المساعد الشخصي الرقمي

مشاهدة النسخة كاملة : لخبراء اللاند روفر القديم


كاتم اللهب
16/07/2003, 03:17 PM
السلام عليكم ورحمة الله....




عندي لاندروفر قديم م/77 ويحتاج لبعض قطع الغيار (كراسي مكينه واصلاح الكلتش )


وين احصل القطع بسعر معقول علما باني في الرياض او ورشة متخصصه في هالجيوب.......












تحياتي................................
كاتم اللهب
20/07/2003, 01:29 AM
يا شباب




وينكم يالنشامى







تحياتي.........
Bader-M
20/07/2003, 02:48 PM
مالك حل
الا انك تطلبها طلبيه
من الوكاله نفسها
لان
سياره قليلة الاستخدام و قديمه بنفس الوقت
تقبل تحياتي
ابو خلود
21/07/2003, 11:33 PM
السلام عليكم

أخوي فيه ورشة فقط لسيارات الدفع الرباعي
جنوب الفيصلية تماما ما بينهم إلا الشارع الصغير

الميكانيكي سعودي أجودي وفيه إنجليزي يشتغل على الروفر
والقطع يجيبونها من موزع الروفر في الشرقية ( ما يحضرني إسمه لكن أسعاره تفرق كثير عن الوكيل )
ابو خلود
21/07/2003, 11:38 PM
نسيت أقولك

إذا كان اللاند روفر من نوع ديفندر Defender
ودي أشوفه إن ما كان عندك مانع تبيعه
كاتم اللهب
22/07/2003, 12:15 AM
الاخ ابو خلود



الورشة وين بالضبط .... ووش اسمها؟


بالنسبة للنوع اللي ذكرته ما اعرفه لكن الجيب م/77 (زي جيوب الحرس الوطني سابقا)






تحياتي.............................
ابو خلود
22/07/2003, 06:49 AM
سلام

إسمها ورشة الدفع الرباعي

الموقع جنوب الفيصيلية
إشارة تقاطع العليا العام مع الثلاثين ... الفيصلية على يمينك ...وإنت رايح جنوب ..صح
من عند الإشارة لف يمين بتجيك محطة بنزين علي اليسار الورشة في نفس المحطة .

نعم هو الديفندر حق الحرس ... تبيع ؟
كاتم اللهب
26/07/2003, 01:30 PM
يعطيك العافية ابو خلود

رحت للورشة واخذت القطع بس ماشفت لا السعودي ولا الانجليزي مالقيت الا مهندسين سودانيين بس سعرهم لك عليه









على العموم مشكور وما قصرت










تقديري.....................................
شرقان
04/06/2004, 03:20 PM
كاتم اللهب ..
نصيحه بعه وافتك منه بكلفك واجد
مرقاب 06
04/06/2004, 09:18 PM
اخوي كاتم اللهب تحصل قطعه بتشليح الحاير وفيه ورش بالصناعيه القديمه يرهمون والمشكله ماهي صعبه وبالمناسبه ترى الاندروفر خوش سياره واكثر سياره مظلومه عندنا كأن مافيه جيب الا تويوتا او نيسان والاندروفر يجي اربع انواع الرنج والدسكفري والاندروفر الكلاسيكي المعروف واذكر يجي الى موديل الفين وفيه جيب صغير جديد مايحضرني اسمه تراهن ياخوان بالسوق طايحات اسعارهن وانا كان عندي دسكفري اخذته باربع وعشرين الف ريال نظيف مامضى على موديله اربع سنين من احسن مايكون وفيه قطع ارخص من التويوتا والنيسان ونشاط ومركب واقتصاديه بالبنزين مع انه ثمان سلندر وراسين مكينته ولا طلب علي شي 0
مرقاب 06
04/06/2004, 09:23 PM
ترى اقصد بالطايحه اسعاره كل انواع الاندروفر ماعدا الرنج الموديلات الجديده0
كاتم اللهب
05/06/2004, 01:06 PM
الاخ/ مرقاب
شكرا لك
ومثل ما قلت اللاندروفر خوش سيارة واكثر سياره مظلومه عندنا كأن مافيه جيب الا تويوتا او نيسان
اللاند روفر يتميز بالقوة والتحمل (الموديلات القديمة من واقع تجربة) ولكن عيوبة قلة قطع الغيار او عدمها احيانا ولكن بقليل من التفكير والتأني تستطيع ان تضع له قطع غيار سيارات اخرى



عزيزي /شرقان
السيارة قديمة جدا وللمعلومية تم شراء قطع الغيار (كراسي القير+اصلاح الكلتش )بمبلغ 100 ريال وركبتها شخصياً
اسأل عن قيمة كراسي القير الخاصة بالنيسان او التايوتا ولاحظ الفرق














تقديري.....................
شرقان
29/06/2004, 10:15 PM
اخوي كاتم اللهب

فيه محل شفته بالصناعية القديمة متخصص بالاندر وفر قديم وجديد اسال عنه يمكن يفيدونك
القناص
30/06/2004, 12:43 AM
اللاند روفر سياره عظيمه تستاهل الحب والعنايه

شف محل البدر يمكن مازال عنده قطع
اذا نزلت مع كبري دويرة الخرج في الصناعية القديمه باتجاه الجنوب يجيك على اليمين محل البدر
تلقى عليه علامة الروفر والجاكور
بالتوفيق
كاتم اللهب
09/07/2004, 05:54 PM
القناص
شرقان


شكرا على الفائدة

وابشركم السيارة تم اصلاحها والحمد لله


مرة اخرى اكرر شكري لكل من شارك بالموضوع










تقديري.......................