مشكله وأبي لها حل

[الباهي]

ياشباب كيف الاحوال
عندي مشكله وابي لها حل عندي لاند كروزر 99 مظبوط والامورتمام بس حصلت فيه
مشكله هاليومين وهي اني اذا مشيت فيه على خط اسمع فيه صوت حنه بعض الاوقات
اكون حاطه بالخامس وامشي واذا سمعت الصوت احسب اني حاطه بالثالث ولاكن اتاكد
واشوف انه باخامس وما اعرف هل الصوت بالمكينه ولا غير المكينه لانه مثل الحنه
وماتجي الااذا اسرعت من الميه وفوق:confused: :confused:
اللي عنده خلفيه لايبخل علي:(

ومشكورين مقدم
الباهي

[صقر]

السلام عليكم ورحمة الله وبركاته

المشكلة اللي تعاني منها سيارتك حسب كلامك انها في عمود الدبل قد يكون فيه (حرّة) يعني قد يكون تعرض لضربة وحل المشكلة انك تركب (فرارات) لفصل العمود عن المكينة وهذا يريح الموتر حتى لوكان مافيه حرّة وعلى فكرة فيه ناس يركبون فرار واحد ويكفي ويفي بالغرض المطلوب منه

جرب الطريقة واتمنى الشفاء لسيارتك.:good:

[ابو عمر اللاحم]

حياكم الله :

بالاضافة الى ما ذكر إخونا صقر : اتوقع ان ما فيه مشكلة ولاشئ عندك المروحه تشبك اذا مسكت الخط لأن حرارة الجو مرتفعه هاليومين .:hot:
بس تأكد من نظام الحرار عندك الرديتر والماء والبلف شيك عليهن .

او ما تشوف شر ان شاء الله.

تحياتي ،،،

[الباهي]

الاخوه الاعزاء
:heart: صقر:heart:
:heart: نهار:heart:

شاكر لكم المشاركه بالموضوع وطرح الحلول:good:

اخي صقر

بارك الله فيك ماعندي علم ان كان العمود مظبوط ولا لا
لا كن ماأريد ان اتعبث ومابي احط فرارت يعني اذا فيه مشكله ودي
احلها مااضيف اشياء اخرى,طيب لو العمود اغيره ولا ,وماتعتقد انه
من العمود الثاني ارجو منك الاجابه ... ولك مني التحيه


اخي نهار

تسلم وماقصرت وبالنسبه لتماتيك المروحه والرديتر والبلف توني مغيرها يعني جديده
فما اعتقد انه منها ايش تتوقع المشكله منه :confused:

بارك الله بالجميع ارجو مساعدتي ونشوف حل للسياره:redcar:

[Y&Y_4X4]

السلام عليكم

جرب هال الطريقة وخبرنا

خل واحد من الشباب يسوق الموتر واذا سمعت الحنة حط اذنك على عصا القير على (القبظة) اعتقد ان اسمها كذا,

وبعد ماتاخذ اذنك على الصوت قل للرجال يضغط كلتش وانت تسمع الحنة هه حصل تغيير بالصوت ايش شكله.:what:

بس تكفى قل للرجال لا يقعد يناضرك! قله ينتبه للخط........

:rolleyes:

[الباهي]

هلا والله بالغالي

شكر للاهتمام اللي افهمه من كلامك انك تتوقع الخلل من الكلتش(الدسك )
ان كان هذا القصد فانا مغيره

ارجو اقادتي
اخوك الباهي

[الباهي]

وينكم يالنشامى بارك الله فيكم :confused:

[Y&Y_4X4]

غير صحيح الله يعافيك



سو الي قلتلك علية وعلمن ؟

[صقر]

اخي الباهي

السلام عليكم ورحمة الله وبركاته

مساك الله بالخير

الحرّة ممكن تعرف انها من عمود الدبل او لا بكل بساطة ممكن تفك العمود نفسه (8) مسامير وينزل بايدك وجرب الموتر عقبها واذا راحت الحرة ترى العمود هو اللي فيه العطب اما اذا ما راحت فابحث عن المشكلة في مكان اخر .

اذا كانت المشكلة في العمود فعندك حلين الاول انك تغير العمود بس العمود غالي واجد ويمكن تلقاه بالوكالة اغلى من سعر السيارة :D :D :D
الحل الثاني انك تركب فرارات وهذي مقدور عليها وبسيطة ومثل ما قلت لك ترى الربع يركبون فرار واحد وهالفرار كفيل انه يوقف العمود عن الدوران.

اما كلامك عن العمود الخلفي يمكن يكون فيه الخراب.

انا اللي اعرفه ان الدفع الرباعي دائما اللي يخرب هو عمود الدبل فقط يجيه ضربه او فتله او ماشابه.

ارجو ان اكون قد وضحت لك يا أخي العزيز.

والسلام عليكم ورحمة الله وبركاته...........

[شبوب]

انتبه00 !!

قبل لاتلعب بموترك اول شي شف المروحه00 يمكن تماتيك المروحه خربان

[الدبل الثقيل]

السلام عليكم ورحمة الله وبركاتة
ياخوي يمكن انك قد نسيت الدبل الخفيف شغال ومشيت به على الاسفلت واسرعت واتوقع الصوت من عمود الدبل والكرونة
وجزاك الله خير.........

[الباهي]

هلا بكم يااخوان

اخي صقر

شكرا لك على التوضيح بس وشو اللي في بالك تتوقع انه خربان
..................
الاخ شبوب

هذا اللي انا ماابيه اني اتعبث بالموتر بالنسبه تماتيك المروحه جديد توني مغيره كما ذكرت

....................
الدبل الثقيل
لالا ماقد نسيت الدبل شغال وبالنسبه للكرونا عرضته على مهندس وقلي مافيها شي
طيب وش غير الكرونا اللي يطلع الحنه
.......................
شاكر لكل من شارك بالموضوع واذا فيه اضافه فلا تبخلو لان المشكله جابت لي الشيب

[بو جبل]

اتوقع والله اعلم إن المشكلة عندك في الكلتش يفوت لان هذي اعرضه المكينة تحن والسرعة ثابته
تأكد منه

أخوك أبو جبل,,,,,,,

[الباهي]

اخي ابو جبل

مشكور على المشاركه بالنسبه لكلامك المشكله اني ماقدرت اميز الصوت
هل هو من المكينه ولا غيره ولا اعتقد انه من الكلتش لانه مايحن على طول
مايحن الا عند سرعات معينه

وبارك الله فيك
اخوك
الباهي