 PM

[quote=خشم الهامل]السلام عليكم

اخواني عندي مشكله بالطير و هي من اجازة الحج موجوده ورحت للمستشفى بس مافيه فايده .

المشكله هي ان الطير اثناء النفس يبدا يتنفخ اللي بين منسر الطير وعينه استخدمت حبوب قلاع وسويت له تنضيف لمنخر

الطير بس مافيه فايدة الطير ماعنده مشكله بالطرد لكن بعد الربطه مادري عنه ....

اخذت عينه من السائل اللي طلع من التنضيف ولقيت به نسبه من الفطريات لكن المشكله ماحصلت علاج متخصص او

يمكن استخدامه موضعي بالمنخر ....

كلمت خالد العويدي وقالي هذا قلاع نشب بمنخر الطير جبه و افتحه وانضفه لكني خايفمن الطريقه هذي وابي اذا احد

عنده خلفيه عن الطريقههذي يفيدنا عن مدى نجاحه و اعراضه الجانبيه....

بالختام اطلب فزعت الاخوان عامه واهل الامارات و ابو رداد و الدكتور ايكو خاصه اذا يه علاج او مضاد

للفطريات يستخدم عن طريق الانف ا وحبوب او حقن مع اني ما احب الحقن بمستشفى الطيور بالامارات او خارج

الامارات يمكن ارسال عنوان اي مستشفى او شركة يمكن مراسلتهم وشكرا

وجزاكم الله خير مقدماً .[/

مرحبا يا اخوي طيرك ما فيه الا العافيه ان شاء الله هذا ماء يجي في الراس و علاجه بسيط

تحط الطير في الشمس الصبح لمدة ربع ساعة و بتشوف الماي يطلع من منخره

والعلاج الثاني تعطيه علفه فيها عظم علشان ينترها و يتلها ويطلع من منخره بعد واحسن علفه للشغله هاذي رقبة الذبيحه

سرهيد1

27/07/2007, 12:35 AM

السلام عليكم

أخوي من عندي تساؤلات:

هل المنخرين كلها منسدة والجفنين كلها تلعب....؟؟؟

هل فحصت (( جماء )) الطير من وجود الريش أو الوسخ ....؟؟؟

هل أعطيت الطير أي علاج كيميائي ؟؟؟؟

هل الطير أثناء التنفس العادي يواصل فتح بوزه ....؟؟؟؟

الرجاء أن تكون الاجابات بتفصيل قليلاً

وشــــام

27/07/2007, 02:15 AM

لسلام عليكم

اخوي القناص مشكور على المرور وعندي سؤال هل تنصح بوضع الطير بدون تكييف ..؟

اخوي سرهيد مرحبا بك اما الاجابة على اسئلك فأقول :

الجفنين تلعب و منخر واحد هو اللي اشوفه يبين عليه اثر انسداد
جما الطير لم اتفحصه وهي اللي قالي العويدي ابفتحه و انضفه من القلاع
نعم اعطيت الطير حبوب قلاع - حبوب ديدان - مضاد للفطريات لمدة يوم ودهور الطير بدا يقذف علفه وطلع داخل الفم دمل صغير وبمجرد ما تركت العلاج رجع الطير طبيعي ( علاج مصري يوضع مع الما ) اخر مرة رحت للمستشفى عطون حبوب مضاد للالتهب الرئوي ...
اثناء التنفس العادي لايفتح بوزه لكن اثناء التنفس السريع الظهر او اذا كافخ واجد وهذا بنضري شي طبيعي ...

مشكورين على الردود

ابوحافظ

27/07/2007, 04:36 AM

الســــــــــلام عليكم ورحمة الله وبركاته...

اخوي خشم الهامل مثل ماقاالك اخووي القناااص وانا معه بهالكلام.... ابشررك ان طيرك مافيه الاالعاافيه طمن وانا اخوووك وانا اقوولك الطريقه...

هالحاااله مرت علي مع 4طيوور منهن طيري وطيوور خوياااااي....

طيرررك فيه سدد بمنخاااره ؟؟ ومن الطبيعي اذا انسدت مناخر الطير يصعب عليه التنفس وتشووف بمحااجر العين تنتفخ كأنه يتنفس من عيوونه.؟.

