ياشباب الفزعه

[مسفر الاكلبي]

السلام عليكم ورحمة الله وبركاته


وبعد انا شريت جيب ربع موديل 91 تويوتا ولا عادها الله من شريه

تقوم حرارته الا وقفت على طول توصل قريب الاحمر طبع والمكيف شغال واذا مشيت تنزل الثلث


البلف مشيول ويمشي 160 ماعنده مشكله,, وصوت المكينه ممتاز

فكيت الراس وجلخوه عند المخرطه وركبنا وجهين راس اصلي ما فيه فايده

غيرنا تماتيك مروحه ومروحه وطرنبة مويه اصلي ما فيه فايده

شريت راس مكينه اصلي ب 2400 ووجه وكاله ما فيه فايده


وزنت البلوف والديلكو,,,

غيرت حساس الحرارة اللي عند البلف

سيخت الراديتر مرتين ما فيه فايده

اذا اسرعت تجي الثلث يادوب اوقف توصل الاحمر,,

المروحه ما هي مقلوبه الخرطوش ينتفخ

غيرت غطاء اديتر اصلي,,

شوفوا لي حل ولا اعشقه وادحدرة مع القديه ’’’’’’’ الحق ما تلحق



والسلام

[دايم المحبه]

طيب يمكن من امبير الحراره الي في الطبلون خربان ركب ساعه حقت الحراره الامريكيه وجرب

[مسفر الاكلبي]

ما أعتقد لان الخرطوش ينتفخ والكهربائيه ما اقتنعوا انه خربان,,


وبعدين شيء غريب الحراره قربت الاحمر ولا يرجع ماء في القربه الصغيره ابدا ما عمره فور في القربه الصغيره


لازلت بأنتظار مرئياتكم,,

[قناص الضواري]

يمكن أخوي أن الماصورة اللي تطلع الماء للقربة منسدة ...فحصها سهل أنفخ اللي إللي رايخ للقربة إذا طلعته من القربة ولاحظ هو يطلع معه هوى وللا لا
وإذا صار مهوب هو غير تماتيك المروحة والمروحة وشف...!!!
والله يفك كربك ويريك ما يسرك

[مسفر الاكلبي]

هلا بك يا قناص الضواري وكل اللي قلته سويته

والمروحه والتماتيك جديده

[السعساع]

ممكن يكون تماتيك المروحه ممكن يكون الريش صغيره اوركب مروحه كهربائيه

[قناص الحبارى]

الرديتر اكــــــــــــــــيد مسدد ... لا تصيخه ...:director: :no2:
(( غيره بواحد جديدد من المصنع تفصيل )) ... وباذن الله تنتهي مشكلتك

لا تنسى انه موديل 91 يعني الرديتر مصدي ومسكر ولا ينفع معه التصييخ ولا زم تبدله .. لأانك تقول اذا وقفت ترتفع الحراره معناها ان الهوا ما يتخلل من الرديتر مع انك غيرت كلتش المروحه

جرب وعلمن... :j


اخوك/ قناص الحبارى

[Alwaily-Q8]

السلام عليكم ورحمة الله وبركاته


وبعد انا شريت جيب ربع موديل 91 تويوتا ولا عادها الله من شريه

تقوم حرارته الا وقفت على طول توصل قريب الاحمر طبع والمكيف شغال واذا مشيت تنزل الثلث


البلف مشيول ويمشي 160 ماعنده مشكله,, وصوت المكينه ممتاز

فكيت الراس وجلخوه عند المخرطه وركبنا وجهين راس اصلي ما فيه فايده

غيرنا تماتيك مروحه ومروحه وطرنبة مويه اصلي ما فيه فايده

شريت راس مكينه اصلي ب 2400 ووجه وكاله ما فيه فايده


وزنت البلوف والديلكو,,,

غيرت حساس الحرارة اللي عند البلف

سيخت الراديتر مرتين ما فيه فايده

اذا اسرعت تجي الثلث يادوب اوقف توصل الاحمر,,

المروحه ما هي مقلوبه الخرطوش ينتفخ

غيرت غطاء اديتر اصلي,,

شوفوا لي حل ولا اعشقه وادحدرة مع القديه ’’’’’’’ الحق ما تلحق



والسلام




وعليك السلام والرحمه...يا مسفر الاكلبي

سيارتك والله أعلم أنها كانت من أيد نشيط لأنشط. :D

الحرارة أذا ارتفعت (( بشكل غير عادي)) أسبابها كثيره وتطلع من أشياء ما أتوقعها ابد أبي أقولك اللي أعرفه. :confused:




