مشوره شراء الفورتشنر أو الباثفندر؟؟؟؟؟؟

[المرابط]

السلام عليكم ورحمة الله وبركاته

المشوره يا أعضاء مكشات والمثل يقول

ماخاب من إستشار

أنا ناوي أشتري جيب قريبا وأحترت بين الفورتشنر 6 سرندل 2007

أو باث فاندر 2005

وأحترت آخذ أوتوماتك أو عادي قصدي القير

والموتر أبغاه بتاع كله مدينه سفر بر

علما أن 70 % من أستخدامي مدينه وخطوط بسبب ظروف عملي الصعبه

وألا كان علي الأقل 50% أستخدامي ل السياره للبر

وأرجو من الجميع المشاركه وأتحافنا بما في جعبتكم

الله لا يحرمنا بما في جعبكم وجعلكم ذخر لنا

[Khalid AlGhamdi]

وعليكم السلام ورحمة الله وبركاته

حيا الله المرابط ، انا قبل شهر بالضبط كنت في مثل وضعك :) واحتياجي مثلك تقريباً ..

وبعد تفكير طويل ابشرك شريت الفورتشنر 2007 6 سلندر لعدة اسباب

اولها انه 3 صفوف مقاعد ، وفيه مكيف خلفي ، وتويوتا معروفة بشكل عام بجودتها

مع ان الباثفايندر مجرب وهو موتر ماعليه كلام بس مشكلته انه مافيه مكيف خلفي الشكل 2005

والشكل الجديد من الباث صار حق مدينة اكثر خصوصاً مع الدبل الازرار :)

وبخصوص الفورتنشر الـ 6 سلندر يجي منه نوعين

Vx1 و Vx2

الفرق بينهم الـ Abs و شاشة صغيره مكان الساعة فيها معلومات ( اتوقع مثل درجة حرارة والاتجاهات ) والجنوط .

وكلها يجي فيها حساسات وكشافات ودعامة ومثبت سرعة يعني مافيه اي فرق غير اللي ذكرت لك اعلاه

انا اخرت النوع الاول وشريت جنوط ولاني مهتم بشاشة المعلومات الصغيره ولاالـ Abs

والله يكتب لك اللي فيه الخير

[Khalid AlGhamdi]

فيه امر اخير نسيت اقوله
من الاشياء اللي حاولت اني اجربه قبل ماشتريه ولكن مالقيته بمحلات التأجير حتى ذيب وغيره من محلات التأجير الكبيرة

ولكني الحمدلله ماندمت عقب ماشريته واذا انت بالرياض ممكن انك تمر علي وتجربه وتشوف هو مثل ماتبي ولا لا ..

اذا حبيت ممكن ارسل لك رقم جوالي والله يحييك

وطبعا الموتر توماتيك ماهو عادي ، وتعرف الرياض وزحمتها ماينفع العادي ابد والاتوماتيك اثبت جدارته بالبر وتجارب الاخوان كثيرة بهالمجال .

[المرابط]

AbuMu3ath

جزاك الله خير وحياك الله

بس ماقلتلي القير عادي أو أوتوماتك

وياليت ترسل لي رقمك على الخاص

[Khalid AlGhamdi]

القير اتوماتيك ماهو عادي
والرقم جاك على الخاص :)

[المرابط]

وصلت الرساله وماقصرت

[salehhd]

السلام عليكم

شوف هذي المواضيع ان شاء الله تفيدك

تقرير تجربة يوم الخميس شاطئ الهافمون (http://www.assayyarat.com/forums/showthread.php?t=100808)

هذا قمنا به مع بعض الاخوان في شاطئ نصف القمر

فورتشنر يتسلق جبل وعر في المدينة المنورة (صور) (http://www.assayyarat.com/forums/showthread.php?t=101655) ‏

هذا الموضع لصاحب الفورنتشر الذي شارك معنا في التجربة

مع العلم ان المواتر كلها جير اتماتيك

ولا تنسى الاستخارة
بالتوفيق

[المرابط]

