كرولا قير اتوماتيك مكينه 1300 انصحوني ودي اشتريها

[عبدالله1234]

ياهل الفزعات وش رايكم با الكرولا قير اتوماتيك ومكينه 1300 وقزاز كهرباء ابي النصايح

[مطر جدة]

اخوي
عبدالله 1234

اسعد الله ايامك بكل خير

شف اخوي .إذا انت ساكن في منطقة مرتفعه ( جبال ) طلوع ونزول .. ما انصحك ..
لان قوة وعزم المحرك ضعيف خاصه ان المكينة سعة 1300 سي سي .. واللي يقللها ايضا تشغيل المكيف والنقال الاوتوماتيكي ..

اذا تبيها للمشاوير العاديه ( تنقل داخل المدينة ) توكل عـ الله .. خاصه انها راح تفيدك في الزحام ( بدل دعس الكلتش بين حين وحين ) .. لانها اوتوماتك .. وايضا المحرك الصغير سعه 1300 سي سي الموفر للبنزين ..

هذي وجهت نظري .. والله يبارك لك مقدماً إذا شريت الموتر ..

مطر جدة
.

[عبدالله1234]

اشكرك اخوي (((( مطر جده )))) على المعلومات الطيبه اخوك عبدالله من الرياض

[عبدالله1234]

اشكرك اخوي (((( مطر جده )))) على معلومات عن الكرولا اخوك عبدالله من الرياض باذن الله اتوكل على الله

[.أبوعبدالرحمن]

اخوي عبد الله



فك نفسك من 1300 سي سي ولا تاخذ عايدي ولا تماتيك



فيه نوع موجود في الوكالات اللي هو 1800 سي سي وخذ تماتيك تسوقها كأنك تسوق كامري وهي اقوى من الكامري من حيث الوزن للسيارة


والنوع هذا يجي منه اكس ال آي ويجي منه جي ال آي


والله يوفقك الى كل خير

ولا تنسى الاستخارة

[هاوي الربع]

والله انا اقول مثل كلام اخونا مطار جده

وكلامه عين الصواب

[مطر جدة]

اخوي عبدالله 1234

رجعت لك .. قبل كل شي .. اسأل عن نوعيه السيارة من حيث سعة المحرك 1300 سي سي .. اسأل

وعندي لك نصيحه ..

وهي إنك تروح لشركات تأجير السيارات .. واستأجر الكورولا سعة 1300 سي سي .. قير اوتوماتيك ان توفرت او خذ لك قير عادي .. وجرب السيارة وشوف كيف عزمها وقوتها ..
لا ناسبك قوة المحرك 1300 سي سي .. توكل عـ الله .. واشتري الموتر اللي ودك تشتريه
وطبعاً ما يحتاج كلام إنك تشوف الموتر ونظافته البودي والمحرك والجيربوكس .. وكم ماشي الموتر .. خذها في الحسبان ..
وإذا الموتر يستاهل وجديد .. خذها عـ الوكاله خليهم يكشفو عليها .. للاحتياط .. والله يتممها على خير ..

اخوك ( عبدالله )
مطر جدة

[AL-OTAIBI]

1800 سي سي تماتيك ولا تشاور

[الهاوي.]

السلام عليكم
ال1800عيبة يصرف بنزين بس العزم خذ ولد
2 قيمتة تطيح علي طول مقارنة با1300اللي يمسك سعرة
ارجو اني افدتك

[الدبل الثقيل]

خذلك صني ومكينتها 1600 وأرخص من الكورولا ومنتشرة ولو ماهي طيبه ما انتشرت......... لكن اسأل اللي جربوها........

[رجل كريم]

محركها هو نفس محرك التيرسل يعني قوته 75 حصان فقط ..

التيرسل اللي كانت عندي ممتازة في اقتصاد البنزين .. ومن عيوبها ضعف العزم لما يكون الهواء مواجهك بالحيل تمشي ولما تبغى تتجاوز السيارة اللي قدامك تموت من القهر تحس ان السيارة ماتزود السرعة الا بطلوع الروح ولما جيت فيها الجنوب ما امشي في الطلعات الا بالاول واحيانا توقف لان المحرك مايتحمل ..

تقبل تحياتي ..

[طخيمان]

انحاش منها نصيحة

عمي معه صني 1300 سي سي تماتيك تصدق لو اتسابق انا وايياه هو بالسيارة وانا على رجولي يمكن اسبقه من ظعف عزم سيارته

هههههههههههههههههههههههه

عزمها ظعييييييف جداً جداً

وبتندم انك شربتها لكن خذ 1800 أو 1600 أحسن بكثير والله يوفقك

[ابو سمحه]

الكورلا يابو 1234 حليوه مشاوير خفيفه وان كانك تبيه لدوام والطلعات وانت شباب مايصلح

[الدحبول]

أنا مجرب كرولا 1300 سي سي قير عادي ممتازة وقتصادية تجيب طبلونه بعد تعبية ب 22 بنزين 95 و 91 ب 19 حول 60 لتر
يمشيني 550 كم
التومتيك حلو بس ماجربته على الكرولا جرب الموتر وشف عزمة وشيك على المكينة و القير ولاتنسى تأكد من العكوس لان عكوس الكرولا
ب 2000 لقير العادي التمتيك ب 2200 بس ماتخترب على سهل

[الكظيمة]

بالنسبة للكورولا، أنا معي كرولا 1300 موديل 2003 قير عادي ومبسط عليها.. من ناحية المشاوير و البنزين..
بس عليها بعض الملاحظات اللي يمكن تعيبها عند بعض الناس بس بالنسبة لي عادية جداً..
وهيا ضعف العزم في حالة تشغيل المكيف وركوب 4 ركاب ... لذلك دامك في الرياض استخر وتوكل على الله تراها كايفة وتمسك سعرها في السوق.. وهي أفضل من الصني من ناحية العزم لأني مجرب الثنتين..
أرجو أني أكون أفدتك..

[ابوريناد1979]

انا معي كورولا 2006 1300 سي سي قير عادي وعزمها متعبني اجل كيف التماتيك
لكن لاتقيس علي لاني كان معي لومينا 6 سلندر وحسيت بالفرق
خلاصة الكلام : الكورولا أقضل سياره ولكن اذا كنت متعود على سيارات 6 سلندر او 8 سلندر فالكورولا بتعبك
مدري عن ال 1800 سي سي ماجربتها
وهذا العيب اللي اشوفه فيها , واي سؤال ثاني احنا حاضرين
بالتوفيق