المساعد الشخصي الرقمي

مشاهدة النسخة كاملة : أستفسار عن الباترول الربع البخاخ من موديل 2004 وطالع للفاهمين فقط 00000


الشرفاء
31/07/2007, 05:59 PM
السلام عليكم أخواني

عندي أستفسار أنا معي باترول موديل 2006 ربع مكينه 4500 بخاخ زي مكينة الباترول الصالون موديل 98و99و200و2001 لاكن عندي مشكله وهي الموتر فيه صوت لقلقه بالمكينه وعزمه بارد مره الغبينه أن الموديلات الكلبليتر من 2003 وتحت أقوى عزم ولا فرق واللي يقهرك زود أن الباترول الصالون من 98إلى 2001 نفس مكينة موتري وأنا أخف وزن يروح ويخلين تقل واقف سواء بالأزفلت أو بالبر وترا صوت اللقلقه بكل المواتر البخاخ الربع أنا أعرف الحين حوالي 6 جيوب غير موتري به نفس الصوت والصوت للتوضيح يطلح حتى والمكينه شاده يعني الضغط على 3 أو 3ونص ماأدري وش الحل
راعي الركيات
31/07/2007, 06:12 PM
اعتقد سبب ثقل عزم السياره ان البخاخ مايدفع بنزين كافي للسرعه يعني طريقه لتقليل استهلاك البنزين في سيارتك وهي طريقه جيده وتحافظ علي ماطور السياره
الدحبول
31/07/2007, 06:18 PM
ماعندي خلفية
وين باترول للأبد و المميز و عاشق السيل و عارف الدرويش
Alwaily-Q8
31/07/2007, 06:22 PM
السلام عليكم أخواني

عندي أستفسار أنا معي باترول موديل 2006 ربع مكينه 4500 بخاخ زي مكينة الباترول الصالون موديل 98و99و200و2001 لاكن عندي مشكله وهي الموتر فيه صوت لقلقه بالمكينه وعزمه بارد مره الغبينه أن الموديلات الكلبليتر من 2003 وتحت أقوى عزم ولا فرق واللي يقهرك زود أن الباترول الصالون من 98إلى 2001 نفس مكينة موتري وأنا أخف وزن يروح ويخلين تقل واقف سواء بالأزفلت أو بالبر وترا صوت اللقلقه بكل المواتر البخاخ الربع أنا أعرف الحين حوالي 6 جيوب غير موتري به نفس الصوت والصوت للتوضيح يطلح حتى والمكينه شاده يعني الضغط على 3 أو 3ونص ماأدري وش الحل

وعليك السلام والرحمه...
أسمحلي والله قريت مره ومرتين بس ما فهمت المشكله!!:confused:
أرسلي بالخاص وبتفصيل وأبشر أنشالله.
باترول للأبد
31/07/2007, 07:48 PM
من ناحية العزم معروف أن الباترول الربع من 2004 وطالع بخاخ بس مدري وش بلى عزمة طافي