ووووووووووووووو

[المرابط]

مشكور أخي
salehhd

أنت ذكرت التجارب وماقصرت

بس ياليت رايك الشخصي إذا ماعندك مانع

وشكرا مرة أخرى

[.أبوعبدالرحمن]

وانا اخوك


خالي توه شاري واحد جديد توماتيك 6 سرندل Vx1 يمدحه قايم قاعد



وانا معي باث فندر اللي ورا ما ينزلون من السيارة والا هم متغيره الوانهم من الحر


علما ان المكيف على اخر شيء


وفيه من العيوب مالله به عليم


والفورنتشر اطلق من الباث 1000000 مرة

[المرابط]

ابوعبدالرحمن الصفيان

مشكور أخي على النصيحه وتسلم

[الساهر2003]

السلام عليكم ورحمة الله وبركاته
اولا يالصفيان انظر لسعر الباث والفتشنر الباث ب 84 الف والفتشنر 97 الف اذا ماني واهم والباث ياباني وهذا تايلندي والباث شكل انيق وهو خليفة الشيروكي رفع عن الارض ومتناسق ورفع سقف السيارة متناسق مو مثل الفوتشنر تقل راكب بعير ولا نقل جماعي وتاكد من المكيف الخاص بك اكثر من مره اسافر والركاب معي في الخلف ومرتاحين لكن في المشاوير القصيرة كل السيارات مايمديها تبرد وهذا مكينته 3500 سي سي الباث وهذاك 4000 سي سي والباث القير العادي 2005 نشيط بشكل كبير ويكفي انه في الطعوس تلقاه ملحم في صدام الربع التايوتا والتماتيك لا يوجد فيه تقنيه ومع ذلك قليل ما يغرز ويكفي الشكل والثبات والراحة والي بيغير عن الباث لا يوجد بديل له الا الفي اكس ار في النشاط والراحة والشكل بخصوص التماتيك وللمعلومية كل السيارتين مجربها صحيح نشيط الفوتشنر لكن لا شكل ولا راحة ولا سعر مناسب
والسلام للجميع

[مخاوي قناص]

السلام عليكم اخونا الحبيب المرابط بعد السلام والتحيه التايوتا الفورتشنر افضل من جميع النواحي وانصحك بلقير العايدي من ناحيت الشكل المتانه الاصاله ويمسك سعره وحده بس يهزمه الباث فندر في تصميمه لطبلون ومعلومه للجميع الباث الجديد البدي غير قابل لسمكره نهائي مخاوي قناص

[Khalid AlGhamdi]

اخوي الساهر سعر الباثفايندر 106 الاف :) طبعا 2007 لا وهذا ماهو الفل بعد اللي اقل درجة من الفل

وعلى كل حال الباثفايندر القديم اثبت جدارته بكل المقاييس ولاعليه كلام ولكن يبقى ( في نظري ) الفورتشنر افضل لو قارنت بين الاثنين بالنسبة للموديل 2007 .

[salehhd]

السلام عليكم

اخي الفاضل انا صاحب الباث الاسود في التجربة
والموتر معي حتى الان وقبله كان عندي لكزس اي اس 2003 وبعته لعيون الباث

مشكلة الباث الحين نادر ماتحصل نظيف واذا كان مخزن فله اكثر من سنتين واقف يعني الجلد رايحة
جربت قيادة الفورنتشر الي موجود في التجربية 6 سرندل صراحة خفيف وعزم حلو وتقنيات رائعة وماعندي عليها اي ملاحضة سوى الارتفاع الزايد والتانكي الصغير مثل الباث فقط

واذا تقدر على جديد ليش تاخذ مستعمل
لذلك انصحك بالفورنشر اذا كان جديد 6 سرندل قير تماتيك
واذا كان مستعمل فالباث خيار جيد
ومثل ماقلت لاتنسى الاتسخارة
بالتوفيق