الراديتر: يهرب أو فيه سدد مصدي أو غطاء الراديتر يدخل هوا (( بنسبه لسيارات الجديده)) أو (( الراديتر ما يناسب حجم المكينه أذا كان مستبدل))

الأهوزه الماء ((خراطيش)) : قديمه متيبسه أو ملتفه.

المروحه خربانه أو تماتيك المروحه أو كلاجات المروحه أو وايراتها خربانه أو كسر بريش المروحه أو أنها مقلوبه.

الفلسات : مخرومه من الصداء أو غير أصليه.

راس المكينه مشعور أو شده غير متوازن (( الشد بالتساوي على كل البراغي)) أو تلف قازقيت الراس.

عدم الشد على الصبابات.

طرمبة الماء خربانه.

الزيت أذا نقص.

دقمة الحراره.

عداد الحراره أذا خرب يسبب أرتفاع بالحراره. <ـــــــــــــ (( يمكن ما تصدقونها ))

الغايش مرتخي أو البكرات خربانه.

أنسداد القزوز (( الشكمان)) خصوصاً من دبات التلوث ولو أني ادري أنك ما رديت على البيئه :p

خراب الترمستات.

الديلكوو: عيار الهواء أو أي عطل من الفحمات او ما يعطي كهرباء عدل.

تصفية السياره خصوصناً من السليتر. <ــــــــــــــــــ (( بعد يمكن ما تصدقونها))

خرط السلندر 60 يرفع الحراره.


وهذا اللي أذكره عاد انت سيارتك موديل 91 شفلك وحده من هل الأعطار أذا مو ثلاث ولا أربع.




http://www.mekshat.com/pix/upload/images42/mk58566_h.jpg

[مسفر الاكلبي]

الوايلي ابي تحديد,,

كل الاشياء الليى قلت صحيح تسبب الحراره,,

بس مو معقول اغير كل شيء

تحياتي لك,,

[Alwaily-Q8]

الوايلي ابي تحديد,,

كل الاشياء الليى قلت صحيح تسبب الحراره,,

بس مو معقول اغير كل شيء

تحياتي لك,,


س: بدلت أمبير الحراره اللي بطبلون ؟؟؟

[مسفر الاكلبي]

لا هل ممكن يكون السبب,

بس تحس الخرطوش قوي ,,

[Avalanche]

يا أخوي
على كل الي غيرتة ..... وما مشى الحال
الله يكون في عونك
وأتمنى أن لا يكون موترك علية عين

[abu hlal]

الحل بسيط!!!!!!!!

1-ركب البلف(الثرموستات)
2-قدم الديلكو


تحياتي

[مسفر الاكلبي]

bo_3bood


والله ياخوي الناس اول ما يشوفون الربع تقول شايفين بانوراما ,, وهو والله الموتر شكله زين ونظيف بس ما لقيوا يعينون الى 91


وعلى العموم السوداني اللي في الورشه يقول موترك جانا واحد الله لا يوفقه وجلس يدير الموتر واخاف لا يكون صكه بعين


طيب وراه ما راح يعين الجدد وش يبي بذا الكسره,,

مشكور اخوي,,

[مسفر الاكلبي]

abu hlal


طيب اخوي لو ركبت ترموستات ما تزيد الحراره’’


الحين توصل قريب الاحمر لو اركب ترموستات اخاف توصل الاتش,,


شكرا لك على مرورك.