وأنا اعرف ناس معاهم باترول ولا في مواترهم الصوت

ونصيحتي لك ودة ورشة وشيك علية

وان شاء الله يفيدونك
حمد808
31/07/2007, 08:16 PM
اتوقع طرمبة البانزين دفعة ضعيف بكل مديلات 2006-2005
لو تجرب طرمبة الفتك ممكن يضبط
غضنفر
31/07/2007, 09:02 PM
لا تجرب طرمبة ولا غيره
هذا عزمه ولا هوب متغير
المشكلة ان المكينة 12 بلف
كمية البنزين الي توصل للمكينة ضعيفة
والكلبليتر في الخط اقوى لانه دعستين والبخاخ دعسة وحدة
شعيب المسمى
01/08/2007, 12:15 AM
شكل البلا من البنزين
شف وش انت تعبي
الشرفاء
01/08/2007, 01:27 AM
البانزين مايفرق والمتخصصين بالتعديل يقولون ركب كمبيوتر صالون الي زي مكينك يمكن موترك مبرمج ومقصور عليه وهذا الي خلاه يطلع الصوت وترا الصوت يزود ويقل وشكلي ابغير الكمبيوتر
غضنفر
01/08/2007, 03:14 AM
اذا بتسمع مني
لا تقرب الكمبيوتر ولا تغيره
بعدين وشلون مقصور عليه ؟؟؟؟
اذا كان قصدك في السرعة
ما اعتقد
لأنه مع النزلة يصفق طبلونه ويتفتف بالخامس
ابواسامه 2007
01/08/2007, 01:17 PM
انا كانت عندي نفس المشكله وقبل اسبوع رحت للمكانيكي وبعد الفحص قالي غير البواجي وبعدها نظف لي البخاخ طبعاً بدون فك بواسطة بخاخ لتنظيف البخاخات والكربريتر يباع عند قطع الغيار بـ15 ريال وانا واقف عنده فك الخرطوش اللي بين البخاخ والمكينه وبدى يبخ فيه البخاخ وقالي شغل وادعس وهو يبخ وتشوف الشكمان يطلع معه زي البخار ويوم خلص نظف الخرطوش والفتحه حقت البخاخ بقطعة قماش قالي الديلكو يبيله وزن ووزنه على خفيف والحمد لله راحت اللقلقة وشد عزمه الموتر وتغير عن اول .
أبوأحمد98
01/08/2007, 01:34 PM
أخوي ((أبواسامه))
موترك باترول ربع بخاخ .....؟؟؟
الشرفاء
01/08/2007, 02:40 PM
أخوي ابو اسامه اكرر السؤال موترك باترول ربع بخاخ وبعدين امداه البخاخ يتوصخ الموتر جديد توه ماشي 21000كيلو بس والسؤال الثاني سمعت ان الديلكو اذا وزن يضعف عزم الموتر وارد على اخوي غضنفر انا ما اقصد السرعه اقصد بالعزم وفيه تنبيه الباترول الي زي موتري بس اربع ابواب فئة الـ GL وS الي مثل مكينة موتري بالضبط عزمه اقوى من موتري ولا فرق اذكر واحد من الشباب يقول اني راجع للقصيم من الرياض وطول الطريق اتجاكر انا و4 ابواب مكينه 4500 يعني زي مكاينا يقول مالي سنع بموتري يالله اجيبه ولا يروح ويخلين هذا الي قاهرن وللتنبيه تراي منب راعي تطعيس وعفرمه وتكسير لكن مشكله معك جيب وتاقف تنسم مع الهايلكسات والدداسن بالنفود ولا تاصل ربعك الا بشق الأنفس لا وجديد الموتر ماودك تعسره بقوه :mad: :mad: :mad:
Alwaily-Q8
01/08/2007, 08:59 PM
السلام عليكم أخواني

عندي أستفسار أنا معي باترول موديل 2006 ربع مكينه 4500 بخاخ زي مكينة الباترول الصالون موديل 98و99و200و2001 لاكن عندي مشكله وهي الموتر فيه صوت لقلقه بالمكينه وعزمه بارد مره الغبينه أن الموديلات الكلبليتر من 2003 وتحت أقوى عزم ولا فرق واللي يقهرك زود أن الباترول الصالون من 98إلى 2001 نفس مكينة موتري وأنا أخف وزن يروح ويخلين تقل واقف سواء بالأزفلت أو بالبر وترا صوت اللقلقه بكل المواتر البخاخ الربع أنا أعرف الحين حوالي 6 جيوب غير موتري به نفس الصوت والصوت للتوضيح يطلح حتى والمكينه شاده يعني الضغط على 3 أو 3ونص ماأدري وش الحل