[برنو بيشة]

أنا معي باث وخويي معه فورتشنر والله يبي يبيعه ويأخذ الباث والخيار لك

[غضنفر]

المشكلة انه معد فيه باث جديد
بتظطر انك تشري مستعمل
والحالة كذلك
الفورتشنر اصرف
عليك بالستة سلندر والقير العادي واللون الابيض او الفضي

[راعي الركيات]

تبي الشور وشور مجرب خذلك برادو بس انتظر 2008 وهو اصرف من الفورتشنر والباث فندر

[الساهر2003]

السلام عليكم ورحمة الله وبركاته
ياشباب المقارنه بين الفوتشنر والباث 2005 وكلامي السابق كله عن الباث 2005 واما الباث 2006/2007 وما يسوى ريال مجرد فان عائلي
والسلام للجميع

[المرابط]

الساهر2003

مخاوي قناص

salehhd

برنو بيشة

غضنفر

مشكور لكم جميعا والله يعطيكم العافيه

راعي الركيات

البرادو ما عليه كلام على ماقالو

العين بصيره والدراهم قصيره :D :D

عندي لك سؤال هل بيتغير شكل البرادو 2008

الشكل 2007 مؤخرة السياره مخربة شكله

[المرابط]

النتيجه لحد الآن

الفورتشنر 2007 سته سرندل =3 :eek:

الباث فاندر 2005 = 2 :confused:

[ابوريناد1979]

سجل عندك بعد
فورتشنر ستة سلندر قير عادي
لاحظ ايضا ان الفورتشنر اوسع من الباث من جوا وهذي ميزه مهيب بسيطه
وبالله التوفيق

[شبح الموت]

والله كلها لاباس فيها بس فيه بعض الملاحظات على الفورتشنر

الداخلية هايلكس

الدفرنس الخلفي نفس الهايلكس

الصناعة تايلندية

[المرابط]

ابوريناد1979

حياك الله وبنسجل إن شاء الله

ما شاء الله عليك مواليد 1979 م

يعني مولود مع وارد GMC العبارتين:D

تنده بيضاء مكينه 454 الأسطوره

كانت قيمته 30 ألف جديد ولا زال النظيف

يجيب 30ألف يعني هو الموتر الوحيد اللي ماسك سعره

تصدق ميلادك نفس ميلادي أثلنا مميزين ولا درينا :D :D

شبح الموت

مرحبا بك وحياك الله

النتيجه لحد الآن

الفورتشنر = 4 :eek:

الباثفاندر = 2 :(

[عبدالرحمن السالم]

كلن وذوقه وانا اخوك
ولولا اختلاف الاذواق لا بارت السلع

واذا تبي مشورتي باثفندر 2005 خذه وانت مغمض هذا هو معي الحمد الله ماشفت منه شى ولا قد اشتكيت منه شى رحت لكل مكان يخطر ببالك .. بر .. سفر .. إلى تبي وهذا هو ماشي والحمد الله وماشاء الله ماعمره قال " إي "

والاختيار الأول والأخير لك وانت بكيفك وانا اخوك

[المرابط]

دحيم آخر لفه

هلا والله وغلا

النتيجه لحد الآن

الفورتشنر = 4 :eek:

الباثفاندر = 3 :(

[حلم اليقظة]

الباثفاندر معي لؤلؤي ..

اوتوماتيك ..

ماينفع ولابقرش خصوصا التغريز ..

اضف الى ذلك عدم وجود مكيف خلفي يعني انواع الدفا بالخلف ..

اذا ارتفعت الحرارة الى اقل من النصف فقل على العزم السلام ..

يصير كنك تسوق لك جمس ملكي من قوة الثقل ..

فالتويوتا اصرف لك ..

خصوصا انك بتشريه جديييييييييييييييييييييد ..

يكفيك ريحة الجديد ..

ولاتنسى ان فيه دفلوك وهذا مب موجود بالباث ..

