افضل شي الممشئ بليل او بنهار الئ ابهاء ....تكفون [الأرشيف]

مشاهدة النسخة كاملة : افضل شي الممشئ بليل او بنهار الئ ابهاء ....تكفون

الهايلكس99

30/07/2007, 06:12 PM

انشاء الله ناوي الذهاب الئ ابها اول مرة اروح لكن مدري ايهم افضل الممشئ بليل او بنهار والساعة كم تكون و المدة ...........للهمية ...... و الطريق وشلونة .....؟

غازي 1

30/07/2007, 06:16 PM

ياهلا وغلا بالهايلوكس ..
إن شاء الله سفرة ممتعة ..
لكن ماعلمتنا من أي مكان تبي تمشي ندلك على الطريق المناسب ..
بانتظارك ..

المستوي 1

30/07/2007, 06:22 PM

قال عز من قال (وجعلنا اليل لباسا)
اذا انت طالع من ارياض
عندك طريق وادي الدواسر
وعندك طريق الطائف الباحة
او طريق الخرمة بعد ظلم وسب العليا

و ارجح الاول و ترجع بالسلامة

رحال نجد

31/07/2007, 02:30 AM

أهلين أخوي الهايلكس أتمنى لك سفرا سعيدا وعودا حميدا

إذا كنت ماشي من الرياض لاتمشي إلا بالنهااااااااااااااااااااااااااااااااااااااااااااا ااار

الناصح1

31/07/2007, 02:36 AM

اخوي هايلكس99
السلام عليكم
الممشى في النهار عندي افضل (الخط سيدين غير مشبوك )
ومن الافضل تكون شبعان نوم لان وصولك بيكون متاخر
الطريق طويل احسب مع الوقفات 12 ساعة من الرياض والمسافة قريب من 1100كم
اياني واياك تمشي الا وانت ماخذكفايتك من النوم
الله يحفظكم ويردكم الى اهليكم سالمين

الهايلكس99

31/07/2007, 02:37 AM

يعطيكم العافية علئ المرور والرد انا من الرياض ............ يعني ممشئ الساعة (( 3 ليلا )) زين .

الحر مشكلة في الطريق قوايل ولا في وادي الدواسر اجتمعت.

أبو هيلة

31/07/2007, 04:55 PM

حياكم الله ... أخوي الهايلوكس نصيحتي لك انك تمشي لابها بالنهار اولا لكي تستمتع في المناظر الطبيعية الرائعة .. ثانيا الطريق الى ابها فيه شي من الوعورة يعني لفات يمين وشمال ... هذا كلامي طبعا اذا تبي تتحرك من مكة لابها .. يعني طريق الطايف الى ابها انصحك انه يكون في النهار .

جمعان 22

31/07/2007, 05:01 PM

أبرق الشقيقة

31/07/2007, 05:06 PM

الليل ماله عيون وانا اخوك وطريقاً اقشر وطويل صل الفجر وخذ قهوك بالدرب وتوكل على العزيز الحكيم ودربك خضر انشالله

الله يستر عليك وعلى المسلمين وتاصلون بالسلامه وترجعون غانمين

يالله ياكريم انك توفقه وتستر عليه ياكرم الوجه

الهايلكس99

31/07/2007, 11:44 PM

الهايلكس

انا قبل 3 اسبوع راجع من ابها

ومشيت بطريق الخرج منطلق من الرياض لابها

الطريق فيه تحويلات و السيارات فيه قليل

انصحك بالنهار

اما الحر والشمس ......... تغييم ومكيف وتنحل المشكلة

وانصح بالنظارة الشمسية المستقطبة بشدة :cool:

حبيبي:
النظارة موجودة لكن التغييم ممنوع قسايم علئ الخط مانيب ناقص .....

الناصح:
السلام عليكم
الممشى في النهار عندي افضل (الخط سيدين غير مشبوك )
ومن الافضل تكون شبعان نوم لان وصولك بيكون متاخر
الطريق طويل احسب مع الوقفات 12 ساعة من الرياض والمسافة قريب من 1100كم
اياني واياك تمشي الا وانت ماخذكفايتك من النوم
الله يحفظكم ويردكم الى اهليكم سالمين

قلبي:
هذا الكلام ولا بلاش طقها نومة من صلاة العشاء وقم الساعة 2.30فجرا . يعني احسب مع الوقفات 12 ساعة من الرياض هذا في حال عدم الوقفات يعني ممشئ صامل 1100كم

الجميع مشكورين علئ المروروطرح ارائكم الجيدة يعلم الله انها افادتني.

ام صتمه

01/08/2007, 12:33 AM

ابد امش الليل بس مادري معك احد والا الحالك
كان معك احد امش ليلا اما مامعك احد نم الين تقووول بس وامش
في االنهار لاكن الليل يروح عليك الخط ماتدري

((( اسال مجرب ولا تسل طبيب )))

الهايلكس99

01/08/2007, 01:29 AM

لابلة الحالي..

ابوهتون

01/08/2007, 01:54 AM

نصيحه امش زي ما قلت الساعه30ز2 فجرا وان شاء الله الساعه 2 ظهرا وانت واصل..تروح وترجع بالسلامه..والسلام عليكم.

مرات عشقي

01/08/2007, 03:55 AM

تبي نصيحتي .....

امش بعد الفجر افطر وتوكل على الله ماتجي الساعه 1,30 الظهر الا انت في ابها وتناظر النشووء من أوله الين يجيك المطر ..

ضلع الرقيبه

01/08/2007, 03:59 AM

تبي نصيحتي .....

امش بعد الفجر افطر وتوكل على الله ماتجي الساعه 1,30 الظهر الا انت في ابها وتناظر النشووء من أوله الين يجيك المطر

كاشخ 24 ساعه

01/08/2007, 04:56 AM

يازين ممشى الليل وبس

يقطع الخط وبراد وترتاح عيونك من الشمس

انا انصحك تمشي الساعه 11 بالليل وبتوصل للوادي الساعه 4 الفجر وقف وصل وافطر وتتوكل على الله وبتشوف منظر شروق الشمس في الخط وتدخل الى الاجواء البارده تقريبا من الساعه 6 الصباح والشمس تكون لطيفه جدا وعند الساعه 9 بتكون ان شاء الله على مشارف ابها.

الخط حلو ووسيع ومليان محطات على طول الطريق

اتمنى لك رحله موفقه