المشكله هي تعرف صوت اللقلقه اوللتوضيح أكثر أذا عطيت الموتر نمره ضعيفه أو قومته بثلاثه يطلع الصوت ودائما يطلع الصوت بالنفود اذا برد عزم الموتر بالنفود تسمع الصوت وحسب أستشارة المتخصصين يقولون هالصوت يضر المكينه السبب انه يبدا البوجي يعطي شراره ويحرق الهوا من دون بنزين لأن البستم يدخله خليط بين شوي بنزين والباقي هواء اللقلقه تطلع من نقص البنزين يعني الي يحترق الهواءبشرارة البوجي من دون بنزين والبنزين يحترق بفعل الضغط والحراره زي مكاين الديزل فهالحركه طبيعيه في السيارات أذا برد عزم السياره لكن المشكله انا موتري صوت اللقلقه على طول تزود وتنقص لدرجة ان رفيق لي صوت اللقلقه طالع وهو يمشي 120 رايح لأبها يعني الموتر ماتقول يمكن علشانه بارد اوكذا والصوت مزعج يعني الي يركب معك ينقد على الموتر بالصوت والغريب انه عزمه بارد بالمره مع العلم ان المكينه كبيره بس ماادري وش السبب وغير كذا الموديلات الكلبليتر من الباترول الربع افضل عزم ولا فرق بالأزفلت مثلا الكلبليتر يجيب 1170 و180 وهو مرتاح أما البخاخ 150 و160 بشق الأنفس يمكن موتري جديد ماتمرن لكن ربعي الي ماشي 60 الف وعنده نفس العزم بارد وغير كذا المروحه على طول شابكه حقت سير المكينه والكلبليتر قليل ماتشبك يعني المكينه به حراره أر جو انك تفيدن وشكرا


وعليك السلام والرحمه يا (راعــــــ6ـــــــي0 0البريمـــــ2ــــــــي )

دعواك بسيطه أنشالله...
ابي أقولك اللي عندي ونشالله تزول المشكله...
1- تأكد من عيار زنجيل الصدر (( للكام شفت))
2- عيـر الصباب (( البلف)) صباب البانزين 8 وصباب الهواء 10
3- عير الديلكو (( عيار إلكتروني على فرت الكرنك)
4- غير فلتر البانزين + فلتر الهواء.
5- عب بانزين خصوصي (( اللي تسمونه 95 أذا ماني غلطان))
وهذا الحل ودعيلنا خيوووه.
سلام عليكم
الشرفاء
01/08/2007, 10:29 PM
أخوي Alwaily-Q8 (http://www.mekshat.com/vb/member.php?u=58566) true); انا لست ميكانيكيا :D ما افهم بالميكانيكا فما ادري وش اقول للمكانيكي وغير كذا
شاروا علي اني اوديه للوكاله على الضمان لكن ودي افهم المشكله علشان اسلم من تلا عب صيانة الوكماله وغثاهم وشاكر لك تعاونك
الثويرات
02/08/2007, 01:10 AM
ارسل على الخاص اذ تبغاني افيدك
المميـز
02/08/2007, 09:58 AM
اخوي انا معي سوبر سفاري 2001

وصوت اللقلقه اللي تقول عليه موجود بكل الباترولات الـ 4500 البخاخ وانا اعرف كم واحد معهم نفس المكينه وعندهم الصوت هذا
وواحد من الشباب معه 2007 ربع توه جديده ماشاء الله وفيه صوت اللقلقه

بس الصوت اللي موجود عندي وعند الشباب اللي اعرفهم مايطلع الا اذا وقفت السياره فتره عند الاشاره وقت الظهر !

المهم اذا ارتفعت الحراره فوق الربع بشئ بسيط يطلع الصوت

لكن انا ودي اسألك هل الصوت اللي عندك يطلع على طول؟

يعني من اول ماتشغل السياره وهي بارده ( تمشي عليها ويطلع )