[طخيمان]

والله يا الغالي

الوالد معه فورتشنر موديل 2006 6 سلندر توماتيك

بصراحة موتر ممتاز (بر - ديرة - سفر) حطه على يمناك في البر والله ان حنا مانحتاج نشغل الدبل اللا قليل جداً

وفي الارض الصخرية والوعرة مريح لأبعد درجة لأنه رفيع وخفيف

وفي الديرة كأنك راكب موتر صغير وفي الخطوط راااااسي انا قبل كم يوم راجع من الديرة وأمشي 160 كأني امشي 120 والموتر بطل بكل ما تعنيه الكلمه وبعدين لا حظ ان فيه دف لوك ينفعك في أيام الأزمات والتغاريز

الموتر يعيبه من وجهة نظري

انه تانكي بنزين واحد

المراتب الثالثة غير مريحة بالشكل المطلوب

الشكل من الخلف مهوب ذاك الزود والخيار الأول والأخير لك يا اخوي

وبعدين تراه تويوتا

والله يوفقك ويكتب لك اللي في الصالح والمبارك

[ابوريناد1979]

ابوريناد1979

حياك الله وبنسجل إن شاء الله



يعني مولود مع وارد GMC العبارتين:D



الله يحييك
اجل تواريخ ميلاد مميزه :p
ايييه يالجموس حلم وماراح يتكرر
صدق انها مواتر فحوله :D
تحياتي

[المرابط]

حلم اليقظة

الله يحييك ويشرفني أنه يكون أول مشاركه

لك في المنتدي الرد على موضوعي

والله يحييك بين الكشاته وعدنا مثل أخوانك

وإن شاء الله تفيد وتستفيد من المنتدي

وعندي سؤال كم مديل موترك


أبوالطواري

حياك الله يا راعي الوشم

وتراني من حولكو من الوشم

في قاع كميت ان كانك عرفته


النتيجه لحد الآن

الفورتشنر = 6 :eek:


الباثفاندر = 3 :(



والله قام يدعس تويوتا


ابوريناد1979

الله يحييك مره أخرى

[حلم اليقظة]

موتري موديل 2005

[مستشار البير]

بالنسبة للفورتشنر 2007 أنا وأعوذ بالله من كلمة أنا مجربة فل فضي قير عادي أنصحك به ما شاء الله موتر نشيط والتانكي إذا ما زريت عليه يمشيك 450 كم بنزين 95 وفله ب 33 ريال

أما الباث 2005 وورى فيه مشكلة بالمكينة وأعرف 3 معهم 2002 و 2003 و 2004 كلهم اللي موضب واللي ينقص زيته كل 800 كم يعبي علبة

لكن يبقى أن الفوتشنر جديد في السوق

[الدحبول]

السلام عليكم ورحمة الله وبركاته


المشوره يا أعضاء مكشات والمثل يقول

ماخاب من إستشار

أنا ناوي أشتري جيب قريبا وأحترت بين الفورتشنر 6 سرندل 2007

أو باث فاندر 2005

وأحترت آخذ أوتوماتك أو عادي قصدي القير

والموتر أبغاه بتاع كله مدينه سفر بر

علما أن 70 % من أستخدامي مدينه وخطوط بسبب ظروف عملي الصعبه

وألا كان علي الأقل 50% أستخدامي ل السياره للبر

وأرجو من الجميع المشاركه وأتحافنا بما في جعبتكم

الله لا يحرمنا بما في جعبكم وجعلكم ذخر لنا

ياخوي مادم الله منعم عليك خذ فورتشير 2007 أن من المعجبين بالباثفيندر بس 2005
بس الناس تتقدم والتطور إلا إذا ما كان معك قيمة فيونتشر2007 خذ الباثفيندر 2005
وصعب أنك تحصل باثفيندر 2005 نظيف وأغلب أصحابه مايفكرون يبيعون لانه ماله 3 سنوات
بنسبة لقير هذا شي راجع لك شخصي مثل في ناس ترغب الاوتومتيك وجميع سياراتهم أوتومتيك ولايعرف يسوق العادي
وفي ناس العكس ترغب العادي ولاتعرف تسوق الاوتومتيك وفي ناس من جماعتنا ما تعرف تسوق الاوتومتيك