الطررق وهي كتالي:

1- تنقط بمناخر(تقريبآ كل منخر نقطتين) الطير زيت زيتون وتخلي طيرك بالشمس الصبح يعني نص ساعه وتخلي بقربه ماااء لاتنسااه...وانت عنده طبعآ.. تخليه على هالحااله مدة ثلاث ايام ... وقبل معشى الطير حااول انك تجيب عصبه من عصب ذبيحه وفيها لحم شووي علشاان الطير ينتل بقووه وراح اتشوو ان شاءالله الوصخ يظهر من منخر الطير ومااااء وخلك كل يوم على هالطريقه زيت زيتون وعصبة ذبيحه ..

2- الطير بقرنسه الحين وهذي تعتبر مشكله الا اذا كان عندك بنج وتخدر الطير.. بعد التنقيط زيت زيتون وعقب مادخله من الشمس وهو الحين مخدر جيب لك مثل الابرره او منقاااش بس يكون صغير ويكون شووفك ممتاز وتنظف مناخر الطير وان شاءالله يزول الشر عنه وتذووق صيده ويطربك..

هذهي الطرق انا مجربها ونجحت معي بفضل الله سبحانه وتعال..

والمستشفى افضل شي وانت حر...جيتك فزعه باللي اعرفه وجربته..

اخوووك ابو حافظ تقبل مروري ...

algnaa9

27/07/2007, 12:39 PM

وشــــام

27/07/2007, 02:27 PM

السلام عليكم ....

مشكور ابو حافظ على المرور وابجرب طريقك وطرق الربع والله يجيز العلة..

القناص مشكور على المشاركة لكن اعرف رجال مايقرنس الابدون تكييف ويمر ايام ينقز الطير ويوجد راعي مربط بحايل يقرنس بدون تكييف وتطلع طيورهم باول الوقت ومن احسن الطيور ..

يبقى ان الموضوع قناعه وانا ما اقرنس الابمكيف لانه اذا جيت اعلف الطير اشوفه مرتاح وغير مجهد وياكل علفه كامل اما بالحر ماياكل وقد يأثر على صلابة الريش وقوته ...

طولت عليكم لكن اعذرون على الاطاله وماقصرتو ....

سرهيد1

27/07/2007, 08:51 PM

السلام عليكم ورحمة الله وبركاته

أخي خشم الهامل جوابك الان ظهر فيه أن الطير مصاب بقلاع في الجماء على مافهمت من ردك ....!!!

لو كان هذا الكلام صحيح يجب أن يتم تنظيف جماء الطير من الداخل ( داخل البوز ) وهذه الطريقة لم أجد من يتقنها خير من ابو عبد الله ( العويدي ) خصوصاً أنه لا يستخدم من اجل ذلك بنج على خلاف المستشفيات . واشير عليك بالذهاب بطيرك له كي ينظف لك جماء الطير .

أما لو كان الطير مصاب بفظريات ( التنخير ) وهذا ما يطلق عليها شيباننا ( رداد الراس ) فهذا علاجه بسيط وقد تطرق لوصفة العلاج الأخوان قبلي ,,,,,, ولكن للأسف أتوقع أن الانتفاخ الذي تراه في الجفن سيستمر مع الطير حتى بعد علاجه .... حيث أن هذه الفطريات تنخر في غظروف المنخر وتفتحه على جفون الطير مما يسبب ظهور ظغط الهواء في الاجفان .... ولكن ذلك لن يكون له تأثير على طيار الطير أو صحته على البتات في حالة علاجه بشكل تام .

شوري عليك أن تغير موقع الطير الذي تربطه فيه لأن الفطريات التي أصابته تأتي من التربة .

هذا والله تعالى أعلم

صقر20

27/07/2007, 09:23 PM

شوري عليك أن تغير موقع الطير الذي تربطه فيه لأن الفطريات التي أصابته تأتي من التربة .