وهل الصوت طلع معك بالشتاء ؟؟ <<< اذا كان الموتر معك من الشتاء ؟؟

وهل جربت بانزين 95 وطلعت معك نفس المشكله ؟؟

منتظر اجابتك ؟؟
الشرفاء
02/08/2007, 02:57 PM
انا من ترتفع الحراره فوق الربع الاوتشتغل اللقلقه على طول بس اذاوقفت ما اسمع شي بس وانا امشي يطلع الصوت بس انا مايهمن الصوت انا الي مخلين اسئل هو برود العزم الغريب مع العلم المكينه بخاخ بس ال4500 الكلبليتر اقوى ولا فرق وما تروح اللقلقه مع البانزين الـ95
ظبي
02/08/2007, 04:53 PM
المشكله هذي عاديه أنا معي فتك 2006 وتطلع مثال للي تطلع عندي لو كنت أمشي بالرابع 80 وبعدين حطيته بالخامس وحطيت رجلي على الدعسه كلها يطلع الصوت وأذا وصلت 120 راحت فانا ماأدري هل أغير البواجي أم لا مع أن الموتر من يوم ماشريته ماغيرت البواجي والموتر ماشي الان 24,647 وله معي سنه الا10 ايام
bmw_07450
02/08/2007, 05:39 PM
السلام عليكم ورحمة الله وبركاته
انا اتوقع جميع الباترولات الربع من 2005 ورايح فيها برود في العزم ماادري ليه
تخيلوا باترول موديل 2000 بخاخ اربع ابواب ماقدرنا نجيبه قومه وخط
بالنسبه لصوت اللقلقه هذي من البلوف لازم تسوي لها وزن طبعا اذا
تبي الصوت يروح نهائيا لازم توزن والسياره باااارده (مالك الا الوكاله )
تحياتي لكم
الشرفاء
03/08/2007, 05:18 AM
أخوي ظبي لا تحرك شي بموترك واترك عنك الوسوسه بديت امون:D :D والصوت تراه طبيعي لكن للتنبيه ترا بنزين الفتك 95 اترك هرج المجلات اخوي معه واحد وطلع فيه لقلقه من 91 وراجع الوكاله قالو عب 95 موتره فتك 2005 اما بخصوص البواجي الموتر ماشاء الله جديد ما تغير البواجي الا كل 50 او 60 الف اخوي ماشي الحين 85 وبواجي البلد ما به خلاف اما اللقلقه عندك فهي طبيعيه بكل موتر تعطيه نمره ضعيفه وتدوس كل البانزين يلقلق اما المشكله عندي هي وان اللقلقه مستمره تنقطع الظاهر او اني علشان صوت المكينه ما اسمع اللقلقه اذا جاء يتفتف واحس ان له دخل ببرود العزم
ظبي
03/08/2007, 01:10 PM
شاكر لك على هذي النصيحه لاكن الفتك بنزيمه 91 حتى 2007 جاي على الغطاء 91 والناس يقولون 91 والله مدري ياخوي من فيهم الصادق؟؟ الي يقولون 91 أو 95
الشرفاء
03/08/2007, 01:49 PM
الفتك حق اخوي طلع بالمكينه صوت زي اللقلقه من الـ91 وراح للوكاله وقالوله حط 95 وركب 95 وزان واللحين يعبي 95 لكن اقطع الشك باليقين ركب 95 ان مانفع ماضر
المميـز
03/08/2007, 10:44 PM
(راعــــــ6ـــــــي0 0البريمـــــ2ــــــــي )

يعني انت متضايق من برود العزم

خلاص تعال انتقاوم انا وياك ونشوف من يروح عن الثاني :d:)
ابواسامه 2007
12/08/2007, 09:42 AM
ياخوان انا موتري سوبر سفاري بخاخ والمشكلة انحلت بالطريقة اللي ذكرت في ردي السابق ... بس اهم شيئ يكون وزن الديلكو دقيق حتى يظبط الشغل .
الأخوان اللي يبخصون في المكانيكا ممكن يفيدونا اكثر ومنهم نستفيد .
بوسليمان22
12/08/2007, 11:03 AM
يا اخوي مشكلتك وزن الديلكو بس
انا مكنيكي
ابو حمد 2006
12/08/2007, 11:25 AM
انا عندي نفس المشكلة باترول 2005 ربع بس المشكلة ماتجي الا اذا ارتفعة الحرارة فوق الربع
اذا لقيت الحل تكفا لاتنساني
اخوك ابوحمد