ريموت السيارة الباث فندر

[المنبسط]

السلام عليكم
قدر الله علي وقاموا الأهل بغسل ريموت السيارة مع الملابس
خذت الريموت وفكيته ووديته لراعي الكترونيات وقام بتنظيفه وتغيير البطارية
لكن وللأسف ما اشتغل الريموت
قلت ياولد الحل ان شاء الله بتلقاه عند قروم مكشات مهب مقصرين
ولكم جزيل الشكر
المنبسط :)

[alkongrs]

وده لمختصين الكترونيات موب حقين التلفزيونات وشف وتقبل مروري

[salehhd]

السلام عليكم

ما اضن في حل سوى تغيير النظام بواحد جديد اذا كان الرموت هو الوحيد الي عندك
او وده لمحلات تصليح رموت التلفزيون احتمال يعرفون له

[نمر 33]

السلام عليكم

فيه واحد يمدحون عند معارض الشفاء بالرياض
حول مطعم تنهات بعده أو قبله متحصص بالأكترونيات على حسب علمي بس منيب متأكد من الوصف بالضبط

[المنبسط]

السلام عليكم
الشكر كله للأخوان
ولد العمدة
salehhd
نمر 33
على المشاركة
لكن هل تعرف وش اسم المحل اخوي نمر 33 او هو قبل او بعد لا هنت
اخوك المنبسط .

[نمر 33]

للأسف ما أذكره بالضبط بس مافيه إلا هو معرف بالمنطقة معارض الشفاء عند مطعم التنهات
يمدحونه الشباب فاهم بالريموت السيرات والبرمجة وأتوقع بخدمك

................... وشكراً .......................

[المنبسط]

السلام عليكم
اشكرك اخوي نمر 33
والله يبيض وجهك وماقصرت يالغالي وإن شاء الله أمر عليه والله ييسر الأمر
اخوك المنبسط

[L I M I T E D]

الريموت يبي له ريموت اخر ويمكن برمجه من نفس السستم

على العموم الريموت راح عليك لان الدعوى غسيل ملابس مهب بسيطه

فيه محل تلقى عنده ريموتات في النسيم حول المعارض

انت على طريق خريص متجه شرق

وجاك شارع المعارض الرئيسي خله وابتل وتعد البازعي بتجيك الاشاره لف يمين

بتلقى كم محل على اليمين كلهم حقين ريموتات السيارات ومتخصصين

قد صارت معنا وضاع الريموت حق جراند ماركيز ورحنا لم المحل وشرينا ريموت بـ 50 ريال مع البرمجه

وبالتوفيق

[المنبسط]

السلام عليكم
اخوي نمر 33
مريت المحل وقال اصلح الأمريكي واما النيسان فما عندي
اخوي L I M I T E D
الله يبيض وجهك وان شاء الله بأمر عليهم
والشكر موصول للجميع
المنبسط

[المنبسط]

السلام عليكم
مريت الغرابي اليوم وللأسف لم اجد حل وقالو مافيه الا حل واحد وهو تركيب جهاز جديد أو رح للوكالة .
فهل فيه احد من الأخوان صار انه راح للوكالة لهذا الغرض؟
ولك الشكر الجزيل
لا تبخل بمعلومه قد يستفيد منها الكثير من اعضاء مكشات
المنبسط

[المنبسط]

للرفع
للرفع


للرفع

للرفع

[الدحبول]

اشترى ريموت وبرمجة على السيارة

[المنبسط]

السلام عليكم
الظاهر اخوي الدحبول هذا هو الحل الأخير
ولك الشكر
المنبسط

[بواسامه]

الدوائر الالكترونيه
عدوها الاول المويه
فاقول الله يخلف عليك بغيره
رح للوكاله واشتر جديد ازين لك وخل عنك خرابيط الغرابي
لان شد البلد مامثله
وفقك الله

[عباااس]

انا عندي راي يمكن يفيدك

مجربه بسيارة امريكية

قرب عند باب السواق من برا والسيارة مسكرة طبعاً

ووجه الريموت للسيارة واضغط على زر الي يقفل والي يفتح مع بعض لمدة عشر ثواني

بعدين اتركه فترة نص ساعة الى ساعة بدون ان تعيد هذي الحركة وبدون ان تعبث بالريموت

وسوف يعمل ثاني مرة انشاء الله


وعطني خبر اذا نفعت هالحركة

[المنبسط]

السلام عليكم
مرحبا اخوي بو اسامة
الشكوى لله حتى الغرابي قالوا ما نصلحه لك وده للوكالة.
اخوي عبااس
شكرا لك وبأجرب ذا الطريقة لعل وعسى وان شاء الله اخبرك وش صار معي.
المنبسط

[المنبسط]

السلام عليكم
ابشركم صلحت الريموت
وبعد السؤال والمشورة من اعضاء مكشات وانقطاع كل الحلول
رحت للوكالة وشريت ريموت جديد وسعره(260)ريال وقالوا البرمجة بـ(125)ريال وصار المجموع (385)ريال.
والله يخلف ويعوض خير