هذا مايسمى بعلم الأوبئة
Epidemiology
ولقد أثبتت ردودك أنك على درجة كبيرة من الخبرة والثقافة العلمية.....
فأنت بلا شك مكسب للمنتدى وأخص خيمة الصيد بالصقور بدون مجاملة
بيض الله وجهك وزادك من علمه ياغالي

عجمي

27/07/2007, 09:30 PM

السلام عليكم ورحمة الله وبركاتة

اخوي خشم الهامل فية واحد من الربع عندة طير كانت عينة تدمع على طول وكذلك منخر الطير تخرج منة مادة سائلة واحد المناخر يتسكر ويصعب تنفس الطير وكذلك الطير عند الطيران يفحم واجد عند القيام بأقل مجهود ...والرجال وداة للمستشفى العام الماضي وفحوصات وعطوة علاج لكن الطير على وضعة ...وبالربطة هذي زاد مرض الطير اوداوة لم العويدي وقال فية قلاع فوق عين الطير بالجفن تحديداً وسوى لة عملية والحمد للة الطير تشافا وصار طبيعي مرة

وانصحك مثل ماقالو الأخوان بالعويدي وان شالله يرجع لصحتة ويطربك بصيدة

اخوك عجمي

وشــــام

30/07/2007, 05:34 PM

السلام عليكم ...
اسف لتأخري على الرد عليكم لكن ضروف العمل ..

الاخ صقر مشكور للمرور ....

الاخ سرهيد الله يجزاك خي ما قصرت انت بنك معلومات مكشات دائماً تتحفنا بالجديد و المفيد ولكل مشكله عندك حل باذن الله ماشاء الله عليك....

عجمي : حياك الله الساعة المباركة اللي نقرالك به رد قطعتبنا بس ننتضر زيارك باسرع وقت.

قرناس خلوي

31/07/2007, 12:53 AM

السلام عليكم ورحمة الله وبركاته

أخوي أنا انصحك بالعويدي خاصه إنه إنسان خبير وجميع الصقارين يشيدون به وأنا من بينهم لأن لديه خبره وهو صقار وطبيب في نفس الوقت وهذي ميزه ماتلاقيها في المستشفيات أبداً .. هذي نصيحتي والله يكتبلك اللي فيه خير ،، ويشفي طيرك إنه على كل شئ قدير ..

والسلام عليكم ورحمة الله وبركاته ،،،،

صارووم

31/07/2007, 08:32 AM

الله يشفيه ان شاء الله

وشــــام

31/07/2007, 11:54 AM

السلام عليكم

مشكور اخوي قرناس خلوي و صاروووم على مروركم الكريم

عاشق مكشات

31/07/2007, 12:55 PM

الله يعطيك العافيه على الموضوع

المزروعي

31/07/2007, 01:25 PM

السلام عليكم ... اخوي انا حصلتلي نفس الحاله . وهذا انتشر عند ربعي . معناته اللي في طيرك معدي . ولو اكتفيت بالعلاج مايكفي . قبل لا تبدا بالعلاج . غير وكره او نظفه بديتول او مطهر ومعقم . ثاني شي حاول تغير برقعه اذا اتحطله برقع . المكان او الغرفه حاول تسويلها تعقيم كل سبوع ... بعدين العلاج سهل . كريم اتحطه مدة ثلاث ايام ويغدي بخير .. لنه اللي في طيرك فطريات علا ماذكرو اخواني

وشكرا

امير الرفيعه

01/08/2007, 12:03 AM

والله ياطويل العمر اول مره اسمع بها الحاله

لكن لو انا مكانك اوديه عند ابو عبدالله ( خالد العويدي )

لانه رجال صاحب خبره ويخاف الله في الطيور

والله يعافيه ان شا الله

وشــــام

01/08/2007, 03:06 AM

السلام عليكم ...

عاشق مكشات مشكور على المرور ....

المزروعي الطير رابط معه شيهانه ومابه الا العافيه ومن ناحية تعقيم المكان بعد قبل ماجيب الطير عندي للبيت غيرت الارضيه ورشيته ديتول وخليته معرضه للشمس عشرة ايام .... من ناحية التعقيم شغلتي لا تخاف حتى الشبك اغسله .

اما من ناحية العلاج ليت تكتبلي الاسم التجاري للكريم او المادة الفعاله لو سمحتلاني مثل ماقلت ماحصلت علاج متخصص ومشكور لتفاعلك ...

امير الرفيعة مشكور على مرورك الكريم