أنا أملك جيب تويوتا موديل 1997 فيكسار قير أوتومتيك ماشاء الله السيارة ماشية 320 الاف كم
ولا أنفك الجير إلا لتغير الزيت والفلتر وعندنا جمس 1999 ماشي 450 الاف كم ولا أنفك الاجير إلا لتغير الفلتر وزيت
وناس هذي الايام ترغب الاوتومتيك و الاوتومتيك مليح في البر ويبيض الوجه ( لاتنسى أرمكو السعودية تملك سوبر واليواكن وجمس أو تومتيك وتروح الصحراء وأماكن بعيدة ولان دخلوا جيكسار 2006 جير أوتومتيك والسغاري 2 أوتومتيك)

[المميـز]

اذا انت منت براعي بر خذ الباثفندر الجديد مكينه 4000 وتماتيك ومريح
واذا انت راعي بر

خذ الباثفندر 2005 قير عادي

ولا يفوتك فيه واحد معروض بخيمة العروض والشراء


وعليك

بالاستخاره بعد الاستشاره

[مران]

السلام عليكم ورحمة الله وبركاته
اولا يالصفيان انظر لسعر الباث والفتشنر الباث ب 84 الف والفتشنر 97 الف اذا ماني واهم والباث ياباني وهذا تايلندي والباث شكل انيق وهو خليفة الشيروكي رفع عن الارض ومتناسق ورفع سقف السيارة متناسق مو مثل الفوتشنر تقل راكب بعير ولا نقل جماعي وتاكد من المكيف الخاص بك اكثر من مره اسافر والركاب معي في الخلف ومرتاحين لكن في المشاوير القصيرة كل السيارات مايمديها تبرد وهذا مكينته 3500 سي سي الباث وهذاك 4000 سي سي والباث القير العادي 2005 نشيط بشكل كبير ويكفي انه في الطعوس تلقاه ملحم في صدام الربع التايوتا والتماتيك لا يوجد فيه تقنيه ومع ذلك قليل ما يغرز ويكفي الشكل والثبات والراحة والي بيغير عن الباث لا يوجد بديل له الا الفي اكس ار في النشاط والراحة والشكل بخصوص التماتيك وللمعلومية كل السيارتين مجربها صحيح نشيط الفوتشنر لكن لا شكل ولا راحة ولا سعر مناسب
والسلام للجميع
وعزا انك صادق الفورتشنر عديم الراحه واذا تتكلمون عن المرتبه الثالثه فهي لاتفي ابلغرض ابدا نظرا لصغرها وضيقها وفعلا قيمه غاليه وشكل غير جميل مقارنه بالباث وهذا رأي فقط

[السائل]

اذا انت منت براعي بر خذ الباثفندر الجديد مكينه 4000 وتماتيك ومريح
واذا انت راعي بر

خذ الباثفندر 2005 قير عادي

ولا يفوتك فيه واحد معروض بخيمة العروض والشراء


وعليك

بالاستخاره بعد الاستشاره


وعليك بالاستخاره بعد الاستشاره

[راعي الخطوط]

أظم صوتي لأخوي الساهر 2003وبدون تعصب

[صقربلخزمر]

بأختصار وش رايك بالباترول لو قارنته بالفورنتشر
خذ الرابط هذا
http://www.qahtaan.com/works/up/down...1185687907.zip (http://www.qahtaan.com/works/up/download.php?filename=qahtaan-07-29-1185687907.zip)

المقطع منقول من منتديات تطعيس

وللمعلومية معي فور 2007 v6 vx2 قير عادي تبي امدحه مدحته ولله الحمد